Game khelna kise pasand nahi hota, par jab wahi game kisi ke maut ka kaaran ban jaaye toh phir ek mazedaar cheez, nightmare ban jaati hai. Aisi hi ek kahani hai kuch saal pehle ki, jab “Blue whale” naamak ek game ki wajah se bahut saare bacchon ne suicide ko anjaam diya hai. Aayiye jaante hai iss khatarnaak game ki puri kahani.
“Blue whale” ya phir “Blue Whale challenge” ek social network घटना hai, jo 2016 se lekar 2018 tak, kayi deshon me maujood rahi. Yeh game asal me Russian originated hai. Blue whale game me players ko kuch challenges diye jaate hai, jinhe unhe 50 dino ke andar pura karna hota hai. Shuruat ke task normal aur inoffensive hote hai. par jaise-jaise task aage badhta hai, waise-waise players ko khtarnaak task diye jaane lagte hai. Aakhiri task me players ko suicide karna hota hai. Blue Whale sabse pehle logon ki nazar me 2016 me aayi, jab ek Russian newspaper me bacchon ki suicide ko lekar khabar पप्रकाशित hui. Khabar me bacchon ke maut ka doshi, “F57” group ko banaya gaya. Jo asal me ek aisi online group thi, jo logon ko suicide karne ke liye uksaati thi. Iss news ke baad logon ke mann me apne bacchon ke liye chinta jaag gayi thi. Halanki kuch dino baad iss khabar ko आलोचना ka issiliye saamna karna pada, kyunki kuch logon ka maan’na tha ki “F-57” group ka bacchon ke ho rahe suicide se koi lena-dena nahi hai. Iske baad Blue whale naam ke game ko suicides ka doshi banaya gaya, jiski khabar duniya bhar me fail gayi. Kehne waale yeh bhi kehte hai ki “F-57” naamak suicide group ko ek ladke ne, Russian Social network VK pe banaya tha aur phir ussi ladke ne Blue Whale game ko bhi develop kiya. Iss ghatna pe Russians ne ek short film bhi banayi hai, jiska naam hai “Blue Whale F57”.
Iss game ki ghatnao ki agar hum baat kare toh yeh hume seedhe saal 2015 me le jaati hai, jab ek Russian teenager suicide karne se pehle apni ek selfie post karti hai aur caption me “nya bye” likhti hai. Uski maut aage chal kar Social media aur dusre jagah pe charcha ka ek विषय ban gayi. Kayi log iss ladki ki maut ko डरावनी कहानी और लोककथाएँ se bhi jod kar dekh rahe the. Aage hone waali suicides ko bhi issi angle se dekha jaane laga. Iss ghatna ke baad sabse pehle ek Russian journalist ne iss baare me ek article, 2016 me ek Russian newspaper me print karwayi. Journalist ne 130 teenagers ke maut ka doshi F57 group ko banaya. Logon ne aage chal kar kayi logon ko iss maamle ka doshi banaya. ek teenager ke pita ne kaha ki inn sab ke peeche “Foreign intelligence Operatives” bhi zimmedaar ho sakte hai. Iske alawa ek ne kaha ki 130 nahi balki kam se kam 200 bacchon ki maut hui hai. Blue whale game ko yahi naam kyun diya gaya, yeh aaj bhi ek rahasya hai. Kuch logon ka maan’na hai ki Blue whale ka naam ek gaane se aaya hai wahi dusre logon ka kehna hai ki “Blue Whale Game” ka naam “beaching” ki yod ishaara karti hai, jisme Whales jab sand pe aati toh woh apne aap hi mar jaati hai. Blue Whale Game kayi social media platforms pe maujood thi, Jisme game administrator participants ko 50 din ka ek task deta hai, jise unhe deadline se pehle complete karna hota hai. Har din administrator participants ko 1 task dete the, jinhe unhe complete karna hota tha. Pehla task bilkul bhi harmful nahi hota tha, jaise ki “subah 4 baje uthna” ya phir “koi horror movie dekhne” jaisa hota tha. Yahi se task dheere-dheere aage badhta hai aur self harm ki yod le jaata hai, jiske baad aakhiri din ka task hota hai “suicide”. Jyadatar baache 12 se 14 saal ke the, jo blue whale ki jaal me phans jaa rahe the. 2017 ke antt tak Blue whale ke participants me kami aa rahi thi. Aisa issiliye bhi ho raha tha kyunki maata-pita apne bacchon se phone ko door kar rahe the, aur unhe ghatna ko lekar satark bhi kar rahe the. 2016 me, 21 saal ke Philip Budeikin(बुदेइकिन) ne swikaar kiya ki ussi ne 2013 me iss game ko banaya tha. Philip ek psychology student tha, jise University se nikaal diya gaya tha. Philip ke anusaar uska maksad tha duniya se unn logon ka safaya karna, jinki duniya me koi importance nahi hai ya phir jinhe ek burden samjha jaata hai. Halanki Philip ne khud ko bekasoor bataya aur kaha ki who bus “maze kar raha tha”. Philip ko iske baad arrest kar liya gaya aur usse St. Pittsburgh stith “Kresty Prison” bheja gaya. May 2016 me usse kam se kam 16 ladkiyon ko suicide karwane ka doshi maana gaya. Iske baad uspe “minor ko uksaane ke liye” doshi banaya gaya. 2017 ke June me ek postman ko bhi issi jurm me doshi banaya gaya. Postman ne kam se kam 32 bacchon ko Philip ke group ko join karne aur uski baaton ko maan’ne ke liye uksaya tha. 2018 me Russian financial Analyst “Nikita Nearonov”(नेरोनोव) ko bhi iss maamle me doshi maana gaya. Nikita ko “blue whale game” ke peeche ka mastermind maana jaata hai. Nikita ne kam se kam 10 underage ladkiyon ko suicide ke liye uksaya tha, jisme se do 14 aur 17 saal ki ladkiyan bach gayi. Nikita ko kaha jaata hai ki woh kaafi tej computer expert hai, jisne bade paimaane pe teenagers ko bharosa dilaaya hai ki woh ugly aur wicked hai, issiliye unhe mar jaana chahiye. waise Nikita ke naam pe mat jaayiye kyunki woh asal me ek ladka hai.
Police ne yeh bhi maana hai ki Nikita ke liye Blue Whale uski hobby thi. Blue whale ne kayi deshon ke baachon ko maara ha, jisme India ke alawa Armenia, Brazil, China, Russia, Iran, Israel, Tunisia, Saudi Arabia, Bangladesh, Italy, Egypt jaise aur bhi kayi desh shaamil hai.
Sabhi deshon ki sarkaar ne apne apne internet server se Blue Whale game ki link ko hata diya hai. Aaj Blue Whale Game, tech world ke itihaas me aise samaya hai, jise sun maata-pita kaanp uthte hai.

Mr. India 2 ki agar hum baat kare toh Antagonist ek aisi hi ek game ko develop kar crime ko anjaam de sakta hai, jisme kayi bacchon ki maut ho jaayegi. Wahi kyunki Mr.India asliyat me anaath bacchon ko apne saath rakhta tha, toh unn bacchon ki game se hui maut usse dushaman ka pata lagane ke liye uksayegi, jiske liye woh phir ek baar Mr.India banega aur dushman ka safaya kar bacchon ki maut ka badla lega.