Nancy ko hamesha se pariwaar ka sukh mila hai, aisa woh sochti thi. Nancy 2 saal ki thi jab uski maa chal basi. Uske baad uske pita jaante the ki woh Akeley Nancy ko bada nahi kar paayenge, isi liye unhone dusri shaadi bhi ki. Abb Nancy ki nayi maa bhi by chance apna pati kho chuki thi. Uski nayi maa ko bhi 1 saal ka ek bacha tha!
Matlab abb Nancy ke paas sauteli maa hi nahi, balki ek sautela bhai bhi tha. Nancy jaise jaise badi hoti gayi, usse farak hi nahi samjh ata tha ki yeh uski sauteli maa hai. Darsal usse yeh baat naa toh uske pita ne batayi thi, aur naa kabhi uski sauteli maa ne. Toh Nancy ke liye toh uski sauteli maa hi uski asli maa thi.
Abb uski sauteli maa ne usse pyaar karne mein koi kasar nahi chodi thi. Uske school ke pehle din woh usse school chodne gayi thi, harr sports day par bhi wahi jaati thi Nancy ko cheer karne, uske tiffin banane se lekar uski shoelaces tak uski sauteli maa bandha karti thi. Nancy ke liye uski maa hi uski duniya thi aur shayad usne kabhi socha bhi nahi tha ki yeh uski apni maa nahi hai!
Uski sauteli maa usse aur uske chote bhai ko equally pyaar karti thi, aur Nancy ki bhi uske bhai se khoob banti thi. Dono mein ek saal ka hi farak tha toh dono bache saath hi bade ho rahe the. Magar abhi tak bhi Nancy ko pata nahi tha ki yeh uski sauteli maa hai.
Nancy kariban 22 saal ki thi jab usse yeh sach pata chala. 20 saal tak usse yeh sach chupa kar rakha gaya sirf isi liye kyun ki yeh sach kabhi bhi bhaar ana hi nahi tha!
Magar uss din sirf yahi nahi pata chala ki Nancy jisse maa samjhti aarahi thi woh uski maa nahi hai, magar usse bada khulasa yeh tha ki woh aaj tak usse pyaar karne ka dhong karti ayi thi. Uski maa janti thi ki Nancy aur uske bhai mein property ka batwara hoga. Isi liye woh aaj tak samjhti thi ki Nancy ki shaadi hojaayegi toh woh saari property uske bhai ke liye chod jaayegi. Toh uska yeh saara pyaar sirf property ke liye tha. Usse koi humdardi nahi thi Nancy se!
Yeh baat sunkar Nancy ka dil hi tut gaya tha. Toh bus ho sakta hai iss baar Beta nahi balki Beti ki maa aisi nikle?
Yeh toh dekhne layak hoga. Bhale hi storyline alag ho magar emotions aur, maa aur bache ka woh pyaar aur affection iss baar bhi dekhne ko mil hi sakta hai.
-By Pratima Ratwani.
