Babu bhaiya ( Paresh Rawal ) balcony se chalaang laga dete hai, or vo neeche khade amrood ke thele par gir jaate hai. Balcony se chalaang lagate time Babu bhaiya ki dhoti balcony mein atak jaati hai, or unki dhoti khul jaati hai. Raju ( Akshay Kumar ) Shyam ( Sunil Shetty ) ko Babu bhaiya ki taraf ishaara karta hai. Shyam Babu bhaiya ko thele ke saath hi vahan se bhaagne lagta hai, DK ( Mukesh Tiwari ) ke aadmi un teeno ka peecha karne lagte hai. Babu bhaiya thele par rakhe amrood se apne peeche aa rahe DK ke aadmiyon ko maarne lagte hai. Bhaagte bhaagte thele ka ek pahiya dheela ho ho jaata hai or vo thodi der baad nikal jaata hai, jiski vajah se Babu bhaiya ekdum se neeche gir jaate hai. Shyam bhaagte huye Babu bhaiya ke pass aata hai or kehta hai ki “Babu bhaiya aap to theek to ho na”, Babu bhaiya kehte hai “ e ( ए ) halkat tujhe mein theek dikhta hu”. Peeche se Raju bhaagte huye aata hai, Raju Babu bhaiya se kehta hai “aap jameen par kyun baithe ho, bhaago na”. Babu bhaiya muh banate huye kehte hai ki “baitha nhi hi iss halkat Shyam ne mujhe gir diya”, Raju kehta hai “theek hai chalo ab utho or bhaago DK ke aadmi aate hi honge”. Vo teeno bhaagne lagte hai or DK ke aadmi bhi unke peeche aa gaye hote hai, Babu bhaiya tej nhi bhaag paa rahe hote hai to Raju aur Shyam milkar Babu bhaiya ko utha lete hai or bhaagne lagte hai. Bhaagte bhaagte vo teeno ek fish market mein aa jaate hai, jiske baad vo teeno bheed ka fayda uthakar DK ke aadmiyon ki najar se bachkar vahan se nikaal jaate hai.
Vo teeno jaise taise bachte bachate ek jagah pahunchte hai, vo teeno vahan baithkar aapas mein baat karne lagte hai. Shyam ghabrati hui awaaj mein kehta hai ki “humein iss jhamele mein or jyada nhi padna chahiye, Raju tu ye naksha jaakar DK ko de de”. Babu bhaiya bhi Shyam ki haan mein haan milate huye kehte hai “Shyam bilkul theek keh raha hai, apne ko risk lene ka hi nhi hai, Raju tu ye naksha un Gunda log ko jaakar dekar aa re”. Raju mna karte huye kehta hai ki “ tum dono samajhne ki koshish Karo agar iss nakshe ke peeche itne gunde pade hai to socho vo kitna bada khajaana hoga, hum malamaal ho jaayenge Paisa hi Paisa hoga Paisa hi Paisa”. Raju un dono ko khajaana dhoondhne ke liye manaane lagta hai, tabhi Shyam ke kaan mein gaana bajta hai “golmaal hai bhai sab golmaal hai”. Shyam Babu bhaiya se poochta hai aapne kuch suna, to Babu bhaiya kehte hai “haan sone ke sikko ki khanak”. Shyam kehta hai “Babu bhaiya aap iss Raju ki baaton mein mat aayo, iske chakkar mein badi buri tarah se fasenge”. Raju Shyam se kehta hai ki agar tujhe itni hi problem hai to tu chala Jaa, Shyam kehta hai “haan haan mein jaa raha hu, mujhe nhi fasna in chakkaro mein” or vo vahan se jaane lagta hai. Raju Shyam se kehta hai ki “Tu jaa to raha hai lekin dekhna tu lautkar humaare pass hi aayega”, tabhi thodi der baad Shyam bhaagte huye aata hai. Raju Babu bhaiya se kehta hai “dekha Maine kaha tha na ki ye lautkar humaare pass hi aayega, aa gaya na”. Babu bhaiya chaunkte huye kehte hai “chamailla ye to sahi mein vaapas aa raha hai”, tabhi Raju dekhta hai ki Shyam isliye bhaag Raha hota hai kyunki DK ke aadmi uska peecha kar rahe hote hai.
Raju kehta hai Babu bhaiya bhaago or khud bhi vahan se bhaagne lagta hai, Shyam Babu bhaiya se kehta hai ki “mene aapse bola tha na ye hume fasvayega , ab dekh liya na”. Babu bhaiya kehte hai “tu sahi bol raha hai,mujhe iss halkat ki baaton mein aana hi nhi chahiye tha”, Raju kehta hai ki mujhe baad mein taane maar Lena lekin pehle bhaago. Raju aur Shyam bhaagte bhaagte Babu bhaiya se aage nikal jaate hai, Babu bhaiya ka per unki dhoti mein ulajh jaata hai jiski vajah se vo gir jaate hai or unka chasma bhi gir jaata hai. Babu bhaiya apna gira hua chasma dhoondhne lagte hai, tabhi ek aadmi Babu bhaiya ko unka chasma uthakar deta hai. Babu bhaiya jab apna chasma pehente hai to vo dekhte hai ki DK ke aadmiyon ne unhe gher liya hota hai. Shyam jab peeche mudkar dekhta hai to use Babu bhaiya kahin najar nhi aate hai, to vo Raju se kehta hai ki “ e Raju Babu bhaiya Kahan Gaye”. Raju kehta hai aree yrr ab ye Babu bhaiya Kahan chale gaye, jab vo dono Babu bhaiya ko dhoondhne ke liye thoda peeche jaate hai to vo dekhte hai ki DK ke aadmi Babu bhaiya ko apne saath le jaa rahe hote hai.
Raju aur Shyam kaise bachayenge Babu bhaiya ko DK se ? Kiske haath lagega khajaana ? Jaanenge iss blog ke agle part mein.
