Thumbnail :-Jawan पहुंचा Pakistan!
Content:-
SRK starrer Jawan ki iss kahani ki shuruat hoti hai Lahore se, jaha pe Jawan(SRK) naam ka ek terrorist yahi ke central jail me kaafi saalon se band hai. Jawan terrorist hai ya nahi iss baat ka pata toh baad ki baat hai, par usse phele hi Pakistan ki sarkaar ne Jawan ko bhartiya “jasoos” keh kar apne kabze me le liya hai. Jawan pichle 32 saalon se Lahore ke central jail me band hai. Uske pariwaar ko justice milega bhi ya nahi, yeh koi nahi keh sakta. 1990 se lekar ab tak Bharat sarkar kayi baar palti (पलटी) aur iss palat’ti(पलटती) raajneeti me bhala ek jasoos ki khabar kon rakhe? Jawan
ka pariwaar 9 saalon tak toh supreme court aur parliament ke chakkar kaat’ta raha, iss umeed se ki kabhi toh unke bete ko justice milega, par aisa karte karte justice toh nahi mila, par Jawan ki wife apne 10 saal ke bete ko peecha chod iss duniya se chali gayi.
(“Kolathur police station”, Chennai, 2022)
“kya yarr tum log!! ek kaam sahi se nahi kar sakte! maine bola tha na, iss case ki file ki report commissioner tak pahuchani hai? tum logon ne abhi tak nahi pahuchaya?” Shiva Bacchan(SRK double role )naam ka dabang inspector apne juniors ko daant(डांट) raha tha. Wahi Shiva ke juniors, sir jhukaye uske saamne aise khade the, jaise kuch wakt ke liye woh sab murti(मूर्ती) ban gaye ho. Naa koi body movement dikha raha tha, naa hi koi jawaab de raha tha, bus sab sir jhukaye khade the. Sunne me aaya hai, ki agar koi Shiva ki baaton ke beech me bolta hai, toh use apni naukri gawani padti hai. issi wajah se koi usse panga nahi leta. “Ab khade khade neeche kya dekh rahe ho? jaao aur jaakar inn files ko commissioner sir tak pahuchao”, Shiva case ki files ko jor se apne desk pe patkta hai aur khud kursi pe, sir pe haath rakh ke baith jaata hai. “subah subah headache de dete hai yeh log..huhh”, Shiva apne man me aisa kehta hai aur phir apne desk pe rakhi chai ko uthakar peene lagta hai ki, tabhi ek aadmi daudte huye “Sir sir it’s an urgent case!!!!” Haafte huye woh aadmi Shiva se kehta hai, jisse Shiva chaunk jaata hai. “Kya hua? aur tum aise haanf kyun rahe ho?” Shiva uss aadmi se sawaal karta hai ,jo Shiva se kehta hai ki ,kuch dino pehle uska chota bhai “shankar”( NIVIN PAULY) kisi “Nasir” (Mir Sarawar) naam ke aadmi se mila tha. uske baad Shankar Nasir ke saath thodi der baahar chala gaya, lekin ab poore teen din ho gaye hai lekin abhi tak Shankar ka koi pata nahi hai. Uss aadmi ke mutabik uska naam “Selvam”(Vijay sethupati) hai jiska bhai Shankar kisi Nasir naam ke anjaan aadmi ke saath laapata hai.
Selvam ke mutabik usne Nasir ko lekar uske aas-paas ke logon se puchtaach ki, lekin uska koi pata nahi chal paaya. Aisa kaha jata hai ki, Nasir ka pariwaar Pakistani immigrant hai, jo pichle 18 saalon se Chennai me reh raha tha. lekin jab se Nasir gaayab hai, tab se naa hi uske pariwaar ka kuch pata chal paaya hai, na hi Nasir ka.
Shiva pehle iss case ko kidnapping ke taur pe dekhta hai, halanki woh iss baat se anjaan hai ki yeh case sirf Shankar ke lapata hone tak hi seemit nahi hai, Balki aage aise kayi aur raaz chupe hai, jo Shiva ka intezaar kar rahe hai.
Aur wo hum janenge humari agli blog me.
(To be continued part 1)
Cast:-
Jawan:- Shah Rukh Khan
Selvam:- Vijay Sethupati
Shiva Bacchan:- Shah Rukh Khan (double role)
Nasir:- Mir Sarawar
Shankar:- Nivin Pauly
DISCRIPTION:- Jawan is an upcoming Indian Hindi action thriller film written and directed by Atlee. It stars Shah Rukh Khan in a dual role along with Vijay Sethupathi and Nayanthara. The film’s music is composed by Anirudh Ravichander.
Khyati
