London ke madam Tussaud Museum mai ek chamber hai ‘Chamber of Horror.’ Iss chamber mai ek aise shaksh ka statue majood hai jis par 6 logo ke khoon karne ka aarop hai Or ye shaksh hai John George Haigh. John ka janam saal 1909 mai huya tha. Uss waqt se hi bharat mai batware ki jhalak dikhayi dene lagi thi. John ka janam ek engineer parivaar mai huya tha. Lekin parivaar ki haalat kuch theek nahi thi. Gareebi mai apni zindagi jii rahe John ko bachapan se hi ek ajeeb dar satata tha ki kahin koi use maar na de. Ye dar koi aisa vaisa dar nahi balki Shaitan ka darr tha. John ke papa ke sar par ek chhot ka nishaan tha. Or John ko aksar iss nishaan ke bare mai janne ki iccha hoti thi. Ek din usne apne papa se poocha ki unhe ye nishaan kaise mila hai? John ne papa ne bete ki masumiyat ko dekhte huye kaha ki, “ye nishaan unhe ek Shaitan de gaya hai. Or Shaitan ye nishaan tab hi de jate hain jab insaan koi Paap karta hai.” Apne papa ki kahi huyi ye sab baate John ke man mai bas chuki thi. John ke Papa kaafi andhvishvaasi the. Apne parivaar ko buri nazar se bacha kar rakhne ke liye unhone ghar ke deewaaron par ghere bana rakhe the. Jab bhi John se koi galti hoti thi toh uski maa use brush se maarti thi. Or kabhi kabhi maar ki wajah se khoon nikalne lagta tha. Or ek din aisa hi huya. Maar khane ke baad John ne dekha ki uske hath se khoon nikal raha hai. Or usne apne khoon ko choos liya. Jiske baad use iski aadat lag gayi. Saal tha 1926. John ab 18 saal ho chuka tha. Lekin usne apni padhai ko aage badhane ki jagah beech mai chhod diya tha. Or School chhodne ke baad John ne chhori chakari karna shuru kar diya. Ek din John Sadak par khade hokar kuch soch raha tha. Or sochte sochte vo kab beech sadak par ek gaadi ke saamne aa gaya use pata hi nahi chala. Aakhen khuli toh usne khud ko ghaayal paya.
Iss incident ke baad se John ko bure bure sapne aane lage. Or in sapno se bahar nikalne ke liye usne raasta apnaya Murder ka. Hospital se discharge hone ke baad John ek market mai pahucha. Jahan uski nazar ek 35 saal ke aadmi par padi. Or yahi aadmi John ka pehla shikaar bana. Murder karke uska khoon pine ke baad John ne market se ek acid ki bottle khareedi. Lekin sabse pehle usne ek chuhe ko pakda. Uss chuhe ko maar kar John ne ye pata lagaya ki ek body ko galne mai kitna waqt lagta hai. Or isi tarah usne ek ke ek baad kai murder karke unhe acid se galaana shuru kar diya. Khas baat ye thi ki usne khoon karne ke liye kisi bhi tarah ke aujaar ka istemaal nahi kiya. Balki usne apne liye alag alag deshon se tarah tarah ki bandooke mangwai. Ek ek karke area mai murder cases badhne lage. Or ab police ke liye ye sabse bada sardard ban chuka tha. John kaafi waqt tak aazad ghoomta raha. Uski chhoti chhoti mooche or Suit boot mai khud ko maintain rakhne ki aadat use ek businessman jaisa look deti thi. Or shayad yahi ek wajah thi vo abhi tak police ki nazar se bacha huya tha. Din par din badhte murder cases ne Police ko har ek insaan par, chahe vo budha ho ya baccha, sab par shaq karne ke liye majboor kar diya. Kaafi waqt baad jab John ko log milna band ho gaye toh usne phir se apne pehle khoon ke parivaar walon ko apna mohara banaya or yahi uski bhool sabit huyi. John usi aadmi ke ghar pahucha jahan usne Olivia naam ki ek aurat ko apna shikaar banaya. Lekin iss baar vo Police ki pakad mai aa gaya. Jail mai rahne ke dauraan Ek aadmi ne uske behavior or usme sudhaar laane ki kaafi koshish ki. Lekin John ne uski ek baat nahi maani. Usne jailer ko bataya ki usne abhi tak 9 khoon kiye hain, lekin police ke pass sirf 6 khoon ka record hai. Court mai pesh hone par John ne Judge ke saamne khud ko mental patient bataya or rihaai ki maang ki. Lekin uske gunaahon ko dekhte huye Court ne uski arzi ko khaarij kar diya or use Faasi ki saza sunai.
