Himesh Reshamiya India ke ek bahut hi famous singer hain. Apne controversies se lekar apne naak se gaane wale talent tak sabhi cheezon ke liye Himesh hamesha se hi limelight mein rahein hain. Unki Salman Khan ke saath dosti aur dushmani dono hi hamesha Bollywood channels ke liye masala rahi hain, magar iske alawa Himesha Reshamiya ka naam bhooton ke saath bhi joda gaya hai!
2006 mein ‘Aksar’ movie mein ‘Jhalak Dikhla Jaa’ naam ka gaana Himesh Reshamiya ne gaya tha. Gaane ka music unka tha aur gaane mein famous Imraan Hashmi the. Gaana bahut famous hua tha. Kehte hain ki iss gaane mein alag power thi. Power bhooton ko bulane ki!
Jagah jagah aisi reports ayi thi ki iss gaane ko raat ke 10 baje chalaane ke baad aatmayein apni jhalak dikha jaati hain. Aisa khaas hua tha Gujarat ke Anand district ke paas ke gaon mein. Uss gaon mein jis bhi ghar mein yeh gaana chalta tha, toh uss ghar ke purvajon ki aatma uss ghar mein laut aati thi. Kayin incidents mein aisa hua ki unke ghar ka jhula apne aap bina hawa mein jhulne lagta tha toh kabhi kabhi ghar ke kitchen mein se awaaz ati thi. Ismein ek ghar mein aisa bhi hua ki ghar waale baith kar baat kar rahe the, aur achanak se light chalu band hone lagi. Itna hi nahi ghar ki kuch cheezein gayab ho rahi thi, toh ghar se phal kabhi kabhi gayab ho rahe the. Aur yeh sab tabhi ho raha tha jab koi uss ghar mein ‘Jhalak Dikhla Jaa’ song play karta tha. Pehle toh ghar wale yeh baat kisi ko keh hi nahi rahe the, magar phir pure gaon mein yeh charcha hone lagi. Dheere Dheere yeh khabar pure gaon mein phail gayi aur iske liye ek meeting bhi bulaayi gayi. Uss meeting mein khaas kar kar iss gaane ko ban karne ka pharmaan jaari kiya gaya. Sabko strict instructions the ki koi yeh gaana nahi chalyega. Pehle kisi ko yakeen nahi ho raha tha magar BOOM! Iss gaane ke ban ke baad jab kisi ne aisa koi gaana nahi chalaya, toh sach mein yeh sab cheezein hona band hogayi.
Abb pata nahi koi sach mein bhoot tha, yaa koi iss afva ka galat istemaal kar raha tha, magar iss ailaan ke baad uss gaon mein koi bhi aisi ajeeb ghatna nahi ghati. Pata nahi kaunsa gaane ke deewana bhoot tha jo Himesh ki awaaz sunkar aajata tha, magar iss khabar ne bahut logon ko Daraya tha.
Abb Housefull franchise hamesha se hi ajeeb ajeeb qisse dikhati aayi hai. Kya pata iss baar iss ‘Jhalak Dikhla Jaa’ bhoot ka qissa aapke hasne ki wajah banne! Aur kya pata Himesh Reshamiya bhi iss movie mein cameo de jaayein.
Banne rahiye yeh sab jann ne ke liye.
-By Pratima Ratwani.
