NIA.
National Investigation Agency ko kiya ja raha hai tease!
February ke pehle hi din NIA ke chief ko office jaldi bulaya jata hai. NIA ke chief daude daude office pahuchte hain aur unhein pata chalta hai ki ek mail aya hai.
Yeh mail ek Talibani group ke member ne direct NIA ko bheja tha. Iss mail mein thi khuli chetavani. Toh hua yun ki National Investigation Agency ko kuch dino se alag alag leads mil rahe hain. Thode din pehle Mumbai ke famous school Dhirubhai Ambani International School mein aisa hi ajeeb sa call aya tha. Yeh call direct principal ke number par aya jismein caller ne principal ko kaha ki unke school mein bomb planted hai. Uss caller ne principal ko dhamka kar yeh kaha ki agar usne abhi ke abhi NIA ko khabar nahi ki, toh woh pure school ko ussi samay udha dega. Abb principal sahab darr gaye the kyun ki uss samay school chalu tha. School mein staff aur bache sabhi the. Aur agar woh school mein evacuation start karwata toh caller ko pata chal jata. Isi liye principal ne wahi kiya jo unknown caller ne kaha. Principal ne NIA ko khabar kardi. Uske baad NIA ne kuch investigations run ki magar unhein iss caller ki identity nahi pata chal paayi.
Iske baad next call 1 hafte baad aya jab caller ne ek police officer ke personal number par ring kiya. Caller ne phir se apni identity “talibani member” batayi aur yeh kaha ki Mumbai mein jagah jagah bombs plant kiye gaye hain. Itna hi nahi usne jagah bhi batayi. Caller ke hisaab se uss samay Mumbai mein 3 bombs the. Infinity Mall Andheri, PVR Mall Juhu, aur Sahara Hotel Airport mein inn teeno ko plant kiya gaya tha, taaki iss dhamake ki goonj har jagah phaile.
Mumbai Police ghabra gayi thi, aur unhone turant hi NIA ko khabar kardiya tha. Aise mein jaanch ke baad bombs mile nahi the, magar 2 hafte mein yeh 2 badi khabrein thi. Aur abb iss hafte ek baar phir! Iss baar kisi aur se nahi balki iss talibani member ne direct hi NIA ko mail bheja hai. Iss mail mein bhi wahi threat hai ki Mumbai mein bomb dhamake hone ki sambhawana hai, aur NIA ko iski khabar honi chahiye. Aaj kal technology ka zamana hai isi liye terrorist bhi fully equipped hain. Aur woh Dheere Dheere kar kar apni activities shuru karne waale hain iski khabar woh de rahe hain. Issi wajah se NIA wale abb aur satark hogaye hain, aur unhone apni jaanch partaal shuru kardi hai.
Toh bus hamein aisa hi kuch dekhne ko mil sakta hai Sooryavanshi 2 mein. Kya pata iss baar Akshay ko bhi aisa hi mail aaye aur woh bhi direct from the terrorist.
Description
A Talibani member sent NIA a mail. The mail spoke about a recent terrorist attack threat.
-By Pratima Ratwani.
