Filmo mein aksar humne punarjanam ki bahut saare stories ko dekhi hai lekin asal zindagi mein kai log iss par biswas karte hai toh kaafi log aise bhi hai jo iss par yakeen nhi karte hai. Aaj hum ek aise interesting story ke baare mein jaanenge jo sahi maayne mein ek unsulghi paheli hai.
5 May saal 1957 mein England ke Hexham mein Joanne aur Jacqueline naam ki do behne apni Anthony naam ke dost ke sath church ja rahi thi tabhi ek tez raftaar se aa rahi car ne unhe kuchal diya tha jiss se wahi on tha spot teeno ki dardnaak maut ho gayi thi. Jiss samaye unko maut hui thi uss waqt Joanne 11 saal ki thi aur Jacqueline 6 saal ki thi, dono behno ke mata Florence aur pita John Pollock par unki maut ka itna gehra asar pada ki dono apni betiyon ke marne ki sachai ko nhi swikaar kar pa rahe the. Wo hamesha ek hi baat karte the ki kisi bhi kimat par unhe unki dono betiyan wapas chahiye, yaha tak ki John ko bhagwan par itna bharosa tha ki wo roj bolte the ki ek na ek din unki dono betiya aayengi. Lekin unko iss baat ko koi bhi serious nhi leta tha, phir iss ghatna ke kuch saal baad 4 October saal 1960 ko John ki wife Florence ne do twins betiyon ko janam diya aur iss baar inn betiyon ka naam Gillian aur Jennifer rakha. Jab ye bachiyan kuch hafto ki hui toh John aur Florence ne paya ki dono hi bachiyo ke sarir par kuch ajeeb sa birth mark hai , lekin ye koi aam birth mark jaisa nhi dikhai deta tha, aur iss nishaan ko dekhkar aisa lagta tha maano koi chot ke nishaan ho . Phir unhone jab dhiyan se dekha toh paya ki ye wahi chot ke nishaan hai jo Joanne aur Jacqueline ko lagi thi, jab unhone notice kiya toh dekha ki Gillian ke maathe par thik waisa ki chot ka nishaan tha jaisa ki uss car accident mein uski bahen Jacqueline ke maathe par aaya tha aur thik waisa ki Jennifer ke body par bhi unho jagaho par nishaan the jinn jagaho par uski dusri bahen Joanne ko car accident mein aayi thi.
Jaise jaise dono bahene badi hoti gayi, unke mata pita ko unme Joanne aur Jacqueline ki tarah kaafi similarities dekhne ko milti thi. Logo ko ye sab jaankar aisa lagta tha ki ye sab toh itefaaq hai lekin ye ghatna abhi aur bhi ajeeb hone waali thi. Gillian aur Jennifer jaise hi kuch mahino ki hui toh unka pariwaar Whiteley bay mein shift ho gaya tha phir jab dono 4 saal ki hui toh pariwaar wapas Hexham laut aaya tha. Phir lagataar kuch aisi ghatnaye hone lagi jisse dekhkar har koi hairan ho jata tha. Actually Gillian aur Jennifer jab bhi sadak par kisi bhi car ko dekhti thi toh wo kaafi ghabra jaati thi aur jor jor se chikhne lagti thi ki wo car hame kuchalne aa rahi hai. Ek din John ne apne dono betiyon ko saare toys khelne ke liye diye the lekin john tab chauk gaye jab unhone dekha aur suuna ki jiss naam se Joaane aur Jacqueline apne toys ko bulaati thi thik ussi naam se Gillian aur Jennifer uss toys ko bula rahi thi. Itna hi nhi unn dono bachiyo ko apne school ka naam tak pata tha jis school mein Joaane aur Jacqueline padha karti thi. Iske alawa unn dono bachiyo ko Hexham sehar ke kai landmarks me naam aur raste bhi pata the. Dono bachiya aksar aisa khelte – khelte act karte ho maano kisi se unhe car se takar maar di ho, aur unki iss khel ko dekhkar aisa lagta tha maano wo bachiya apne accident ko daurah rahi ho.
Ye saari ghatnaaye kaafi chauka dene waali toh thi hi sath hi sath rahasyamayi bhi thi. Jo log pahele iss ghatna ko ya punarjanam ko nhi maan rahe the unke liye ye bahut hi interesting thi. Ye sab dekh kar Gillian aur Jennifer ke mata pita aur unke aad pados ke logo ko ye yakeen ho gaya tha ki ye punarjanam ki baat hai jisse yakeen karna mushkil hai lekin ye sach hai. Isse waha se kai local newspaper mein chapa bhi gaya tha aur kahi writes inn dono bachiyo se milne aaye taaki unke upar kahani likhi ja sake. Ye kahani ho sakhti hai aane waali movie Karan Arjun 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
