Crime ki duniya me kaafi aage badh chuka German mafia Dutch Schultz, ko ab kisi se darr nahi hai. Apne jyadatar dushmano ko maar chuka Dutch, ab apne empire ko aur badhana chahta hai. Apne aane waali chunautiyon se anjaan Dutch ka aage kya hoga, aayiye jaante hai. 1930 ke shuruat me US Attorney Thomas Dewey(डेवी) ne soch liya tha ki woh Schultz ko federal tax ka bhugtaan naa karne ki wajah se, use doshi tehrayenge. Schultz ko January 1933 me New York me tax chori ke liye doshi tehraya gaya, jiske baad woh भगोड़ा ghoshit ho gaya. Iske baad Thomas Dewey ne, justice department ko apne private practice ke liye chod diya. November 1934 me Schultz ne, New York ke Albany me surrender kar diya. Yeh Schultz ke plan ka hi hissa tha, taaki Schultz ki trial New York se Upstate me shift ho sake. New York ke northern part ko “Upstate” kaha jaata hai. Schultz ka trial Syracuse(सिराक्यूज़) me hung jury ke beech khatam hua. Halanki kuch logon ka maan’na tha ki Schultz ne jury members ko rishwat di hai. Issi wajah se Schultz ko dobara Malone, New York me trail face karna pada. Jaise hi case Malone me pahucha, waise hi jaldi se Schultz ne khud ko, Malone ke logon ke beech ek desi zamindaar aur ek accha naagrik dikhana shuru kar diya tha. Usne local businessman ko apne paise Daan kar diye, bimaar bacchon ko खिलौने gift kar dene ke alawa Schultz ne aur bhi दानशील kaam kiya. Schultz ka yeh plan kaamyaab raha aur Schultz ko tax evasion ke jurm se, 1935 me bari kar diya gaya. New York ke mayor Fiorello(फियोरेलो)iss faisle se itne jyada naraaz the, ki unhone ek aadesh jaari kiya ki Schultz ko dekhte hi giraftaar kar liya gaya. Iss wajah se Shultz ne apne dhande ka main headquarter Hudson River se, Newark me shift kar diya. Apne tax maamle me khud ke bachaav ke liye, Shultz ne bahut paise kharch kar diye the. Issi wajah se Schultz ne yeh jaruri samjha, ki woh apne policy racket chalane waalon ko diye jaa commission, ko kam kar de aur bachaye huye paison ko apne “Arthur Flegenheimer defence fund”(आर्थर फ्लेनहाइमर) me daal sake. Iss baat ne racketeers aur game controller ko gussa kar diya. Schultz ne pehle hi unlogon ko dhamka diya tha ki agar woh Schultz ke iss plan se disagreement dikhate hai, toh unhe hinsa ka saamna karna padega. Lekin inn sab ke bawajood Schultz ke aadmiyon ne ek khaali hall liya, jaha pe sabhi ne milkar Schultz ke iss plan ke khilaaf, ek meeting rakhi. Iss meeting ke baad sabhi ne Schultz ke khilaaf hartaal shuru kar di. Bahut jald cash flow sukh gaya aur Schultz ko majbooran peeche hatna pada. Iss baat ne humesha ke liye Schultz aur uske aadmiyon ke beech ke relationship ko kharaab kar diya. Schultz ka chief lieutenant Bo Weinberg,(वेनबर्ग)Schultz dwara racketeers ke paise kaat kar, apne defense fund me paise add jama kiye jaane se itna pareshaan tha, ki usne New Jersy based Mobster Longy Zwillmal(लॉन्ग ज्विलमल) se iss baare me salaah li, jisne uski pehchaan Lucky Luciano se karwayi. Weinberg ka deal tha ki woh apna hissa waapas gain karke, Schultz ke poore gang pe apna control jama le. Halanki Schultz ko tax chori ka doshi tehraye jaane ke baad, Luciano ki soch thi ki woh Schultz ke gang ko, aur uske territory ko aapas me tod de. Luciano jaanta tha ki second trial me Schultz ka bachna muskil hai. issi wajah se usne apne plan ko Schultz ke gang pe implement kar diya. Luciano ka plan thoda-bahut safal bhi raha. kyunki Schultz ke gang me pehle se hi pay-cuts ko lekar jhagda chal raha tha. Iske alawa Weinberg ne bhi Schultz ke gang ko aapas me todne me, Luciano ka saath diya. Lekin jaise hi Schultz apne tax trial se free hua, waise hi usne “The Commission” ke sahare Luciano ke saath meeting rakhi. “The commission” Lucky Luciano dwara khoji gayi, “Italian-American mafia” ki governing body thi. Meeting me Schultz ne Luciano ko poori situation samjhaane ki koshish ki. Luciano ne Schultz se kaha “hum bus dukaano ko sambhaal rahe hai” balki Luciano ne Schultz se yeh nahi kaha ki ‘sab kuch sahi se chal raha hai aur gang ke andar ka gussa shaant hote hi gang ka control waapas se Schultz ko mil jaayega”. Schultz ke paas koi aur option nahi tha aur use apne gang ko Luciano dwara operate hote dekhna pad raha tha, kyunki law enforcement aur justice Thomas Dewey dwara, uspe ab bhi nazarein rakhi jaa rahi thi. Iske alawa Schultz jaise hi apne tax chori ke aarop se bari hua, waise hi uska khud ka chief lieutenant Bo Weinberg, ko dobara nahi dekha gaya. Schultz ne “National crime syndicate” ko Dewey ki hatya ki zimmedaari saunp di. Iss mamle me Luciano ne kaha ki ‘Dewey ki hatya law enforcement ko aur tej kar degi.’ Luciano ke iss baat se gussaye Schultz ne kaha, ki ‘Woh waise bhi Dewey ko maar daalega’ aur sisa keh kar, Schultz meeting se baahar nikal aaya. “The murder. Inc” ke neta “Albert Anastasia” ne Luciano se kaha ki Schultz ne 5th Avenue stith Dewey ke ghar ko daanv pe lagane ke liye kaha hai. Iss news ko sunne ke baad “The Commission” ne ek meeting host ki. 6 ghante ke discussion ke baad, Commission ne Louis Buchalter(बुकाल्टर) se kaha ki “Dutchman ko khatam kardo.”
Schultz ko 23 October 1935 me New Jersy stith ek restaurant ke saamne goli maar di gayi. Schultz uss dauran apne accountant Otto, apne naye chief lieutenant aur Bodyguard ke saath tha. Jab Schultz bathroom me tha ussi dauran do murder andar ghus aaye aur Schultz pe goli chala di.
Toh darshakon aapko kya lagta hai,kya yahi hai Dutch Schultz ka antt? Kya Dutch, Luciano ke dwara maara jaayega? Ya woh bachega? Jaan’ne ke liye padhte rahiye humara yeh blog jiska naam hai Bollygrad studioz.
To be continued…part-4
