Kehte hai maut jab aane ko hoti hai tab aati hi hai, Lekin usse kiya kahenge jo khud maut ko dawat de. Ali Budesh ussi mein se ek tha jo maut se kabhi nhi dara or aise aise logo se dushmani mod li jinse aacho aacho ko pasina chutt jata tha. Ali Budesh bachpan se apradh ke galiyon mein ghus chuka tha. Ali Budesh ka janam saal 1957 mein hua or wo behrin mein shith bhartiya jabar jasti se wasooli krne waala or ek bada dakait tha. Ali Budesh Mumbai ka rehne wala tha or uski Maa ek bhartiya aurat thi or uske pita ji ek arbi thy. Wo hamesha logo ke puchne par khud ko Arbi hi bata ta tha usse lagta tha ki uske pita ke naam se wo jada jaana jaayega or ek alag hi uski pehchan banegi.
Aur thik aisa hi hua usne apni aisi pehchan banayi ki log aaj bhi Ali Budesh ko jaante hai.
Ali Budesh ne apne 8 saal ke umar mein hi apradh ka hanth tham liya tha or usne choti moti chori, jeb kaatna or kisi ka saaman chinn kar bhagne se shuru ki . Log kehte hai wo kabhi nhi kisi ke hanth aa pata tha or uska jeb kaatne ka tarika baaki saare jeb katro se alag hota tha jiske kaaran usse pakadna mushkil hota tha. Wo school bhi gaya jb wo chori nhi kiya krta tha tab wo Pune ke school mein padha karta tha lekin kehte hai na jiski jo manjil hoti hai wo usse khud ba khud apni taraf kheench hi leti hai . Aakhir wo apradh ke galiyon mein aa hi gaya or chota mota badmaas ke roop mein sabke saamne aaya. Wo ek do baar police waalo ke pakad mein bhi aaya lekin choti moti jurm hone ke kaaran wo har baar jail se chut jata tha or kahi na kahi usse issi se himat or milti, usse lagta jurm krte jaao usse jail se bahar toh aana hi hai.
Jaise jaise Budesh bada hua uski himat badhti gayi or wo jurm ki duniya mein apni haanth failata chala gaya. Uski mulakaat Daud Ibrahim se hui lekin kehte hai uski mulakaat bahut hi filmy tareeke se hui ek baar ki baat hai jab Ghaatkopar mein pankheshah baba mandir ke paas ke jhuggiyon mein rahne ke dauran jab police waale daud ibrahim ke kuch sadasyon ko dhund rahe thy tab Budesh uske sampark mein aaya or usne unko chipne ke liye apne bhool bhulaiya waale jhuggiyon mein sharan diya. Iss chiz ke liye Budesh ko puraskrit kiya gaya or usse dubai jaane ka mauka bhi mila. Wo jaise hi Dubai paucha usse D. company ya bolu Daud ke company ka head bana diya gaya. Unn logo ka kehna tha ki Budesh ko ye taufe ke roop mein mila hai or ussi dauran India ke most wanted criminal Daud Ibrahim se milne ka mauka mila. Unn dono mein dosti bahut gehri hoti chali gayi lekin kehte hai na kisi bhi chiz ko najar lagne mein waqt nhi lagta hai thik waise hi hua Daud or Budesh unke riste ko bhi apradh ki najar lag gayi or wo dono rangdaari ke kaaran ek dusre ke jaani dushman bann gaye . Hua ye tha ki uss samaye mumbai ke ek builder Natwarlal Desai ek property deal karne ja raha tha ussi waqt Budesh or uttar pradesh mein rehne wala don Shubhash Singh thakur ne Desai se iss Deal ke liye paise mangne . Desai ne Daud se isske baare mein complain ki kiu ki Desai bhi D company ka member tha jisse sunn kar Daud ko gussa aa gaya or ussi waqt Daud ne Budesh ko phone laga or usse dhamki di Desai se dur rehne ki . Jispar Budesh ne Daud ko kaha ki gaali dene ka koi hak nhi, tum mujhe aaj tak sirf Ali bhai ko jaana hota hai jis din mai Ali Budesh bann gaya uss din tum ro ge. Iss dhamki bhare phone ke baad Budesh or thakur ne milkar desai ko marwa diya jiske baad dono ka rishta or bigad gaya.
