Saal 1950 kahi na kahi Claus ke liye hi tha kyuki puri duniya mein uss waqt wo jitna famous the sayad hi koi raha hoga, kyunki uss waqt America aur Britain apni apni Bomb banane mein busy the jiski jaankaari Claus ne Soviet union ko di thi. Claus ka janam saal 1911 mein hua tha unke pitaji Emil ek pujari the aur Claus ek eisenach mein bade huye the. Claus aur unka family ek normal family ki tarah ki the lekin kehte hai na ki jab koi desh mein shankat aati hai toh sabki zindagi idhar udhar karke rakh deti hai uss waqt bhi war ke kaaran unke life mein bahut saare changes aaye the. Claus ne school ki padhai complete karne ke baad Leipzig University mein maths aur physics ki padhai karne ke liye admission liya tha jahan unhe werner heisenberg ke alawa kisi aur ne nhi padhya tha. Claus ek student hotey huye unhone nazism ke badhte high tide ka virodh kiya jisse dekh waha ke communist party bahut khush huye aur unhone Claus ko uss party ka member banne ke liye offer bhi diya tha. Unhone uss waqt apni padhai ko jada important di aur wo waha se Berlin shift hogaye lekin unko jaise hi ye pata chala ki Gestapo unhe giraftaar karne ke liye aane waala hai utna sunte hi wo Berlin se Paris bhaag gaye. Jab wo bhaage the tab wo sirf 21 saal ke the uss waqt unke paas na Paisa tha , na wo educated the jada aur na hi unko french aati thi, jaise taise unhone Paris mein do mahine bitaye aur September saal 1933 mein wo border paar karke Britain chale gaye the. Idhar udhar bhatakte samaye unko ek letter mila jisme Bristol University mein Physics Theoretically padhne ke liye offer tha lekin uss University ki fees unke pitaji ko bharni thi. Unhe 3 mahine ka time diya gaya tha college join karne ke liye, unhone University join ki aur apni degree hasil bhi kar li baad mein inhone Max born ke sath kaam kiya aur wey dono Edinburgh chale gaye the.
Jab Britain ne Germany ke khilaaf war ki ghoshna ki toh born ke sath Claus ka scientist life buri tarah se bikhar gaya kyuki wo ek experiment kar rahe the jiske kiye purey ek saal tak unhone aache se duniya ko bhi nhi dekha tha. Baad mein jab born ne Birmingham University mein baat ki tab jakar unhe waha kaam karne ka mauka mila. Uske baad unhone waha kaam karna shuru kar diya tha baad mein ye baat saamne aayi thi ki unko jaan buch kar Britain bheja gaya tha taaki American bomb ko lekar kya planning kar rahe hai wo log aur kis hadd tak sahi hai aur kab tak unka bomb ready ho jaayega. Jab Claus ko waha bheja gaya tha toh unko code name Rest diya gaya tha. Wo jab bhi bahar Market jaate the toh ussi duran wo apni saari information ek baar mein hi bina kisi ko pata lage de dete the. Claus ne bahut chalaki se saari baatein waha se nikalwa li thi aur aaj tak unko koi pakad nhi paya aur jiske baad wo wapas Britain aa gaye aur phir se apne kaamo mein busy ho gaye unka pura dhiyan apne experiments mein tha. War ke baad unhe parmanu energy research establishment mein Theoretically Physics side ka head bana diya gaya tha . Ab aisa nhi tha ki Claus apne experiments mein busy the toh wo apna spy agent wala kaam nhi karenge balki wo uske baad bhi uss kaam se jude rahe aur saari information dete rahe. Ab toh saari chize badal chuki hai aur Nazi – Germany ab dushman nhi the lekin America aur Britain ke liye Soviet union abhi bhi dushman tha uske baad inn dono ke bich ek alag hi war huya jiska naam Cold war rakha gaya tha.
Saal 1950 mein Claus se puchtach karne ki baat rakhi gayi aur ye kaam Jim skardon ko diya gaya tha jinhone bhartiya Armed revolutionaries se puchtach karke apni khusi ko arjit ki thi . Claus ke sath apni paheli do meeting mein skardon koi bhi confession karwane mein vifal rahe lekin jab Claus ko tisri baar meeting ke liye bulaya gaya toh unhone puri baatein confess kar daali jiske baad unko doshi theraya gaya aur 14 saal ki saja sunai gayi. Claus ko iss baat ka bilkul bhi pachtawa nhi tha kyuki unhone jo bhi kiya tha apne desh ke liye kiya tha. Saal 1959 mein unko wapas Germany bhej diya gaya tha jiske baad wo wahi rehne lage the baad mein inki tabiyat kharab hone lagi jiske kaaran inko lungs mein cancer ho gayi thi aur wo saal 1987 tak jivit the. Ye kahani ho sakhti hai aane waali movie Black Tiger ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
