kahani mai Leader apna naam Aarav rakh kar Abhimanyu ghar mai rehne lagta hai. Aadhi raat ko jab vo College mai RDX khojne jata hai toh uski mulakaat Ritika se hoti hai. Aarav use koi aadmi samjh kar pakad leta hai or police ki dhamki dene lagta hai. Ritika kehti hai, “ tum Kya police ko bulaoge? main khud police wale ki beti hu. Kya yaar? Raat ko bhi tum logo ko chain nahi hai? Main yahan apni Time machine nikaalne aayi thi.” Aarav poochta hai, “Kya karti hai ye machine?” “Ye past…” Ritika kehte kehte ruk jati hai. “Main tumhe kyu batau? Hato mere raaste se.” Aisa kehte huye Ritika vahan se chali jati hai. Aarav uss machine ko dekhta rehta hai. Agle scene mai Aarav pichle 5 din se college mai RDX khoj raha hai. Or aakhirkaar use uss raat vo RDX or bomb ke boxes mil jate hain. Jab Aarav unhe lekar ghar aata hai toh Abhimanyu ki nazar uss par padti hai. Abhimanyu sochta hai, “Ye itni raat ko kahan se aa raha hai?” Agle din Pappu Abhimanyu ke ghar use bulane aata hai, “Aarav chal… college nahi chalna?” Aarav kehta hai, “Nahi, aaj mujhe kuch kaam hai.” Abhimanyu ye baat sunte huye bhi nazar andaaz kar deta hai. Pappu kehta hai, “Theek hai mauj kar.” Pappu ke vahan se jane ke baad Abhimanyu Aarav se kehta hai, “Beta main kuch deir ke liye bahar ja raha hu. Tum ghar ka dhyan rakhna.” Abhimanyu ko jate huye dekh kar Aarav kehta hai, “Jao, Jawan, jao vaise bhi mujhe Army walon ki company bilkul pasand nahi.” Mauke ka fayda utha kar Aarav Rehman ko phone lagata hai. Phone uthate hi Rehman kehta hai, “Mujhe pata tha ki tum RDX or bomb zarurat khoj loge leader.” Aarav kehta hai, “Lekin aapko kaise pata chala ki mujhe RDX mil gaya?” Rehman kehta hai, “ye main nahi mera tazurba kehta hai ki tum sab kuch kar sakte ho. Ab ek kaam karo. Ye RDX or bomb humare usi aadmi ko dedo.” Rehman phone rakh deta hai. Kuch deir baad hi Abhimanyu ke ghar Rehman ka aadmi aata hai. Aarav use vo boxes dete huye kehta hai, “Isko aisi jagah rakhna jahan se logo ki Cheekhe humare sargana tak Pahuche.” Aarav jaise hi darwaaza band karta hai Abhimanyu aa jata hai. Abhimanyu poochta hai, “Ye jo aadmi aaya tha vo kaun tha?” Aarav kehta hai, “Ye raddi(रद्दी) wala tha. Mere kuch purane paper the.” Itna kehta huya Aarav vahan se chala jata hai. Abhimanyu man mai sochta hai, “Ye ladka koi toh raaz chipa raha hai.”
Aarav apne kamre mai pahuch kar khidki se aati huyi roshani ko dekhte huye Drugs leta rehta hai. Tabhi uske phone se aawaze aane lagti hai, “Leader ne humara kaam aasan kar diya. Ab ek sath kai log maare jayenge.” Aarav phone band karne ja hi raha hota hai ki ek or aawaz aati hai, “lekin afsos, use ye tak nahi pata ki hum uske hi haatho uske desh ko barbaad karne wale hain.” Ye aawaz sargana Rehman ki hai. Aarav yani leader humesha apne room mai ek chhota sa device laga rakhta tha taki agar koi uske kamre mai aaye toh Aarav ko pata chal jaye. Rehman ki baate sun kar Aarav shocked ho jata hai or kehta hai, “Main? Hindustan ka…?” Aarav ke dimag mai pichle 15 saal ki kahani ghoomne lagti hai. Vo bhaag kar bathroom ke pass jata hai or saamne lage sheeshe mai khud ko dekhne lagta hai.
Agle scene mai Ritika ke ghar ki door bell bajti hai. Vo jaise hi Darwaaza kholti hai, saamne Aarav khada hai. Ritika use dekhte huye kehti hai, “tum yahan kaise?” Aarav andar aate huye kehta hai, “Mujhe maaf karna lekin mera abhi milna bahut zaruri tha. Tumhare paas vo time machine hai na? Jisase past or future dono pata chal jata hai.” Ritika ladkhadati zubaan mai kehti hai, “Nahi ye kisne kaha? Ye jhoot hai.” Aarav kehta hai, “Dekho, mujhe Pappu ne sab bata diya hai. Please meri help kar do bas ek baar.” Aarav ke request karne par Ritika use apne room mai le jati hai or time machine ke wires ko Aarav ki nerves se jod se deti hai. “Ab apni aakhen band karo. Or tumhara jo bhi bita huya kal or aane wala kal hoga vo sab tumhare saamne hoga. Lekin sirf 1 minute ke liye. Uske baad ye device khud disconnect ho jayegi.” Aarav apni aakhen band karta hai. Uske saamne laakhon logo ki Cheekh, pukaar, rona, khoon or ambulance ki aawaze ghoom rahi hai. Kuch hi deir baad Aarav ka bachapan uske saamne aata hai, jahan uski maa Kavya use khana khila rahi hai. Tabhi ek aadmi chhoti si cycle lekar aata hai. Ye aadmi Or koi nahi balki Abhimanyu hai. Abhimanyu ka chehra saamne aate hi Aarav uth jata hai or kehta hai, “ye mera baap hai?”
Agle scene mai Rehman ka aadmi pure sehar ke bade bade markets mai RDX or bomb fit kar deta hai. Or yahan Hindustan mai entry hoti hai Aamir ki.