Aaj ke waqt mein agar koi ye boley ki mai punarjanam lekar aaya hu toh sayad hi kisi ko ye baat par biswas hogi aur aaj ke waqt mein bina sabut ke duniya mein apni baat ko proof karna impossible hai. Lekin abhi hum jiss bache ke baare mein jaanenge uske punarjanam ko lekar kahi gayi har baat sachi hai aur sabut ke sath kahi gayi hai. Haryana ke Palval gille mein ek 10 saal ke bache ne apne pichley janam ke raaj apne gharwaalo ke saamne khol diya tha jisko suun sab hakka bakka reh gaye the . Iss bache ka dawa hai ki usne punarjanam liya hai aur apne bache huye zemedari ko pura karne aaya hai. Usne ye bhi bataya tha ki uski maut kaisi Hui thi wo kyu wo abhi tak bhatak raha tha.
Jo ladka punarjanam ki baatein kar raha hai uska naa Rahul hai aur wo Garhi Patti Gaaon mein rehta hai iske pitaji ka naam Rajesh Kumar Das hai, Rahul abhi sirf 10 saal ka hi hai lekin usse uske apne punarjanam ki harr baatein aache se yaad hai . Rahul ka dawa hai ki wo Pados ke baansava ke balhar pariwaar se sambandh rakhta tha aur 11 saal pahele Chandigarh mein ek road accident mein uski maut ho gayi thi. Yaha tak Rahul ke pitaji ek baat batayi thi jo unko bahut ajeeb lagi thi unhone bataya tha ki ek baar wo Rahul ki didi Kashmira ke sasural ja rahe the Rahul ke sath jo ki Bhiduki gaaon mein rehti thi raste mein jab wo Khirbi gaaon ke paas pahuche toh Rahul ne unnse kaha ki mere gaaon ka rasta aage se hai toh aap udhar se hi chaliye ga. Rahul ke pitaji ko unki ye baat bachkaani lagi toh unhone isse ansuna kar diya tha lekin behen ki sasural se laaute waqt Rahul jab baansava gaaon mod ke paas pahucha toh usne jidd kar li ki wah apne gaaon baansava jarur jaayega. Rahul ke pitaji ne ye bhi bataya ki wo apne bete ki jidd ke aage majbur ho gaye aur unhe Rahul ko lekar baansava gaaon jana hi pada ,waha pahuchte hi gaaon ki ek nehar ke paas pahuche toh Rahul motor cycle se utar gaya aur khud hi apne puraane pariwaar ke ghar chala gaya tha. Rahul ke baansava pahuchte hi wo sabse pahele apne ghar gaya jisse wo apni ghar bata raha tha waha jaate hi usne waha maujud ek 45 saal ki mahila ko apni patni bataya aur saare bacho se pehchan bhi karayi. Rahul ne waha jaate hi apne pichley janam ka naam Dhanraj bataya aye jab wo Chandigarh se tractor lekar aa raha tha toh raste mein ek road accident ke wajah se hi uski maut hui thi. Jab Rahul ne apne pichley janam ki patni aur bacho se baat ki toh unko yaakin ho gaya ki ye Dhanraj ji ka punarjanam hai aur unhe phir se wahi izzat aur sammaan milne lagi thi aur Rahul jab bhi baansava jata uski patni ghoonghat lekar uske saamne aati aur uske pairr chuaa karti thi. Ab aisa ho gaya tha ki Rahul ke punarjanam ki charcha purey gaaon mein mashoor ho gayi ab usse har koi milna chah raha tha kyuki wo sab dekhna chahte the ki Rahul kitno ko paichan pa raha hai ya nhi lekin unnme aisa koi bhi nhi tha jisse wo nhi paihchan saka tha.
Rahul ki baaton ko sunkar sabhi chauk gaye the ki ye kaise possible hai ki ek chota sa bacha kisi ke baare mein itna jaanta hai. Jab uske puraane dosto ko bulaya gaya tha toh wo bahut aache se aur respect ke sath sabhi ka mann jeet lete hai aur sabhi ko ye yakeen ho jata hai ki ye Rahul nhi unka dost Dhanraj hai jo punarjanam lekar aaya hai, yaha tak ki Rahul ke yaddasht ko lekar aaj bhi do pariwaaro ke bich ek anokha rista bann gaya hai lekin inn rishton ka koi naam nhi hai phir bhi unn dono pariwaar ka ek dusro ke yaha aana jaana laga hua hai. Rahul aaj bhi jab jab apne pitaji ko kehta hai ki usse uske pichley janam waale ghar mein jana hai tab tab wo usse waha le jaaya karte hai aur usse apne dosto ke sath time bita kar bahut khusi milti hai. Ye baat jab purey Haryana mein Mashoor hui toh log dur dur se aane lage aur yaha tak ki iss baat ko lekar news channel par bhi behas hui thi aur baat yaha aakar khatam hui ki koi kaise kisi ka punarjanam lekar aa Sakhta hai. Ye kahani ho sakhti hai aane waali movie Karan Arjun 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
