Archie Moore ek professional boxer the, jinka naam 100 “greatest boxers of all time” ki list me shaamil hai. Moore ki boxing life kaafi utaar-chadhaav se bhari thi. Unhone kayi matches jeete lekin kayi me unhe damdaar haar ka bhi saamna karna pada. 1946 me Moore ko light-heavyweight division ka title mil gaya tha. Iss dauran Moore publicly complain karne lage the, ki unke anusaar “boxing ka koi bhi world champion unse fight kar apne title ko khatre me nahi daalega.”
Moore ke liye 1947, kaafi important saal raha. Uss saal Moore ne 7-1 bouts khela. 1 haar unki Charles ke saath huye match ke dauran hui. Iske alawa Moore ne apne unn purane opponents ko bhi issi saal hara diya, jinse ek wakt pe woh match haare the. 2 June 1948 me Leonard Morrow(लियोनार्ड मोरो) ne Moore ko hara kar apne naam “California light-heavyweight champion” ka title own kiya. Saalon baad jab Moore se, Morrow ke saath khele iss match ke baare me pucha gaya, toh unhone kaha. “Maine galti se Morrow ko foul kar diya tha aur uske haath ki taraf maafi maangne ke liye badha.” Moore ne saalon pehle ek interview me Bob Dunlap(बॉब डनलप) ke baare me kaha tha ki, “Maine kabhi nahi socha tha ki yeh baccha mujhe nuksaan pahucha sakta hai. Maine socha ki mai thodi der ring me ruk kar dekhunga ki aakhir Bob ke paas kya hai. Lekin usne kaafi jor se mujhe maara aur uske baad mujh pe attack kar diya. Mai kabhi itna jyada sharminda nahi hua tha.” Moore ne yeh saari baatein apne unn matches ko lekar kahi, jinhe woh kabhi yaad nahi rakhna chahte the, kyunki inn matches me Moore ko kaafi mushkil haar ka saamna karna pada tha. Moore ne 1948 me solid 14 fights khele, jisme 9 knockout ke iss match me woh boxer Charles se haar gaye. Henry Hall se 10 round ke match me haare aur Gibson se 4 round ke disqualification me, Moore ki haar hui. 1949 me Moore ne 13 bouts khela. Moore ne “Alabama kid” ko do baar match me haraya tha. Iske baad Moore ne knockouts me kayi professional boxers ko bhi hara diya. Bob aur Bivins(बिविंस) ko harane ke baad, Moore ne future World-lightweight champion Harold Johnson ko bhi issi saal haraya tha. 1950 Moore ke liye vacation ka saal tha. Iss saal Moore ne sirf do hi match khele aur dono me hi Moore ki jeet hui. 1951 me Moore ne 18 match khela, jisme se 16 me unki jeet hui. Wahi ek match woh haar gaye aur ek match draw ho gaya. Iske baad Moore Argentina ke tour pe gaye, jaha bhi unhone 7 matches khela. 1 match me Moore ki jeet aur 1 match phir ek baar draw ghoshit ho gaya. Unhone issi beech Uruguay jaane ka time nikala aur waha jaakar bhi unhone ek boxer ko knockout 6 me haraya tha. 1952 Moore ke liye phir ek baar jaruri saal tha. Johnson heavyweight contenders Jimmy, Bob, Henry aut lightweight champion Clinton ko hara kar, aakhirkaar Moore ko 36 saal ki umra me “World Light Heavyweight Champion” ke liye khelne ka mauka mila. Lekin ussi wakt Moore ko pata chala ki woh nearly 39 saal ke hai, jab unki maa ne iss baat ko confirm kiya ki Moore ka janam, 1916 me nahi balki 1913 me hua tha. Issi ke saath Moore ke boxing career ka yeh aaakhiri mauka tha. Agar woh iss mauke ko kho dete hai, toh Moore kabhi bhi “World Light Heavyweight Champion” ka title nahi own kar paayenge. Moore uss championship me Maxim ke khilaaf lad rahe the, jo khud hi ek damdaar fighter the. Maxim se ladte wakt Moore ne apni taraf se unhe kayi damdaar punches diye aur Maxim ko kayi baar apne puch se ghaayal kiya. 15 round ke iss match me aakhirkaar Moore ki jeet hui. Aur 16 saal ki lambi koshish ke baad Archie Moore “World Light Heavyweight Champion” ban gaye. Issi match ke baad Moore ne apna lagataar 9 bouts jeeta. Aage chal kar Moore ne kayi bouts khele, jisme unhone tab ke Heavyweight aur Middleweight champions ko haraya tha. Apne damdaar fights ki, wajah se Moore ko “Mongoose” ka nickname diya gaya. Moore ne apne career me kaafi bade-bade boxers ko haraya hai. Moore ka boxing career, bhale hi shuruat me thoda utaar-chaadav se bhara tha. lekin 1948 ke baad se Moore ne kabhi peeche mood kar nahi dekha. Iske baad Moore ne apni zindagi me sirf safalta hi dekhi.
Apni zindagi ki aakhiri fight me, Moore ka saamna Young boxer Cassius Clay(कैसियस क्ले) yaani ki Mohammad Ali se hua tha. Ek wakt ke liye Moore Mohammad Ali ke trainer bhi the, lekin Ali ne Moore ko jald hi chod diya, kyunki Moore Ali ki fight style ko change karna chahte the aur iske alawa woh Ali se बरतन साफ़ karwane ke alawa, Gym ke floors ko bhi saaf karwate the. Inhi baaton se tang aakar Mohammad Ali ne Moore se training lena chod diya. Iske baad Ali ne kaha tha “Archie Moore….must fall in four” iska matlab tha ki Moore fight ke 4th round me hi haar jaayenge. Lekin ispe Moore ne kaha tha ki, unhone match ke liye khaas punches develope kiye hai. Inn sab ke bawajood jaisa ki Mohammed Ali ne kaha tha, Moore 4th round me hi match haar gaye. Moore ek maatra aise boxer hai, jinhone champion Rocky Marciano aur Mohammad Ali se fight kiya tha. 1963 me Moore ne apne boxing career ko alvida keh diya. Moore ke retirement ke baad bhi unhe khub fame mila. Iss dauran Moore ne alag alag sectors me apne naam kayi saare awards kiye, chahe woh “Boxing Hall of Fame” ho ya phir “Man of the year”. Iske alawa Moore ne acting me bhi apna haath azmaya tha, jisme se “My Sweet Charlie”, “The adventures of Huckleberry Finn” ke alawa kayi movies aur soap operas Moore ne kiye the. Moore ki personal life ki baat kare, toh unhone apni zindagi me do shaadiyan ki thi aur unke 4 bete aur 3 betiyan hai. Moore ki beti J’marie Moore kisi famous boxer ki pehli beti bani, jo ek professional boxer bani. Moore ne apni zindagi me charity ka kaam bhi kiya. Unhone non-profit organization khola, jaha pe kisi ko bhi bhale hi woh jis cast, religion ya colour ke ho, unhe free me boxing ki training di jaane lagi. Iske alawa Moore ne apne paise daan bhi kiye the. 1998 me Heart failure ki wajah se Moore ki America ke San Diego me maut ho gayi thi.
Toh yeh thi Professional boxer Archie Moore ki kahani. Hum iss tarah ke boxers ko Ganpath me, Tiger Shroff ke opposite dekh sakte hai. Ab Moore toh film me nahi aa sakte, lekin unke jaisa personality rakhne waala boxer to jarur shaamil ho sakta hai, jo film ko aur bhi jyada entertaining bana dega.
THE END….PART-2
