Yeh baat April 2017 ki hai, jab subah ke 4 baje ki thand me 30 bhaartiya andar tak काँप rahe the. Naa unke paas peene ko paani tha, naa hi khana. Iske alawa unhe jungli jaanwaron ka bhi khatra tha, ki kahi woh unke shikaar naa ban jaaye. Yeh sabhi log Darién Gap(दारिएन गैप) ke raaste, illegally USA me enter karne waale the. Columbia aur Panama ke beech me padne waala yeh jungle, jise Darién Gap kehte hai, kaafi khatarnaak raasta hai. Yaha pe duniya ke sabse khatarnaak saanp aur spiders ke alawa jaanwar paaye jaate hai, lekin tab bhi Indians, khaas kar Punjab aur Haryana ke log iss raaste ko paar karne ka khatra uthate hai, taaki unhe USA me entry mil sake. Yeh sabhi Indian “Donkey flight” ke sahare U.S.A me enter karte hai, jise Punjab me “Dunki” bhi kaha jaata hai.
Police officers ke mutaabik “Donkey flight” shabd ka istemaal tab hota hai, jab illegal immigrants ko ek desh se dusre desh smuggling kar laaya jaata hai.
Halanki apni aankhon me USA ka sapna dekh rahe inn bhartiyon ke saamne, Darién Gap aur uske beech me aane waala khatra, kuch bhi nahi lag raha tha. Sabhi apni jaan ki parwaah kiye bina bus aage badhte jaa rahe the. Yeh pura raasta 97 km ka tha, jise paar karne me hafton lag jaate hai, lekin migrants ke paas ise पैदल cross karne ke alawa dusra aur koi raasta nahi tha. Jab inn logon ko pyaas lagti thi, tab yeh apne gile socks aur T-shirt ko squeeze kar apni pyaas bujhaate the. Wahi jab yeh thak jaate the, toh usi jagah let jaate the aur bus bhagwaan se yahi dua karte the, ki koi poisonous saanp unhe kaat naa le. Par jab inhe bhook lagti thi, toh yeh bus shaanti se apne paas khana naa hone ki reality ko accept kar lete the aur bus chalte jaate the.
Par sawaal yeh hai, ki aakhir yeh log apne ghar se itni door, itne ajaan jagah aate kaise aur kyun hai?
Asal me inhe laalach diya jaata hai, bade-bade sapne dikhaye jaate hai, jinhe hum ‘American dream’ bhi kehte hai aur inhi laalach me aakar yeh log apna sab kuch chod kar bus ghar se itni door nikal aate hai, iss iccha se ki unhe America me rehne ke liye jagah mil jaayegi. Aisa nahi hai ki sirf yeh kahani inn 30 bhartiyon ki hai. Asal me ab bhi humare desh ke yuva, khaaskar Punjab aur Haryana ke log, Donkey Flight ke through America aur Britain jaane ki taiyaari me hai, kayi toh ab tak nikal bhi chuke hai. Aksar hazaaron log apna har kuch bech kar thug travel agents ko 20-20 lakh rupay de dete hai, sirf yeh soch kar ki unhe America me legal entry dilwayi jaayegi. Par unhe kya pata tha yaha pe toh maamla kuch aur hi hai. Entry toh baad ki baat hai. Inn migrants ka zinda rehna hi kaafi mushkil ho jaata hai. Kayi log jinka luck accha hua, unhe USA me jagah mil jaati hai, lekin inme se jyadatar log pakre jaate hai aur saalon ki puchtaach ke baad hi apne desh waapas laut paate hai. Asal me yeh saare log bhi mazboor hote hai. Unka kaam achha nahi jaa raha hota hai, yaa unhe naukri nahi lag paati. Unke khet ki fasal bhi kharaab hoti chali jaati aur jab unke paas khaane ko kuch nahi hota, tab unke saamne Travel agents videsh me acchi naukri aur kamayi ka laalach dete hai aur unse mote rakam vasoolte hai. Mazboori me doobe huye yeh log bhi inn travel agents ke jaal me phans jaate hai aur NRI banne ka sapna dekhne lag jaate hai. Iss raaste me unhe human traffickers, drug peddlers aur poisonous saanp aur khatarnaak bimaari se bhare Darién Gap se guzarna hota hai. Yeh sabhi life aur death ke iss trip ko lene ko sirf issiliye taiyaar hote hai, kyunki unhe dollars me kamayi karne aur America me ek acchi zindagi bitaane ka sapna, unhe andha kar deta hai. Ho sakta hai film Dunki me main kirdaar bhi Punjab ka rehne waala ho, jise travel agents videsh me acchi kamayi karne ka laalach dekar use ‘Donkey flight’ ke sahaare America me illegal entry karwaane ko raazi karte hai, jiske badle me woh khub saare paise naa sirf main kirdaar se, balki uske jaise dusre immigrants se bhi vasoolte hai.
Wahi America me illegal entry karne jaa rahe 22 saal ke Manpreet Brar ki entry America me nahi ho paayi, jis kaaran woh waapas apne ghar Ludhiyana aa chuke hai. Manpreet se jab pucha gaya ki aakhir unhone kyun itne jokhim bhare raaste ko chuna, toh ispe Manpreet ne kaha ki “Maine kayi baar Army aur police me naukri paane ki koshish ki, lekin mai waha apni jagah nahi bana paaya. Mere dost jo America gaye the, woh waha itna jyada paisa kama rahe the, ki jitna mai yaha pe reh kar kisi bhi naukri se nahi kama paata. Issi kaaran mera waha jaana, mere liye ek maatra option tha.” America ka kehna hai ki har saal Southwest borders se sabse jyada Indian migrants America aate hai. Iske alawa Mexico, Honduras aur El Salvador ke migrants bhi America me as a migrant, enter karte hai. Mexico ke borders se kyunki America me migration badh rahi thi, issi kaaran Trump sarkaar ne America-Mexico boarder pe ek diwaar khada karne ki baat kahi thi, jiske khilaaf kayi log aage aaye the.
Khair baat agar hum SRK ki film Dunki ki kare, toh woh bhi “Donkey Flights” ke sahaare Punjab se Canada jaane waale ek immigrant ki hi kahani pe based hai. Ho sakta hai, jis tarah ki mushkilon ka saamna in bhartiyon ne kiya, kuch aise hi mushkilon ka saamna SRK ka woh kirdaar bhi kar sakta hai, jispe yeh poori film based hogi.
The End