Kabhi kabhi paraaye sagon se zyada apne lagane lagte hain. Aisa hi hua Soham ke saath. Soham Delhi mein bada hua ek young aur talented ladka tha. Soham ki umar 24 saal thi, magar woh bada tabhi ho gaya tha jab usne apni maa ko khoya tha. Uski maa cancer ki wajah se chal basi thi jab woh 6 saal ka tha. Yahan uski maa nahi rahi thi, aur wahan uske papa toh kabhi uske saath the hi nahi.
Soham ke pita, Soham ko unlucky maante the!
Soham ke mummy aur papa ki love marriage thi. Soham unhein shaadi ke 2 saal baad hua tha. Soham ke aane se pehle Soham ke pita bahut successful businessman the. Unki 4 companies thi aur woh apni life ka best time jee rahe the. Foreign Countries mein ghumna, 5 stars mein rehna, aur bus luxury cheezon par udhana unhein bahut pasand tha. Magar yeh tab tak jab tak Soham nahi hua tha. Soham ke hote hi uske pita ko companies mein bahut loss hua. Unki 2 companies band hogayi, aur baaki 2 ke unhein share baantne pade the. Itna hi nahi, Soham ke hote hi uski dadi bhi chal basi thi. Yeh toh badi badi cheezein thi. Magar Soham ke paida hote hi woh negative energy uske pita tak pahuch rahi thi. Unki khud ki kidney transplant surgery fail hui thi, aur uski maa ko cancer detect hua tha.
Pehle toh Soham ke pita iss andh vishwaas mein maante nahi the, magar unhone kisi se puchwaya tha jinhone yeh keh diya tha ki unke parivaar mein koi manhoos hai, jiski wajah se yeh ho raha hai. Tabse uske pita usse dur rehne lage the. Soham ki maa ki maut hogayi aur usse alag rehne ko keh diya tha. Soham ke pita ne dusri shaadi Karli thi, aur abb woh apni life dobara shuru karne waale the. Yeh Soham ki nayi mummy Rita thi.
Abb jaise regular sauteli maa hoti hain, Rita waisi nahi thi. Plot twist yeh hai ki Soham ke asli pita usse dur rehte the, magar uski sauteli maa uska zyada khayal rakhti thi. Soham ko koi dikkat nahi thi unse, magar woh jaanta tha ki woh kabhi apne asli mata pita ka pyaar nahi paa paayega!
Rita usse baar baar calls kar kar uski zarooratein samjhti puchti thi, wahin Soham ka call uske pita baar baar kaat diya karte the. Harr tyohaar par jahan sab naye kapde pehente the, wahin Soham wahi joote pehnta tha jo uski maa ne usse akhiri baar gift kiye the. Soham apne mummy papa dono ko miss karta tha, magar kismat ne usse maa baap hone ke bawajood anaath banaya tha.
Toh bus aisi hi kahani ho sakti hai Beta 2 ki jahan iss baar maa ka hi nahi, balki baap ka pyaar bhi chinn jaayega iss bete se!
-By Pratima Ratwani.
