Purnima jo ki Sri Lanka ki ek choti si ladhki thi, usse apni purani zindagi ke baare mein 3 saal ki umar se yaad aane laga tha. Usse yaad aa chuka tha ki woh ek ladhka thi, agarbattiyan bechti thi, aur yeh bhi ki uski maut accident ki wajah se hui thi.
Inn sab qisson ke baad Purnima ke maa baap ne ek psychology ke professor ko bulaya tha taaki woh iss case ki study kar sake.
Professor Erlendur Haraldsson ne yeh investigation start kardi thi. Purnima se sawaal puche ja rahe the yeh jann ne ke liye ki usse kya kya yaad araha hai. Tab Purnima ne bataya ki woh agarbati ke Ambiga aur Geta Pichcha naam ke brands banaya karti thi, aur yeh bhi ki uski maut bus ke saath accident hone ki wajah se hui thi. Usne apni maut ke din ki picture kuch aisi batayi ki jab woh accident se mari, tab uski aatma kuch samay tak wahin thi. Uski atma ne uska khud ka funeral bhi dekha, aur phir achanak se usse Roshni dikhi, aur woh seedha iss janam mein agayi.
Professor ne Sumanasiri, jo ki Purnima ke pita ki dost thi, usse baat ki. Sumanasiri ne bataya tha ki usne, Purnima ke pita ke kehne par Kelaniya jakar puch taach ki thi. Sumanasiri ne aisi agarbati ki factories pata lagayi jo ki wahi agarbati use karti thi jo ki Purnima banaya karti thi. Inmein se ek factory owner ne toh yeh bhi confirm kiya tha ki ek ladhka, cycle par baith kar, yeh agarbatiyan dene ata tha aur woh bhi Purnima ke janam se 2 saal pehle tak.
Iske baad woh uss factory owner ke bataye hue ladhke ke ghar ke address par bhi gaye. Yeh ghar tha Wijisiri’s ka. Purnima, Purnima ka parivaar aur Sumanasiri sab Wijisiri’s ke ghar gaye. Jaate hi unhone Wijisiri ko dekha aur Purnima ne bataya ki yeh uska saala tha. Purnima ne milte hi Wijisiri se pucha ki kya usne phir se agarbatiyon ke packet ka rang aur cover change kardiya hai?
Yeh baat sunkar Wijisiri dang reh gaya kyon ki woh sach mein yeh kiya karta tha. Itni hi nahi Purnima ke left side par kuch birthmarks the. Uske hisaab se yeh birthmarks uske accident ki wajah se aye the, kyon ki jab uska bus se accident hua tha, tab usse left side hi lagi thi. Wijisiri ne bhi confirm kiya ki haan, accident ke baad injuries left side hi batayi thi doctors ne. Purnima ko agarbati banane ka pura process bhi ata tha, aur usne Wijisiri ko yeh bhi yaad dilaya tha ki kaise Wijisiri ke accident ke baad ussi ne uske ghutne par dawai lagayi thi.
Yeh sab jaane ke baad sabko yakin hogaya tha ki Purnima sach mein apni past life ke baare mein jaanti hai.
Toh bus aise hi kuch strong saboot ke saath Karan Arjun bhi apne punarjanam ki katha movie mein sunna sakte hain.
Tab tak aap hamare saath bane rahiye.
-By Pratima Ratwani.
