Pichli blog me humne U.P ke sabse notorious gangster Vikas Dubey aur uske encounter ki puri kahani jaani. Wahi aaj hum jaanenge ki aakhir kis tarah ke sawaal M.P police ne, Vikas ke encounter se pehle kiye the.
Vikas Dubey 9 july, 2020 ko Kanpur se sadak ke raaste Ujjain pahucha tha. 9 july ko usne Mahakal mandir me puja ki aur sabke saamne surrender kar diya. Mandir ke guards ne Vikas ko M.P police ke hawaale kar diya, jiske baad M.P police ne Vikas se kayi tarah ke sawaal puche. Jisme usse C.O(commission officer) ki berahmi(brutal) se ki gayi hatya ke baare me bhi sawaal kiya gaya. Police ne Vikas se pucha “shaheed C.O se kya dushmani thi?” jispe Vikas ne kaha “C.O mujhe maarna chahte the. Iske liye mere dushman uski puri madad kar rahe the. Mujhe ek maamle me inhi logon ke kehne pe, dhaara ‘120 b’ ke tehat fansaya gaya tha. Phir mujhe Rahul Tiwari ki hatya ke case me bhi phansaya gaya. Thaane ke logon ne mujhe batya ki C.O ne mere encounter ki supaari(contract killing) li thi.” Vikas ne C.O(Commission officer) Devendra Mishra ko lekar yeh baat kahi thi. Wahi dhaara ‘120 b’ ka matlab, ‘apraadh ki saajish me shaamil hona’ hai, jiske against Vikas pe case file ki gayi thi. Police ne iske aage Vikas se sawaal kiya “ghatna waale din kya hua tha?” ispe Vikas jawaab deta hai “mere bhatije Heeru Dubey ke paas, raat kareeb 8 baje mere khaas sipaahi Rajeev Chaudhary ne phone kiya tha. Usne batya ki aaj raid maarne ki planning hai. Badi force aayegi. Mere encounter ki puri tayiyaari hai. Heeru ne jab mujhe aisa bataya toh Maine palat kar S.O(station officer) Vinay Tiwari ko phone kiya. Maine S.O ko dhamkaya bhi tha aur kaha tha ki agar woh aagaye toh anjaam accha nahi hoga. S.O ne kaha tha ki sab C.O ki yor se ho raha hai aur uska isme koi role nahi hai.” Vikas ke iss jawaab ke baad Police phir usse sawaal karti hai “8 policewaalon ko kyun maara?” ispe Vikas kehta hai “mera plan yeh tha ki kuch sipaahiyon ko ghaayal kar denge toh police bhaag jaayegi aur darr kaayam ho jaayega, lekin mere plan ke hisaab se cheezen nahi hui. Uss din meri gang me kuch naye ladke bhi aaye huye the, jinhone utsaah me tabadtod firing shuru kar di. Uss din mere ghar pe baahar ke aadhe dozen apraadhi ruke the. Unhe dar tha ki kahi police unhe pakar naa le, issiliye unhone ne bhi firing shuru kar di.” Vikas ke jawaab pe police puchti hai “kin hathiyaaron se firing ki?” Vikas ne kaha ki “Maine mere bhaanje Shivam Tiwari ke naam se Winchester company ki rifle le rakhi thi. Amar issi se firing kar raha tha. Atul aur dusre saathi bhi rifle aur desi bandook se goliyan chala rahe the aur mai chat se repeater bandook se goliyan chala raha tha. Mera maksad sirf dar paida karna tha, lekin jab maine neech utar kar dekha toh 8 police waalen mare pade the. Yeh meri umeed se kahi jyada the. CO ko Maine neeche utar kar, पैर me rifle se ek goli maari thi, kyunki woh kehte the vikas ek पैर se लंगड़ा(limp) hai. Isliye mai socha mai use dono पैर se लंगड़ा(limp) kar dunga. Humari planning bodies ko diesel se jalane ki thi lekin wakt ki kami ki wajah se hum waha se bhaag gaye.”
Vikas ke iss jawaab ko sun log aaj bhi hairaan hai. Kyunki use utne police waalon ko maarne se jyada apne jaan ki fikr thi. Wahi jis Amar ki baat yaha Vikas kar raha hai, woh asal me uska bhatija tha, jiski 7 july, 2020 ko encounter kar di gayi. Amar pe kareeb 25,000 ka inaam bhi rakha gaya tha. Iske alawa woh sabse tej shooter bhi tha, jisne C.O Devendra Mishra ki buri tarah hatya ki thi. Dusri yor Atul, Vikas ka bhai tha, jiska bhi encounter usi dauran U.P police dwara kar di gayi.