Budesh ne Dubai mein apni pehchan or banayi aur daud ke bahut saare pramukh logo se milkar jaise Pakistani Taskar Shoeb khan, Irfan Goga or Izaz pathan ke sath sath milkar apni ek alag hi D company banayi jiska boss wo khud bana liya or thakur jo ki abhi tihad jail mein hai uske madad se Daud ke right hand kahe jaane waale Dilawar khan ko bhi apne company mein jor kar daud ko ek bada jhatka diya. Aisa hotey hi apne D company ka sara niyam kanoom usne badal di. Aur khabar ye bhi aayi thi ki daud ke bhai Anis ibrahim ko saal 1996 mein international Airport par giraftaar kiya gaya tha or isme haanth Budesh ka tha.Mana jata hai ki Daud ko jab pata chala ki uska bhai jail mein hai toh usne 5 lakh rupay laga kar usse bahar nikalwa liya tha or uske baad Budesh ka niptara karne ke liye usne ye kaam chota Shakeel ko de diya tha wo jaanta tha ki ye kaam Shakeel ke alawa or koi nhi aache se kar sakhta tha.
Budesh ne june saal 1998 mein mumbai ke ek paschim upanagar dahisar mein ek hotel ke paas hand grenades hamle ki zimmedar li thi or kuch logo ne issse chunauti samjh kar police waalo par grenades fhekwa di. Badle mein police waalo ne bhi hamla kiya or uss hamle mein 2 police waale or 3 gangster maare gaye. Budesh ke kehne par bhi police waalo ne uski ek bhi nhi suni.
Jab Budesh ko laga ki ab uska naam ab guum ho raha hai toh usne jabran wasooli krni shuru kar di usne wo saare tarkibey apnaye jo daud krta tha . Budesh ne apne nishane par builder, Diamond dealer or Bollywood ke naami hastiyon ko apna target banaya. Wo builder se kam hi wasooli krte thy kiu ki unke najar mein kam hi aise flat thy jo wasooli krne se unhe mil pata or na hi jada diamond le dealer ke paas, toh unhone apna bada target Bollywood ke naami hastiyon ko banaya or unse aachi khaasi wasooli krne lage. Jo log wasooli ke liye mana karte thy unhone hamesha Natwarlal Desai ka example dekar dhamkaya jata tha. Saal 2000 mein aayi film Kaho na Piyar Hai ke Director Rakesh Roushan ko bhi dhamki mili ki agar wo iss film se aaye munafe ka 1 % Budesh ko nhi denge toh usse bhi maar diya jaayega. Sirf Rakesh Roushan hi nhi balki Mukesh Bhatt or Boni Kapoor ko bhi Do khokhe yani 2 crore wasooli dene ki dami bhi mili thi.
Saal gujre aise hi wasooli krte krte baad mein jab Budesh ki tabiyat bigadi toh usse hospital mein admit kiya gaya jaha unsko pata chala ki usko sugar ki bimaari hai . Or usse ab inn sab chizo se dur rehna hoga toh wo inn sab chizo se dur ho gaya or aakhir kaar 12 March saal 2022 mein tabiyat jada kharab hone ke wajah se usko Army Hospital mein bharti karwaya gaya . Uska blood sugar badh jaane ke kaaran wo koma mein chala gaya or 14 April saal 2022 ko uski maut ho gayi or ye khabar Behrin ke doctor ne confirm ki kiu ki uska ilaaz wahi chal raha tha, toh aisi ho sakti hai pushpa ki aane waali kahani. Phir milenge aisi or nayi kahaniyon ke sath tab tak ke liye thank and keep reading and smile always…..
By Chandan Pandit
