Bharat me Underworlds aur smugglers ki kahani 60 ke dashak se aam ho chuki hai. 90 ke dashak me toh Mumbai me Don ka alag hi kauf tha aur inhi me se ek tha Haji Mastan. Haji Mastan ek aisa aadmi tha jisne bhale hi crime ki duniya chuni, lekin kabhi naa toh kisi ki jaan li, naa hi kabhi kisi ko goli maari. Haji Mastan ko smuggler king kaha jaata hai, jo Mumbai ka sabse pehla Underworld Don kehlaya. Haji Mastan ka janam saal 1926 me Tamil Nadu me hua tha. Haji apne pita ke saath saal 1934 me Mumbai aaya tha. Uske pita har din mehnat karte the kyunki unke pariwaar ki haalat aachi nahi thi. Saal tha 1944, Haji ab 18 saal ka ho chuka tha aur usne ab coolie ki naukri karni shuri kar di thi. Haji Mumbai docks pe collie ka kaam karta tha. Issi beech Haji Mastan ki mulakaat Galeeb Sheikh naam ke aadmi se hui. Galeeb ne Haji ko bataya ki use ek khaas samaan (sone ki mehangi biscuit aur ghadi) ko uthana hoga. Haji turant raazi ho gaya. Kayi baar samaan uthate-uthate Haji ki dosti Galeeb se gehri ho gayi. Coolie ka kaam karte karte Haji Mastan ka mann lag chuka tha. unn dino videsh se aane waale log mehange mehange samaan, apne saath laate the. lekin samaan par lagne waala jyada tax musibat hota tha. Aise me unki madad Mastan karta tha jisse use achhe khaase paise mil jaate the. Naya baccha aur coolie hone ke chalte, Mastan pe koi shak nahi karta tha aur iss tarah se usne smuggling ke dhandhe ko hi apna mukhya purpose bana liya. Saal 1950 tak Haji Mastan ki zindagi badal chuki thi. Saal 1956 me Mastan ki dosti smuggler Sukur Narayan se ho gayi jo Gujrat ka famous smuggler tha. Sukur Narayan ki dosti Mastan ke liye faide ki rahi. Dono ab mil kar smuggling ke dhande me khoob paise kama rahe the. Issi scene ke baad Haji Mastan ke naam ke aage “Mafia” lag gaya tha. Kaha gareeb Mastan, 70 ke dashak me ameero ki zindagi jee raha tha. Smuggling ke dhandhe me apni haathon ko jama chuka Haji Mastan, ab designer suit pehan kar Mercedes me ghumne laga tha. Wahi 70 ke dashak me jab desh me emergency ghoshit hui, tab Haji Mastan ko giraftaar kar jail me daal diya gaya. Jail me Haji Mastan ki mulakat Jaiprakash Narayan se hui aur 18 mahine baad jab woh jail se baahar aaya toh usne crime ki duniya ko chodne ka faisla kar liya. Haji Mastan ne crime ki duniya ko chodne ke baad apni ek rajneetik party bhi banayi, jiska naam “Dalit Muslim suraksha mahashang” rakha gaya tha. Party ne chunaav bhi Lada lekin kaamyaabi nahi mili. Apne zindagi ke aakhiri daur me Haji apne pariwaar ke saath reh raha tha aur saal 1994 me Haji ki Heart-attack se maut ho gayi.
To yeh thi Haji Mastan ki kahani. Aapka Haji ko lekar kya soch hai? yeh hume comment section me jarur batayega tab tak ke liye hum aapse lete hai Vida. DHANYAWAAD
- Cast:-
Haji Mastan:- Amir Khan