Police ke sawaalon ka silsila yahi nahi khatam hua. unhone Vikas se aage pucha “Ghatna ko anjaam dene ke baad kaha bhaage?” Vikas ne ispe kaha “Mai samajh gaya tha ki iss khoon-khrabe ke baad Police mujhe zinda nahi chodegi. Issliye maine apne gang ke logon ko alag-alag bhaagne ko kaha aur mai khud Atul aur Amar ko lekar paidal shivli pahucha, jaha pe mai ek kareebi ke ghar 2 din tak ruka. Mujhe pata chala ki police ne raat ko hi mere ek rishtedaar ko utha liya hai toh mai yaha se subah 4 baje hi nikal gaya. Nagar paalika ke ek adhikaari aur mere kareebi ne, apni Hyundai car se driver ke sang mujhe, Amar aur Atul ko faraar karwaya. Humlog subah 4 baje hi Shivli se nikal gaye.” Vikas ne bataya, jispe Police ne pucha “uske baad kaha gaye?” Vikas ne apne bayaan me kaha “yaha se seedhe Noida hote huye Delhi gaye, jaha kuch vakeelon se mulakaat kar surrender karne ki baat ki gayi. Unhone 50,000 rupay advance me dene ko kaha tha. Yah bhi tai hua ki surrender Ujjain me karna hai. Iske baad maine gaadi ko waapas Shivli bhej di aur bus se Faridabad gaya, jaha Abhay Mishra ke ek rishtedaar ka makaan tha. 1 din rukne ke baad mai dobara Faridabad se, vakeelon ke paas Delhi pahucha. Waapas Faridabad jaana tha lekin pata chala ki Abhay arrest ho gaya hai. Aise me maine ‘Sandeep pal’ naam se pehle Delhi se Jaipur ki ticket karwayi. Phir Jaipur se Jhalawar gaya aur waha se Ujjain aa gaya. Meri vakeel se iss baare me baat hui thi, ki surrender hote hi ek appeal Supreme court me bhi lagayi jaayegi, taaki police mera encounter naa kar sake. Jab mujhe Atul aur Amar ke encounter me maare jaane ki baat pata chali toh mujhe sabse jyada dukh hua.”
Issi ke saath police ke sawaalon ka silsila yahi khatam hua. Halanki inn sawaalon me aise kayi baatein thi, jinpe log aajtak sawaal utha rahe hai. Kuch politician ka kehna hai ki U.P police ne encounter me nahi balki jaan-bujh kar Vikas ko maara, taaki woh apne political influence ka sach naa saamne laa sake. Ab maamla kya tha kya nahi yeh abhi bhi ek mystery hai, par kuch reports ka maan’na hai ki Vikas Faridabad se hote huye Kota ke raaste, Ujjain pahucha woh bhi gaadi se jispe U.P ki number plate maujood thi. Wahi iss baat ko jabtak log maante, usse pehle hi dusre reports me kaha gaya ki Vikas bus ke raaste Ujjain aaya. Halanki maamla yahi hai ki Vikas Kanpur se Ujjain gaadi se aaya tha. Jiska encounter 10 july, 2020 ko kar diya gaya.

Toh yeh thi gangster Vikas Dubey ki kahani jiska khauf aaj bhi uske gaaon me maujood hai. Mirzapur ki baat ki jaaye toh jis tarah ke action iss series me hote aaye hai, waise Vikas ne asli zindagi me kiye hai. Aise me Vikas pe based ek typical U.P ka gunda Mirzapur ke kaleen bhaiya ke beech ek rivalry war ched sakta hai. Yeh war U.P me zameen ko kabzane ke liye hogi. Kyunki kaleen bhaiya opium ki illegal supply karte hai, aise me unhe opium ki kheti karne ke liye bhi kaafi zameen ki jarurat hogi. wahi unka rival Vikas Dubey ki tarah ek khatarnaak apraadhi hoga, jo apne haathon se U.P ke anadar ke illakon ke zameen ko, asaani se jaane nahi dega. Issi wajah se dono gangster ke beech ek bada jhagda hoga jo har tarah ki action ko Mirzapur ke iss naye series me invite karegi.
The End.

Part-4