Ghatna 2018 ki hai, jab Israeli heera kaarobaari Lev Leviev ka beta aur bhai, achaanak diamond ke smuggling case me phans gaya. Lev Leviev(लेव लेविएव) ki diamond company “LLD diamonds”, jo ki polished diamonds ka manufacturer aur marketer hai, woh saal 2018 me diamond smuggling ke case me prime suspect ke roop me saamne aaya tha.
Lev Leviev ka beta Zevulun(जेवुलून) unn 6 logon me se ek hai, jise smuggling ke case me main mudda banaya gaya tha. Lev Leviev ki company 2010 se 80 million dollar ke worth ki illegal diamonds, Russia se Israel ke beech import karwa rahi thi. Sabhi jaante hai ki Israel puri duniya me heera kaatne aur polish karne ka main center hai. Aise me diamond ka illegal importation hona, kahi naa kahi expected tha.
Dekha jaaye toh KGF-3 me Rocky ab jyada sone ki chaah me apna rukh videsh ki yor karega, jiski khabar Lev ki hi tarah ek bade heera kaarobaari ko hogi. Heera kaarobaari India me investment karne ki baat desh ke sarkaar se karega, jiske badle me kaarobaari ko Kolar Gold mine ka 50% stake ya share chahiye hoga. Sarkaar andar hi andar kaarobaari ki baat maan leti hai, kyunki isse sarkaar ko aur unke political party ko individually kaafi munafa hone waala tha. Halanki inn sab ke beech Rocky naam ka ek baadha aa jaata hai, jiske kabze me philhaal KGF hai. Sarkaar jaanti hai ki Rocky seedhe tarike se KGF ka aadha hissa videshi heera kaarobaari ko kabhi nahi dega. Issi kaaran sarkaar aur kaarobaari milkar Rocky ko maarne ka plan banayenge.
Khair baat Lev ki kare toh Israeli smuggling case me kul 6 log apraadhi the, jinme se ek Lev ka bhai tha, toh dusra uska beta tha. Wahi teesra Russia stith Lev ke factory me kaam karne waala ek kaafi puraana employee tha, jo 6 saal pehle hi Israel lauta tha. Iss employee ne apne saath laa rahe saare suitcases me illegal diamonds bhar liye aur kisi ko uske status ke kaaran uspe shak bhi nahi hua. Sabhi ko yahi laga ki woh apni factory ka diamond waapas Israel laa raha tha. Par aisa tha nahi. Israel ki police aur income tax ki department ne jab Lev ki factories me raid daali, tab se “king of diamonds” ke naam se mashoor Lev, ki market me izzat kaafi gir gayi hai. Issi kaaran Lev ki company “LLD diamonds” keh rahe hai ki unke maalik aur unke company pe lagaye gaye saare aarop baseless hai. Wahi yeh maamla aur tab badh gaya, jab smuggling ki prime suspect aur LLD diamonds company ki ek employee, achaanak company ke building se gir kar mar gayi!
Asal me Lev ki company me kaam karne waali ek aurat, jo smuggling ke case ki prime suspect bhi thi, uski maut Israel ke Tel Aviv(तेलअवीव) stith, Lev ki company ke building ke 9th floor se girne se ho gayi thi. Company ka kehna hai ki uss aurat ne building se kud kar apni jaan dedi, kyunki police ki puchtaach aur uspe lage juthe aarop se woh tang aa gayi thi. Halanki logon ka kuch aur hi kehna hai. Logon ke mutaabik uss aurat ne suicide nahi kiya tha, balki uska murder hua hai, kyunki woh shyaad smuggling ko lekar deep secrets jaanti thi.
Aage hum jaanenge ki aakhir kon hai Lev Leviev aur kaise usne itne bade smuggling case ko anjaam diya.
To be continued… part-1