Kahani mai ab tak Raja Surya se kai saare hathiyaar maangta hai. Lekin Surya ko ab bhi iss baat ki bhanak tak nahi hai ki Raja aakhir kar kya raha hai. Udhar Arya apne papa Or Bandargaah ke maalik Rajesh ka khoon kar deti hai. Or Rocky bhi Jahaaj par pahuch kar vahan maujood sabhi logo ko ek ek karke maar deta hai. Yahan jahaaj par entry hoti hai Raja ki. Raja mehsoos karta hai ki Jahaaj apni jagah par ruka huya hai or vo isi baat ka fyda uthata hai. Raja Rocky se kehta hai, “Rocky jaldi karo, jahaaj ruka huya hai. Hume abhi ke abhi saare aadmiyon ko andar se nikaalna hoga.” Rocky dekhta hai ki Jahaaj ek jagah ruka nahi hai balki dheere dheere Samudra mai doob raha hai. Rocky ye baat Raja ko batata hai. Rocky kehta hai, “Tum ek kaam karo. Main sab kuch sambhaalta hu. Tum niche jakar sabhi aadamiyon ki bahar nikalne mai madad karo. Raja Jahaj ke andar bane Raaste mai jata hai. Lekin tabhi piche se uss par koi chaaku se hamla karne ki koshish karta hai. Raja piche muh kar dekhta hai toh koi bhi nahi hai. Idhar Arya Surya ke bungalow par pahuchti hai. Jahan se use kuch aise papers milte hain, jise dekh kar Arya ke hosh udd jate hai. Surya kamre mai aata hai, “Mujhe aisa kyu lag raha hai jaise koi yahan tha.” Surya idhar udhar dekhta hai phir apni file lekar vahan se chala jata hai. Pure sehar mai ye khabar fail jati hai ki Army officer or police wale mil kar Desh ke paison ko kha rahe hain. Raja jin kaidiyon ko jail se rihaa karke lata hai, vo sab police walon ke gharon mai aag lagana shuru kar dete hain.
Idhar Raja dheere dheere Jahaaj ke niche pahuchta hai. “In sabko main kaise hatau?” Aisa sochta huya vo aage badhta hai. Raja dekhta hai ek aadmi heere lekar bahar aa raha hai. Vo use apni taraf khich leta hai or uske kaan mai kuch samjhaate huye kehta hai, “Samjh gaye na? Kya karna hai.” Vo aadmi chala jata hai. Thodi deir mai Heere khoj rahe 2 aadmi aapas mai ladne lagte hain. Saare pahredaar unhe chhudwane ke liye jate hain. Raja muskurate huye kehta hai, “Isi ka intzaar tha.” Or piche se aakar sabhi pahredaaron ko Chaaku maar deta hai. Lekin iss beech Jahaaj ke upar jaane ka raasta toot jata hai. Raja kehta hai, “Sabhi log ek ek bori le jayenge. Koi bhi aadmi yahan nahi rukega. Main upar jane ka raasta khojta hu.” Raja ki nazar pahredaaron ki laash par padti hai. Vo ek ek karke Sabhi laashon ko ek ke ek upar rakhna shuru kar deta hai. Use dekh kar sabhi aadmi uski madad karne lagte hai. Thodi di deir mai laashon ka dher unke liye bahar nikalne ka raasta ban jata hai.
Idhar Surya baar baar Raja ko phone mila raha hai. Surya kehta hai, “Pata nahi kahan mar gaya hai. Agar meri asliyat sabke saamne aa gayi toh main barbaad ho jaunga.” Idhar Rocky ab bhi Jahaaj ko kinaare pahuchaane ke liye pareshaani utha raha hai. Raja uske paas aata hai or dono mil kar Jahaaj ko kiraane lagane lagte hain. Agle scene mai Surya ko apne ghar mai kuch aawaze sunai deti hai. Ye aawaz Arya ke juton se aa rahi hai. Surya piche se Arya ke sar par bandook rakhte huye kehta hai, “Toh tum hi thi jo itni deir se mere ghar mai ghoom rahi ho.” Arya bas bhagwaan se Raja ke aane ki dua maangne lagti hai. Surya bandook ka Ghoda dabaane jata hai tabhi ek goli chalti hai. Saamne Raja or sabhi samudri kaidi khade hain. Vo sab dheere dheere karke jahaaj se laye heeron ki boriyon ko hall mai rakhte jate hain. Raja kehta hai, “Kuch yaad aaya Seth? Toh itne saal se tum hi ye sab karwa rahe the or main pagal soch raha tha ki tum duniya ke sabse ache Seth ho.” Surya kehta hai, “Tumhe ye sab kaise pata chala?” Raha aawaz lagta hai, “Rocky..” Rocky aata hai. Raja kehta hai, “Ab tumhara khel khatam Seth.” Or itna kehte hi goliyaan chalane lagta hai. Surya kuch second ke andar hi gir kar mar jata hai. Samudra laye pure heere Raja gareebon mai baat deta hai or kuch Sarkaari khazaane mai jama kar deta hai.
