Jab hum twins ke baare mein baatein karte hai tab ye jaruri nhi hota ki wo do completely identical ho ya healthy ho ya ek dusre se seperate ho. Kabhi kabhi aise twins bhi janam lete hai jo ek dusre se jude rehte hai bhalo wo dikhne mein ek jaise hi kyu na ho aur jo bhi twins ek dusre ke sath jude huye janam lete hai hum unhe Conjoined twins kehte hai. Conjoined twins ka matalab ye hota hai ki aise bache jinke body ke koi part apne twin ke sath by birth attached ho jisse chah kar bhi alag nhi kiya ja sakta hai usse Conjoined twins kehte hai. Duniya mein kai aise Conjoined twins hai jo dikhte bilkul same hai lekin unka body ek dusre se anyhow attached hai. Aaj hum unhi twins mein se ek aise Conjoined twins sister ke baare mein jaanenge jinka body ek hai lekin dimaag do aur sochne ki sakhti bhi do hai.
Abigail Loraine Hensel aur Brittany Lee Hensel do Conjoined twins sister hai inka janam 7 March saal 1990 New Germany, U.S. mein hua tha. Ye dono behne apni apni head se judi hui hai jisko English mein dicephalic parapagus twins bhi kaha jata hai,aise twins ke bache ek dusre se hubahu dikhte hai lekin body ka ek part inn dono se aise attached rahta hai ki usse hum symmetrical divide kar sakhte hai. Dono twin mein unka alag alag dil, pet, spinal, lungs aur spinal bone hoti hai lekin inn mein inka ek hanth aur ek pairr sirf ek twin hi control kar sakta hai. Jab Abby aur Brittany bachi thi toh unhe chalne mein, crawling karne mein ya taali bajane mein kisi teesre insaan ki jarurat padti thi. Dono behene alag alag aur ek khana kahti hai toh kabhi ek likh rahi hoti hai toh dusri kha rahi hoti hai. Inki maa ek nurse thi toh pitaji ek carpenter ke sath-sath ek landscaper bhi the , Abby aur Brittany ke do chote chote bhai aur behen bhi hai, dono behno ne apni padhai new germany mein hi ki thi phir saal 2012 mein St. Paul mein Bethel University se apni graduation ki degree li thi. Abby ka sar right side ki aur lagbhag 5 degree bahar ki aur jhuka hua hai jab ki Brittany ka sar lagbhag 15 degree left side ki aur jhuka hua hai jisse wo jab bhi baithti hai toh aur bhi choti dikhai deti hai, wahi Brittany ka pairr Abby ki tulna mein lagbhag do inch choti hai aur Brittany khade hone par usse thoda chalne mein dikat aata hai phir bhi dono behene hanste huye apni zindagi ko aache se bita rahi hai. Ab jab dono behne ek dusre se attached hai toh jo side unka free hai wo khud usse apne tarike ke rakhti hai lekin unki touch karne ki jo. Sense hai wo bhi divided hai kyuki agar kisi ek ko touch karte hai toh dusre ko kuch bhi mehsus nhi hota hai. Dono behno ne ek dusre ko itne aache se samjh liya hai ki dono ek dusre ko cooperate karte huye sath mein daudti hai, chalti hai, swim karti hai yaha tak bahut saare games bhi khelti hai jaise ki volleyball. Saal 2013 mein dono behen ko as a teacher Minnesota mein rakh liya gaya tha aur tabhi se wo as a teacher padha rahi hai.
Jab unka janan hua tha toh doctor ne clearly unki situation ke baare mein unhe bata diya tha ki agar hum inn dono ko separate karne ki koshish karenge toh bahut kam chance hai ki dono hi bach paayengi.
Unko starting mein isse lekar bahut saari dikate hoti thi lekin jabse inko inke dosto ne support kiya hai aur encourage kiya hai tab se dono twins sister ke andar bahut saari energy aa gayi hai. Abby ne ye bhi bataya tha ki dono behno ki apni apni khud ki paas ki hui alag alag degreeiya hai. Abby aur Brittany kai maamlo mein ek dusre se alag hai jiske wajah se Abby ko jaha mm math’s jada pasand hai toh Brittany ko science jada pasand hai isse tarah bahut jada antar hai dono behno mein. Ye kahani ho sakhti hai aane waali movie Judwaa 3 ki , aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
