Ajit Doval ye aisa naam hai jisse bharat ka harr shaqs jaanta hai, ye wo insaan hai jisne apni zindagi ki baazi laga kar hamare sabse bade dushman desh mein 7 saal reh kar waha ki saari khabrein hum tak pahuchata tha , aaj hum issi raw agent ke baare mein jaanenge ki kaise inhone bharat desh ke liye kya -kya.
Ajit Doval ka janam 20 January saal 1945 mein,Ghiri Banelsyun ke gaaon, Pauri Garhwal jo ji erstwhile United Provinces mein hai or ab wo Uttrakhand mein hai wahi hua tha. Doval ke pita ji khud ek Indian army officers rah chuke hai toh Doval ko police mein bharti hone ki prerna apne pita ji se mili. Doval ne apni shuruaati padhai Ajmer , Rajasthan ke Ajmer Military School mein ki thi, phir inhone apni graduation wo bhi masters in economics Agra University se complete ki wo bhi saal 1967 mein, uske baad ye IPS ki taiyaari mein judd gaye the
Saal 1968 mein inhone as Indian Police Service, Kerala cadre mein as ASP of Kottayam district mein join kiya tha. Uske baad inko northeast India and Pakistan mein bheja gaya tha wo bhi 7 saal ke liye, unko waha isliye bheja gaya tha kiu ki wo Punjab mein ho rahe operation ka ek bahut bada hissa the. Lambe samay tak police mein rehkar doval ne desh ki khub sewa ki lekin jab unko 7 saal pakistan mein jasus bankar rehne ke liye bola gaya toh wo ussme bhi nhi darre, unhone turant haami bhar di or Pakistan ke liye rawana hogaye. Waha jaate hi unhone apni puri pehchan hi badal li or ek musalman ki tarah rahne lage, unhone waha se kai aisi khufiya jaankaari di jiski bharat ko sabse jada jarurat thi or wo bharat ke kaam bhi aayi. Lekin unki ek chuk se unn ki jaan jaate jaate bachi, hua ye tha ki ek din jab wo Pakistan ke Lahore mein raha karte the tab wo Lahore ki hi ek Auliya ki bahut badi majar hai jisme ek aadmi jiski khud ki lambi dhadhi thi jo puri muslim kapde mein tha usne Doval ko rok liya or unse pucha ki wo muslim hai ya Hindu, itna kehte hi wo Doval ko apne sath apne ghar le gaya or waha jakar unn se phir wahi sawal pucha. Doval waha darre nhi unhone fauran jawab diya ki wo hindu nhi muslim hai, uss insaan ne kaha nhi aap hindu ho kiu ki musalman kaan nhi chedaya karte hai , usar fauran doval ne jawab diya ki wo pahele hindu tha lekin ab wo apna dharm badal chuka hai, itna suunte hi uss aadmi ne apne almari mein rakhe Durga maa ki murti Doval ko dikhayi or bataya ki wo bhi Hindu hai or wo yaha akele rehta hai or jaise taise apna din kaat raha hai. Itna kehne ke baad uss aadmi ne doval ko jitni jaldi plastic surgery ho sake toh karwaane ke liye bola jis par unhone turant hi karwa li lekin aaj bhi unki wo ched halki halki najar aati hai.
Saal 1984 mein Amritsar ke swarn mandir par jab atanki hamla hua tha tab jo blue star operation chal raha the usme doval ne apni badi bhumika nibhayi thi or wo ek rikshawala bankar mandir ke andar dakhil huye the or kai aisi khufiya jaankaari bhi jutai thi jiske kaaran Indian officers ko uss operation mein safalta mili thi or ussi waqt se unko India ka James bond keh kar log bulaane lage or ussi najariye se unko dekhte bhi the. Doval central service mein judd ne se pahele kuch mahino tak saal 1972 mein unhone Thalassery, kerala mein bhi kaam kar chuke the. Saal 1990 mein kandahar se jab passengers ko IC-814 se release karwaane ke liye, isme 3 logo ka haanth tha jisme doval bhi saamil thy. Unhe saal 1971 se 1999 tak mein jitni bhi Indian Airlines aircraft mein hijacking hui thi unn sab ko bachane mein bhi doval ka acha khaasa hanth tha. Headquarters mein unke ek dasak tak kam se kam samay tak unko IB ke operation wing ka head banaya gaya tha or unnhe Multi Agency Centre or joint task force on intelligence ka bhi chairman bana diya gaya tha. Ajit Doval ne Sikkim ke bharat mein intelligence ke liye khufiya jaankaari ki bhumika bhi nibhayi thi. Doval ne atankwadi virodhi abhiyan mein ek lambe waqt ke liye M.K. Narayan jo bharat ke teesre security salahkaar ke tehat kaam kiye the unke sath rahe, baad mein Doval ko intelligence bureau ka director bana diya gaya tha.Phir unko 90 ke hi dasak mein Kashmir bheja gaya tha unhone waha atankwadiyo ko samjhane or aatanki hamlo ko rokne ki bhi koshish ki thi or wo apni mehnat mein bhi safal huye wo bhi tab jab saal 1996 mein Jammu aur Kashmir ka chunav ka rasta saaf ho gaya tha.
