Dharavi Slum Mumbai, Asia ka largest slum mana jata hai. Ji haan, iss heart shaped slum ne Mumbai ko kaafi commercial success di hai. Slum hua toh kya, yahan par jitna len den hota hai, woh shayad hi kisi aur jagah par hota hoga. Aise mein agar aap wahan ke chote ladhkon se puchenge, toh sabhi ke sabhi Sallu Bhai ko apna favorite batate hain.
Aise mein Dharavi mein kaafi badi badi dukaanein hain. Waise toh yahan ke log bahut alag alag business karte hain, lekin yahan ka leather market bahut hi famous hai. Magar aaj kal iss leather market par kala saaya mandra raha hai. Darsal Beef Ban ke baad, Leather ke prices kaafi badh gaye hain. Leather goods ke liye raw material mil nahi raha hai, aur agar mil bhi raha hai toh kaafi zyada price mein. Issi wajah se ho yeh raha hai ki bade bade Dharavi ke business kaafi loss mein chale gaye hain aur leather market ko pichle 75 saalon se handle karne waale shop owners bhaari matra mein, karz mein doob chuke hain. Shastri Nagar, Dharavi jo ki leather ka market hai, wahan ke sabhi log pareshaan hain, aur apni rozi roti ke liye taras gaye hain. Bahut se leather market ke shop owners ka interview bhi liya gaya hai, jiske baad yeh kahani saamne ayi hai. Iss leather market ki puri valuation gir gayi hai, aur aise mein logon ko iss baare mein batana bahut zaroori hogaya hai taaki zyada se zyada janta, iss market mein aakar cheezein khareed sake.
Iska matlab yahi hai ki Beef Ban ne jo market giraya hai, woh kisi ko toh balance karwana hi padega. Kisi ko toh logon tak yeh baat pahuchani hogi ki leather ka business hai, aur log kaafi mehnat kar kar apna guzara kar rahe hain. Aise mein Dharavi mein leather ke owners ke paas ek hi tarika hai raw materials ke high price ko profit mein badalne ka, aur woh hai ki koi aisa isse market kare, jo ki trend bann jaaye, taaki unki bikri zyada ho.
Abb aap samjh toh gaye hi honge. Bus isi ke liye ho sakta hai Sallu Bhai, Radhe bankar, Dharavi ke iss mudde ko bhi apni movie Wanted 2 mein dikhaayein. Bhai Jaan ek gunde toh banenge hi, magar aisa gunda jo ki Dharavi ke bechare logon ki madat karta hai yeh sirf Salman hi dikha sakte hain. Salman inhein leather goods ke vyapariyon ki dikkat highlight kar sakte hain. Toh bus phir kya, bhaijaan kuch kahein, aur janta na maane, aisa toh ho hi nahi sakta. Isi liye hi movie mein aapko yeh part dekhne ko mil sakta hai.
Tab tak bane rahiye Bollygrad Studioz ke saath. Like aur share karna na bhulein article ko.
Pratima Ratwani.
