kahani mai Samudra ke looteron ka raaz chalta hai. Raja ki maa Kasturi use Jahaaj par kaam karne se mana karti hai. Lekin paison ki tangi ke chalte Raja chori chipe kaam karta rehta hai. Ek din Raja apne papa ke bare mai poochta hai or kahani flashback mai jati hai. Jahan Kasturi apne pati or sehar ke sabse bade Bandargaah ke maalik Sunil Iyer ke aane ka intzaar karti rehti hai. Tabhi vahan 3-4 log aate hain. Kasturi bahar aakar dekhti hai. Usme se ek aadmi kehta hai, “Ye Sunil Sir ka ghar hai?” Kasturi kehti hai, “Ji. Lekin aap log… ?” Vo aadmi kehta hai, “Hum sab Sir ke sath Bandargaah par kaam karte hain. Mera naam Suresh hai. Aaj shaam tak humara ek jahaaj aane wala tha. Kaafi Deir ke baad bhi jab vo nahi aaya toh humne Sir ko bataya. Sir jaise hi office phone karne wale the, unhone dekha ki jahaaj beech Samudra mai kaafi deir se ghoom raha hai. Jahaaj par desh ki zaruri cheeze thi. Agar vo sahi salamat nahi aa pata toh desh ko pure aadhe saal bhookhe rehna padta. Isliye Sir ne khud Samudra mai jane ka faisla kiya. Shaam se dheere dheere raat ho gayi lekin…” Kasturi kehti hai, “Lekin kya?” Suresh kehta hai, “Lekin Sir ka kuch bhi pata nahi chala.” Kasturi besudh hokar zameen par gir padti hai. Suresh kehta hai, “Aap chinta mat kariye madam. Hum puri koshish kar rahe hain Sir ke bare mai pata lagane ki.” Aisa keh kar vo sabhi log vahan se chale jate hain. Agle din ek jahaaj wale se pata chalta hai ki Sunil Samudri looteron ke haatho lag gaya tha. Or ye baat sabhi ko pata rehti hai ki jab bhi koi insaan Samudri looteron ke haatho lag jata hai, uska marna tay hai. “Maa.. Maa kahan kho gayi?” Raja kehta hai. Kahani apne present mai aati hai. Kasturi uss se kehti hai, “Tere papa uss bhoot ko bhagaane ke liye gaye hain. Tu dekhna vo jald hi wapas aayenge.” Agle din Raja ka dost chagan usase kehta hai, “Aee Raja chal, aaj phir ek bada Jahaaj aane wala hai. Sabhi log ja rahe hain.” Raja kehta hai, “Nahi main nahi jaunga. Maa ko acha nahi lagega.” Chagan kehta hai, “Are chal toh, jab tujhe paise milenge Or Tu bhar peit kha sakega toh kuch bura nahi lagega.” Raja ko Chagan ki baat sahi lagti hai. Or vo uske sath chala jata hai. Bandargaah par Pahuchte hi Bandargaah ka maalik kehta hai, “Aee bacchon, tum log udhar jo boxes rakhe hain, vahan nahi jaoge. Vo box bade log utha lenge.” Raja aage aate huye kehta hai, “Lekin Kyu? Main toh utha sakta hu.” Maalik kehta hai, “Aee Raja, tujhe jitna bola hai kar na. Kaahe ko dimag ki mathapacchi karta hai tu?” Raja or baki bacche dusre boxes uthane lagte hain. Tabhi Raja ki nazar Ek aadmi par padti hai jo Maalik ek parcha de raha hai. Or uske badle Bandargaah ka maalik uss aadmi bahut saare rupaye deta hai. Raja kehta hai, “Ek parche se badle itne sare paise?” Raja apna box lekar Jahaaj se utarta hai tabhi uski nazar jahaaj par gire ek chamkeele patthar par padti hai. Raja use uthata hai or apni jeb mai rakh leta hai. Shaam ko Raja apne paise lene jata hai. Raja kehta hai, “Seth, tum aaj apne ko paisa diye. Ye dekho apun ke pass bhi tumhare liye kuch hai.” Raja use apni jeb se nikaal kar vo chamkeela patthar deta hai. Maalik Raja ki masumiyat ko hairani se dekhne lagta hai. Or muskurate huye apni jeb se kuch or paise nikaalta hai or kehta hai, “Ye le tera inaam.” Raja apne ghar aata hai toh dekhta hai ki uski maa zakhmi haalat mai padi hai. Raja uske pass daudte huye aata hai or kehta hai, “Maa tumhe ye… ye tumhari haalat kisne ki?” Tabhi vahan Pados ke Kamlesh chacha aate hain or kehte hain, “Uss baniye ke pass teri maa ke sone ke Kangan pade the. Vahi teri maa lene gayi thi. Lekin byaaj(ब्याज) paise wapas na karne ki wajah se Uss baniye ne teri maa ko buri buri gaaliyaan di. Or uske aadamiyon ne teri maa ko bahut mara.” Raja dekhta hai ki uski maa ki saanse ja rahi hai. Or kuch deir baad hi Kasturi ki maut ho jati hai. Raja use dekh kar tez tez rone lagta hai.
Agle din baniya apni dukaan kholne ke liye aata hai. Or dekhta hai ki saamne kisi ki laash padi hai.
