Darjeeling se kareeb 30km ki doori pe stith Kurseong(कुर्सियांग) ka “Dow Hill” ko ‘land of White Orchids’ ke naam se bhi jaana jaata hai. Lekin itni sundar jagah hone ke bawajood bhi, Dow Hill ka naam sun kar log aaj bhi darr jaate hai. Iss hill station ki apni ek kahani hai, jo har saal desh-videsh se laakhon tourists ko apni yor attract karti hai. Kaha jaata hai Dow Hill India ki sabse jyada daravni jagah hai.
Dow Hill aur Forest office ko jodne waali sadak ko “death road” kaha jaata hai. Maana jaata hai ki din me khubsurat dikhne waali yeh sadak, raat hote hi bhayanak roop leleti hai. Iss sadak pe logon ne maana hai ki unhone ek chote bacche ka “sir kata bhoot” dekha hai. Jungle me लकड़ी kaatne jaane waale kayi local woodcutters ne dawa kiya hai, ki unhone ek sir kate chote bacche ka bhoot dekha hai, jo aage jaakar jungle me kahi gaayab ho jaata hai. Waha ke rehne waale log kehte hai ki “jungle ke andar aisa lagta hai, jaise koi cheez aapka jungle me peecha kar rahi hai aur aapko dekh rahi hai.” Log kehte hai ki jab bhi aap iss jungle me jaate hai toh aapko ek ajeeb si feeling hoti hai. Kisi ne kaha ki unhone jungle me “laal aankhon” ko apni yor ghurte paaya, toh kisi ne Grey colour ki ek aurat ki figure ko jungle me idhar-udhar bhaagte huye dekha, jaise ki woh kisi ki talaash me ho. Jyadatar yeh jungle bacche aur unki maa ki cheekh aur pukaar se bhari hai, jo jungle me jaane waalon ko sunayi bhi deti hai. Native logon ne baahari logon ko salaah di hai, ki woh jungle me suraj ke doobne ke baad naa jaaye. Yaha tak ki logon ka kehna hai ki iss jungle ki hawa me kuch toh ajeeb hai, tabhi yaha pe aaye kitne log yaa toh paagal ho gaye hai, yaa toh woh khud ki jaan le chuke hai. Dow Hill forest ke paas hi “Victoria Boys School” naam ka ek all boys school hai, jaha kayi saare ajeeb ghatnaayen hui hai. Kaha jaata hai yeh school bhi haunted hai. Locals ka kehna hai ki jungle ki ajeeb hawa ne iss school pe bhi apna prabhaav daala hai. Darjeeling ke Kurseong ke पहाड़ी ilaake me basa yeh school, 1879 se chal raha hai. Yaani ki British Raj se aur issi kaaran se iss school ka naam Queen Victoria pe rakha gaya hai. Purani kahani ka maan’na hai ki December se March ke mahine tak, jab yeh school band hoti hai, toh building ke andar se whisper aur kisi ke chalne ki awaazein sunayi deti hai. Chutti ke mahino me iss school ki suraksha me tainaat guards ne dawa kiya hai, ki unhone school ke corridor me ladkon ki awaazein suni hai. School ke paas se guzarne waale locals ke mutabik unhone bhi ek ladke ko school ki khidki se unki yor dekhte huye paaya hai. Kisi ne bina sir waale bacche ke bhoot ko school ke ground me bhatakte huye bhi dekha hai. Lekin school management ke mutabik unke school ke ground me, kabhi bhi kisi bhi baache ki maut nahi hui hai. Dow Hill west Bengal ke Darjeeling ke Kurseong se, 30km ki doori pe पहाड़ों pe stith hai. Subah 11 se shaam ke 5 baje tak iss jagah ko ghuma jaa sakta hai. Ek dam subhah aur shaam hone ke baad iss jungle me aana khud ki jaan ko khatre me daalne jaisa hai. Aisa kaha jaata hai ki Kurseong ka naam English word “Curse” se pada hai, jiska matlab “शाप”hota hai. Warna isse pehle iss jagah ka naam “Kharsang” (खारसँग) tha. Native language “Lepcha” me Kharsang ka matlab hota hai “Land of White Orchids”. Wahi Lepcha Himalayish language hai, jo Sikkim, Nepal, Bhutan aur West Bengal ke kuch hisson me boli jaati hai. Dow Hill ke junglon me paranormal activity hone ke peeche ka ek kaaran yeh hai, ki iss jungle me badi maarta me suicides huye hai. Yaha ke jungle me human bones ka milna bhi aam baat hai. Issi kaaran yaha pe ajeeb-ajeeb ghatna aksar hote rehti hai.
Yeh thi aaj ki kahani, ho sakta hai Bhool Bhulaiyaan-3 bhi iss jaise North Eastern Kahani pe based ho.
Waise agar aapko yeh video pasand aaya, toh ise like karna naa bhule dhanyawaad
The