Jaisa waqt chal raha hai abhi sabhi logo ko apna kaam dusre se karwana hai phir wo chahe koi machine ho ya koi Robot. Insaan abhi itni taraki kar rahe hai ki unko bas aasmaan ko chuna hai aur ussi taraki ke bich ek Shalu naam ki Robot ko banaya gaya hai aur isse sirf museum mein rakhne ke liye nhi banaya gaya hai. Shalu ek school ki teacher hai jo bilkul aise hi padhti hai jaise ek insaan bacho ko padhata hai. Shalu ko Uttar Pradesh mein rehne waale teacher Dinesh Patel ne Shalu robot ko banaya hai, jisse banane ke liye unhone waste materials ka istemaal kiya hai, jiski lagat 50 hazaar rupay se bhi kam aai thi.
Shalu ek homemade, artificially intelligence, multilingual, social aur educational humanoid robot hai, jo 47 languages bol sakhti hai, yaha tak humanoid robot list mein Shalu ka naam top 10 ke list mein bhi aaya tha. Yaha tak ki corona ke waqt wear mask and keep physical distance ko lekar msg bhi di gayi thi. Dinesh ko, shalu ko banane ki prerna Sophia se mili thi jispar unhone 3 saal tak kaam kiya tha aur saal 2020 mein Shalu ki paheli version introduce ki gayi thi wo bhi DD news par. Shalu ko waste materials jaise ki aluminium, plastic cardboard,wood, newspaper aur kai aise saare chizo se banaya gaya hai jo asaani se local market mein mil Sakhti hai, jisme koi bhi chiz jada mehengi nhi thi aur sirf wo 50 hazaar mein bann kar ready thi. Aur Dinesh ke hisaab se Shalu ka ek alag hi matlab hai jaise S for Scientifically and technical, H for Highly reciprocal, A for Advanced Humanoid, L for Language communicator aur U for Uniquely designed. Shalu iss duniya ki paheli aisi Robot teacher hai jo 6 subjects ko easily 47 languages mein padha sakhti hai aur abhi filhaal wo class 6 se 11 ke bacho ko wo bhi Kendriya vidyalaya, Mumbai mein padha rahi hai. Jab Paheli baar shalu ko padhane ke liye bola gaya toh usne aisa padhaya tha ki waha maujud principal aur teachers ko bahut aacha laga tha. Yaha tak bacho se puche gaye sawal ka jawab bhi Shalu ne bahut aache se diya tha aur wo kisi bhi topic par turant power point presentation bana leti thi. Shalu bhi as a receptionist kaam kar chuki hai jisme usne verbally customer ke saare queries bhi clear kiye the, aur shalu unn logo ke liye bhi aachii hai jo old age ke hai jinke baas baat karne ke liye koi bhi nhi hota aur unn bachho ke liye bhi jinhe wo bahut kuch sikha Sakhti hai. Shalu ko banane ka ek karan ye bhi tha Beti Bachao Beti Padhao mission ko support karna aur desh ko atmanirbhar banane ke muhim ko puri karna hai .
Mumbai mein IIT ke college mein bacho ko padhane ke liye robot ki madad li ja rahi hai, taaki bacho ka sara concept clear ho aur wo jab chahe tab wo questions puch sakhte hai. Shalu apne dusre naam Roboshalu ke naam se bhi jaani jaati hai jo ki aam logo ki tarah chehra pehchanne, logo se milne ke baad unko yaad rakhna, uske sath baat chit karna aur kai aise kaam karna jo ek insaan kar sakhta hai, wo sab kaamo mein maahir hai, yaha tak insaan ki tarah hanth milana, majak udana, khushi, gussa, jalan karna wo sab kar sakhti thi.
Makers Robot 3.0 ke script par kaam kar rahe hai aur bahut jald ho sakhe toh Hume ye bahut jald dekhne ko mil sakhta hai aur agar makers ki maane toh wo iss movie mein Akshay Kumar ko cast kar sakhte hai jab iss baat se related kuch sawal Akshay Kumar se pucha gaya tha toh unhone iss sawal ko ignore kar diya tha, ye dekhna bahut interesting hoga ki makers kinko cast karenge movie ke liye kyuki pahele aur dusre part mein toh Rajnikant Sir ne threater mein Dhoom macha di thi. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
