Ek din Delhi mein ek bade se candy store jo ki CP mein tha, uske bhaar ek auto aakar ruka. Yeh ek regular din tha jab CP mein hamesha ki tarah hi bahut bheedh thi. Bahut se log yahan shopping karne aaye the, aur isi liye yeh 2 bhai behen apne papa ke saath uss din bhaar nikle the. Yeh dono bache ek gareeb khaandaan se the, aur inke maa baap ke paas inhein school bhejne ke paise nahi the. Magar uss din naa jaane kaise inke papa inhein CP jaisi jagah lekar aaye the chocolates dilaane ke liye.
Kuch din ke 12 baje the, aur yeh log auto se utre. Inke papa ne inhein wahin rukne ko kaha, aur bola ki woh andar se dono ki mann pasand chocolate lekar thodi der mein bhaar aayenge. Tab tak inke papa ne inhein saaf saaf kaha ki yeh dono haath pakdh kar khade rahein, aur jahan bhi jaayein saath jaayein. Dono bache khush hogaye aur turant hi inhone baat maanli. Abb inke pita andar gaye. Dono bache dhoop mein khadhe the. 1 ghanta hogaya, 2 ghante hogaye, aur dekhte hi dekhte shaam ke 7 baj gaye magar inke papa wapas hi nahi laute.
Achanak se dono bachon ki bua jo khud bhi gareeb thi woh wahan aayi. Abb yeh itefaaq tha yaa usse bheja gaya tha yeh toh nahi pata, magar bache inke saath chal diye the. Dono abb jaante the ki unke papa abb kabhi nahi lautenge, kyun ki unhein pata chal gaya tha ki unke paas unhein paalne ke paise nahi hain. Isi liye hi unki bua ne unhein paas ke hi Christian school and homes facility mein chodne ka decision liya tha. Unki bua jaanti thi ki maa baap ke hone par yeh bachon ko nahi lenge, isi liye inhone bachon ko samjha kar wahan lekar jaane ka decision liya tha. Uss Christian school and homes se bache kisi ameer khaandan mein adoption ke liye de diye jaate, jo ki inn bachon ke bhavishya ke liye sabse sahi decision hota. Inn dono bachon ke maa baap jaante the ki agar saath rahe toh inki naa toh padhai hogi aur naa hi parvarish! Isi wajah inki bua ko shayad wahan bheja tha.
Dono bache apne mata pita se toh alag ho chuke the, lekin apas mein unhone saath rehne ka faisla kiya tha. Isi liye Christian school and homes waale inhein adoption ke liye nahi de paaye. Koi bhi 2 bache nahi lena chahta tha, isi liye yeh dono wahin bade hue aur aage chal kar ek bahut badi company ke co-founders bann gaye.
Iska pata jab unki maa ko chala toh uske mann mein lalach aayi, aur abb woh bachon ke saath hona chahti thi. Bachon ko maa ka pyaar toh kabhi mila nahi, toh kya woh apni maa ko wapas lenge, yaa iske peeche hogi koi kahani.
Yeh kahani hamein Beta 2 mein dekhne ko mil sakti hai!
Description
2 kids were left on the streets of Delhi. Later they became co-founders and now the mother who abandoned them wants to enjoy the perks.
–By Pratima Ratwani.
