Sam Giancana ek aisa naam hai jo uss waqt Gangster ka legend kehlaata tha , usse sirf farq padta tha toh sirf aur sirf aapne naam aur pehchan se. Wo jitna jldi ho sake khud ko mashur karna chahta tha taaki log usse pehchaane. Sam ka janam 24 may 1908 ko Gilormo Giangana , ke Chicago mein hua tha. Inke pita ji Antonio Giangana jo saal 1905 mein Italy se immigrants huye the wahi inki mummy Antonia saal 1906 mein Italy se immigrants hui thi, Sam kul milakar 7 bhai- bahen tha. Saal 1919 mein Sam ki mummy ka dehant ho gaya tha jiske baad inke pita ji ne Mary Leonardi se dusri shaadi kar li thi. Sam ne jada padhai nhi ki thi isiliye saal 1933, 23 September ko Angeline DeTolve naam ki ladki se shaadi kar li , Angeline ek immigrant ki beti thi jo Itali ke Basilicata region se belong karte the. Shaadi ke baad Sam ki 3 betiya hui Antoinette, Bonnie and Francine, lekin kismat ko kuch aur hi manjur thi Saal 1954 , 23 April ko Angeline ki maut ho gayi aur wo apne 3 betiyon ko Sam ke bharose chor gayi. Ab Sam ko apni betiyon ko akele hi paalna tha aur unka dhiyan rakhna tha.
Sam ne ye baat kisi se bhi nhi batayi thi ki wo kisi gang se juda hua tha jab ki wo ek 42 gang mein shamil ho gaya tha usse uss waqt sirf apna naam bada karna tha taki Chicago ka har koi usse jaane aur pehchane. Saal 1930 tak wo khud ko bade logo ke bich involve krne mein jud gaya aur saal 1940 se lekar 1950 ke bich wo Louisiana mein ho rahe illgal juwa, illegal sharaab jo baati ja rahi thi usse aur politics mein ho rahe rackets ko sambhal raha tha. 1940 ke antt tak wo African aur American ke bich jo lottery payout hoti uss se wo jud gaya tha aur saal 1957 mein wo Chicago outfit ka boss bann chuka tha. Jab Sam iss 42 gang mein shaamil hua tha tab wo kaafi chota bacha tha aur gang waale waise chote bacho ko hi apne gang mei uss waqt bharti karta tha, Joseph Esposito naam ka ek politician jiske liye Sam kaam karta tha. Jiss gang ke liye Sam kaam karta tha bhale usme 42 log the lekin usse hamesha Ali baba aur uske 40 choro ke naam se hi jana jata tha ,Sam ko hamesha lagta tha ki wo kahi na kahi unn 42 choro se behtar hi hai isliye wo hamesha khud ko unn sabse alag hi ginta tha . Sam ko jitna jaldi ho sake khud ko mashur karna tha toh wo dheere dheere karke khud ko ek excellent driver, jada kamane wala aur ek khatarnak ke sath sath shatir killer bana liya tha. Jab Joseph ki murder hui thi toh usne Sam ka naam sabse aage tha jab Sam pakda gaya tha tab uss 42 gang ko thod diya gaya aur usse de facto extension of Chicago bana diya gaya tha, lekin apne group ke kaaran wo bach aur ek choti si auto chori ke liye saal 1925 mein ye jail gaya tha. Jab wo 20 saal ka tha tabhi wo shooter ke taur par ekdum mahir ho gaya tha aur uske baad upar 3 logo ki jaan lene ka case chal raha tha lekin iss baar aisa tha ki wo inn murder mein shaamil bhi nhi tha .1929 mein Sam ko chori aur dakaiti ka doshi theraya gaya aur usse Joliet Correctional center mein rehne ki 1 se 5 saal ki saja bhi sunai gayi thi, lag bhag saal 1932 mein 3 saal aur 9 mahino ke baad Sam ko jail se chor diya gaya tha.Jail se aane ke baad saal 1932 mein Sam ko pahela 42er group ka member banaya gaya tha jo Chicago ka outfit ke liye tha , lekin iss baar bhi Sam ki kismat kharab thi aur illegal sharaab ki bikri ke liye isse 4 saal ke liye Leavenworth Prison aur Terre Haute Federal Correctional Complex mein rakha gaya tha taaki wo iss baar sudhar jaaye. Jaise hi wo saal 1942 mein jail se chutt kar aaya toh usne outfit ke underboss Accardo ko Chicago ki African – American policy mein jod kar khud ka naam phir se banaya. Logo ka ye kehna tha ki Edde Jones ko desh aur apna gang chorne ke kiye Sam aur uske group ne majbur kar diya tha, yaha tak ki 4 August 1952 mein jo African – American ka boss Theodore Roe ka murder hua tha usme bhi ye ilzaam Sam aur uske group par hi lagaya gaya tha. Jabki Jones aur Roe ye dono south ke gambling ke asli boss hua karte the. Uss waqt ek dusre ko maarne ki jo operation chal rahi thi uspar Jones ne Roe ko surrender karne ke liye bola lekin Roe ne surrender karne se mana kar diya tha jabki ye maang outfit yani gang ki thi ispar Roe ne Leonard ko goli shot karke usse maar diya tha jo Sam ke group se belong karta tha.
