Jab hum bihar ya uttar pradesh ke itihaas ke panne palate hai toh hame waha sirf aur sirf chor daaku ki ho baatein likhi milti hai aur unhi daakuo mein se ek tha Shiv kumar patel urph dadua urph haafiz. Jaise hum sab jaante hai ki sholay movie mein jab kisi ghar mein bacha rota tha toh maa kehti thi soja nhi toh gabbar aa jayega, aisa hi kuch shiv Kumar ke sath tha jab uske gaaon ke bache nhi sote the toh unn bacho ki maaye unhe kehti ki so ja nhi toh dadua aa jaayega. Dadua ka khauf hi aisa tha ki uske saamne kisi ki bhi himaat nhi hoti thi khaade hone ki.
Shiv kumar patel ka janam chitrakoot gille ke devkali gaaon mein Ram piyare Patel aur Krishnawatu patel ke yaha hua tha, shiv kumar apne chotey se umar mein hi aaprad ki dandal mein ghush gaye the aur saal 1975 mein paheli murder ki thi uske baad toh maano jaise unhone laasho ki line laga di ho. 70 ke dasak mein Janardan Singh ki gang mein kaam karne waale shiv kumar ne saal 1982 mein alag hokar apni ek nayi gang bana li thi, halaaki shiv kumar ki dehsat 70 ke dasak mein hi kayam ho chuki thi. Iske baad uttar pradesh ke paatha ke jungle mein dehsat ki ek nayi kahani shuru ho gayi thi jiske baad shiv kumar ka aatank purey gaaon mein phail gaya tha. Kaha jaata hai ki Shiv kumar pahele aise nhi the lekin jab unke pitaji ko kuch logo ne gaaon mein nanga karke ghumaya tha aur phir unki hatya kar thi aur iss ek ghatna ne Shiv kumar Patel ko zindagi bhar ke liye Dadua ke roop mein badal diya tha. Saal 1986 mein dadua ne Ramu ka purva naam ke gaaon mein mukhabiree ke shaq mein 9 logo ke siney mein goli utaar di thi. Saal 1992 mein madayan gaaon mein 3 logo ki hatya ke baad gaaon ko jalaa dala tha, usne rajniti ki taraf ruchi leni shuru kar di jiske baad kurmi patel aur aadiwasi card ki badolat Ganga aur Yamuna ke maidani ilaako mein usne apni pahuch bana li thi, yaha tak ki wo tendoo patte ke business mein bhi active tha. Gaaon ke kuch logo ka maanna tha ki Dadua ne apne liye jo niyam kanoon banaye the wo jarurat padne par apne logo ke liye tod bhi deta tha, isne kai baar garib gaaonwaalo ko police ki jabran ugaahi se bhi bachaya tha, wahi dusri aur aadhi raat mein jungle mein bhuk aur piyash se tadapte policewaalo ko khaane -peene ka saamaan bhi pahuchaya karta tha. Usne paiso ki kami se joojh rahe kai logo ki madad bhi ki thi jiske baad wo gaaonwaalo ke liye Robinhood bann gaya tha, halaaki gaaon ka ek side inn sab baaton ko nhi maanta hai aur inn sabko jhut bolta hai.
Dadua ko hamesha se dabangg aur takat ki bhuk thi aur iss wajah se usne chunavi dungal mein utarne ka faisla kiya jisme wo kaafi hadd tak kaamyaab bhi rahe. Rajniti mein uski ek alag hi pehchan bann gayi jiski badaulat aaj uske pariwar ke log uttar pradesh ki rajniti mein ek khaas chehre banne huye hai. Chitrakoot, Banda, Hamirpur, Fatehpur, Pratapgarh, Prayagraj, Mirzapur, Kaushambi ki karib 10 lokhsabha seaton aur darjanon vidhansabha ki seaton par dadua ka hi bolbala tha. Kaha jata hai ki wo chunav mein farmaan jaari karke voting ka order deta aur bolta tha ki mohar lagegi toh hamare party ke paichan chinh par warna goli padegi tumhari chhati par aur ye farmaan aisi thi ki aaj bhi ye logo ko yaad hai.
Dadua hamesha police se do kadam aage hi rehta tha, apradh ki duniya mein aane ke baad saal 1992 mein paheli baar dadua police ke chungul mein phasa tha. Fatehpur ke Narsinghpur kabraha mein ganne ke khet mein dadua ko police force ne gher liya tha jisne bachane ki koi sambhavna nhi thi lekin uski kismat uska sath de gayi aur dadua waha se bach nikla. Chaar saal baad saal 1996 mein dadua ne waha mandir banwaya tha aur aaj bhi wo mandir hai. Bete ne vidhayak banne ke baad uss bhavya mandir mein apne pitaji dadua aur maa ki murti lagwai hai jo aaj bhi waha virajmaan hai. 22 July saal 2007 ko dadua police aur STF ki encounter mein mara gaya tha. Ye kahani ho sakhti hai aane waali movie Tridev 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