Saal 2005 mein Ajit Doval ne intelligence bureau se retirement le liya tha or phir saal 2009 mein Vivekananda ji ke duara bana sarvajanik kendra policy think tank , Vivekananda International Foundation mein unhe head bana diya gaya tha. Bharat mein jitne bhi security ko lekar charcha hoti hai usne Doval ka involvement hota hi hai. Doval ne kai aise newspaper mein apne articles khud se likhe hai unnn sab se related lectures bhi diye hai. Doval ne 2009 se 2011 ke bich do reports wo bhi “Indian black money abroad in secret banks and taxes havens” par likhe hai, or bahut saare issues par inhone jagah jagah par lecture bhi abhi tak dete hi aa rahe hai.
30 May saal 2014 mein Ajit Doval ko Bharat desh ka fifth National Security Advisor banaya gaya tha. Doval ne ussi saal 44 nusres ko wapas laane mein madad ki thi jo ISIL duwara Mosul par kabja karne ke baad Iraq ke Tikrit ke ek hospital mein fas gayi thi. Uss waqt Doval ko kuch samjh nhi aa raha tha toh unhone Iraqi government se baat kar ke maamle ki gehraayion ko samjhne ki koshish ki, halaki unki iss baat ko Iraqi government samjh nhi paayi or aatankwadiyo ne nurses ko Erbil mein Kurdish ke adhikariyo ko saup diya aur bharat sarkaar ne fauran air India aircraft bheja or nurses ko wapas laaye.
Aapne chief General Dalbir Singh Suhag ke sath Doval ne Myanmar se bahar chal rahe National Socialist Council of Nagaland ke agalwadio ke khilaaf ek cross – border military operation bhi chalaya. India ke government ne ye dawa kiya ki mission pura ho gaya tha aur nationalist socialist council of Nagaland se jude 20-30 agalwadi operation mein maare gaye the, lekin iss baat par Myanmar government ne inkaar kar diya unka kehna tha ki jo bhi operations hua tha wo border ke uss paar hua tha na ki Myanmar ke border paas. Jab saal 2016 mein hui aatanki hamlo par bharat ke taraf se jab surgical strike karwaya gaya tha tab uss waqt Ajit Doval ka haanth isme jada tha kiu ki yahi wo master mind hai jinhone har 4 ghante par pakistan mein rah rahe aatankwadiyo ke base camp ko udwaya tha . Ajit Doval jaante the ki iska kiya natija hone waala hai usse pahele hi unhone America or Britain jaisi desho ko ye khabar pahuchwai or unnhe iss surgical strike ke liye manwa bhi liya or unko batate hi Ajit Doval ne shuru kiya apna surgical strike plan. Army officers ne raat ke 12 bje se 4 bache ke bich LOC paar karke pahele toh unka camp ko nishana banaya aur waha ho rahi ek ek chiz ki jaankari Doval ko thi jab surgical strike khatam hui tab jakar Doval ne chain ki saanse li. Unhone ek meeting mein ye bhi kaha tha ki hum jab tak ye ladai nhi jeetenge tab tak ye strike khatam nhi hogi uske liye hame kitna bhi kyu na wait karna pade, sayad isliye Narendra Modi inn par bahut jada biswas karte hain or kuch bhi decision inn se bina puchey nhi lete hai.
Haal hi mein Ajit Doval ke 3 security guard se laparwahi ho gayi jiske kaaran unki naukri toh gayi hi sath-sath doval baar-baar bache, jab ek aadmi inke ghar ghush gaya tha toh wo jab tak doval ke paas pahuchta uss se pahele usse pakad liya gaya aur jail mein daal diya gaya tha . Jab uss se puch taach hui toh pata chala ki usse kuch pata nhi uske andar kisi ne chip laga di hai aur koi usse control kar raha hai, jab ki chaan bin mein pata chala ki aisa kuch hai hi nhi toh usse saja hui aur wo abhi jail mein hai.
Yeh ek kahani ho sakhti hai Rambo movie ki jisme ek aise Spy ke life ke baare mein hai jo ye maanta hai jab tak jeetenge nhi tab tak rukenge nhi . Aapko kaisi lagi comments karke jarur bataiyega or tab tak aap apna dhiyan rakhiye or hamesha muskurate rahiye……….
Chandan Pandit