Saal 1957 mein Sam mafia ki Apalachin meeting mein Upstate New York estate ke Joseph barbara bhi shamil the. Baad mein buffalo crime boss Stefano Magadinno aur Sam ko ek wiretap par yeh kehte huye sunaya ki meeting Chicago mein honi chahiye thi. Iss par Sam ne dawa kiya tha ki duniya ke sabse bade Gangster logo ke liye Chicago se jada koi dusri safe jagah nhi hai meeting ke liye aisa iss isliye kyuki police mein kai aise log the jo Sam ke aadmi the. Sam ne yeh bhi kaha ki agar Syndicate crime kabhi bhi Chicago mein ya uske aaspaas meeting karna chahta tha toh unhe darne ki koi baat nhi thi kyuki unke paas kai aise places the jaha koi disturb karne ke liye nhi aata. Uss waqt kuch patrakaro ka yeh bhi kehna tha ki jab saal 1960 mein President ke liye election ho raha tha tab John F. Kennedy’s ko jeetane ke liye isme sabse jada haanth Sam aur Chicago ke crime syndicate ka tha. Hyman Larner jo ki Sam ke dost the, jinhone Panama aur Iran mein outfit ke juwa aur taskari ko failaane mein madad ki thi, unka Miami operation ke headquarters ko Panama mein rok diya gaya tha taaki waha ke local banko ke duara money laundering aache se ho sake, aur iss operation ka sauda Mafia aur CIA ke bich hua tha . Saal 1966 aate aate waha sirf money laundering nhi ab arms smuggling bhi hone lagi thi wo bhi Panama se hotey huye the Middle East se Israeli Mossad tak. Richard Cain jo ki ek corrupt police officer tha jo Sam ke qurier aur financial advisor ban kar Maxico se bahar aur maxico tak hamesha safar kiya karta tha.
Agar baat declassified CIA ” Family Jewel” ke documents ke hisaab se maane toh Sam aur Trafficante se September 1960 mein Maheu ke duara murder ki koshish karne ko lekar unhe inform Kiya gaya tha, ye baat unko tab pata chali jab wo Las Vegas mein mafia ke logo aur Sam ke number do aadmi Raselli se sampark kiya tha. Family jewel ke anushar Sam ne Maheu ko apni maalkin Phyllis McGuire ke kamre mein taar lagane ke liye kaha tha jo ki McGuire sisters ki singer thi uss waqt, jinka comedian Dan Rowan ke sath affair chal raha tha. Inke khoon karne ke ilzaam mein jab Sam ko saal 1965 , 1 june ko judge ke saamne bulaya gaya tha tab unhe ek immunity di ja rahi thi saja se bachne ke liye phir bhi wo uss waqt shaant tha jiske wajah se Sam ko ek saal ki saja hui aur usse har gunah ki saja mili jo usne ki thi. Jaise hi saal 1966 mein Sam ko riha kar diya gaya tha wo fauran Cuernavaca, Mexico bhaag gaya taaki uss se jada puch taach na ho sake. Saal 1974 mein Sam ko Maxican officers be giraftaar kar liya tha aur usko America bhej diya gaya tha aur phir wo 21 July saal 1974 mein Chicago bhej diya gaye tha.
Reporter ka kehna tha ki ek din achanak jab Sam ke caretaker unke yaha kaam karne gaya toh usne dekha ki Sam ki body zameen par padi hui hai aur ye bhi bataya tha ki kuch din pahele hi unki Huston ke ek hospital mein gall bladder ki operation hui thi. Jab Sam ka dehant hua tha toh uske baad unki betiyon ne unka cemetery wahi banwaya tha jaha sam ki biwi Angeline ki cemetery thi.
Toh ye ek Kahaani ho sakhti hai KGF 3 ki. Kaise ek kam umar ka bacha gangster ban jata hai sirf aur sirf paise aur fame jo paane ke liye. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye……..

Chandan Pandit