Kahani ki starting hoti hai 3 November 2022 se. hum Indian Airlines ki flight IC-814 ko dekhte hai jo Delhi se Dubai ke liye take off karti hai, jisme 359 passengers aur 11 crew members travel kar rahe hote hai. Flight IC-814 apne route ke according Delhi se Dubai Jaa Rahi hoti hai, lekin tabhi air traffic control ( ATC ) mein baitha ek controller radar par dekhta hai ki, Flight IC-814 ne apne route ko change kar liya hai. Vo aadmi ye baat apne seniors ko batata hai. poore ATC mein hadkamp mach jaata hai ki, aakhiri Flight IC-814 ne apna route kyun badla hai. ATC ke controllers Flight IC-814 se baar baar contact karne ki koshish karte hain, lekin Flight IC-814 ki taraf se kisi bhi baat ka koii reply nhi aata hai. Jab bohot baar koshish karne par bhi Flight IC-814 se koii reply nhi aata hai, to ATC Airport Authority of India ( AAI ) ko iss baat ki jaankari de deti hai. AAI ke poochne par ATC unhe batati hai ki, Flight IC-814 iss time Afghanistan jaane waale route par hai. AAI mein baithe log samajh jaate hai ki agar Flight IC-814 Afghanistan jaa rahi hai to koi na koi gadbad hai. Koichaara na dekh AAI Indian government or Indian Air Force ( IAF ) ko iss incident ki jaankari deti hai. Government se orders milte hi IAF Flight IC-814 ko vaapas India laane ke liye apne 4 Tejas fighter jets ko bhej deti hai. Idhar ATC lagatar Flight IC-814 se contact karne ki koshish karti rehti hai. ATC Flight IC-814 ke pilot se kehti hai ki,” hum aapki madad ke liye 4 fighter jets bhej rahe hai, aap unko follow karte huye vaapas India aa jaaye”. Jaise hi ATC fighter jets ka jikra karti hai, to pehli baar Flight IC-814 ki taraf se kisi ki awaaj sunayi padti hai.
Ye awaaj na hi pilot ki hoti hai or na hi flight ke kisi crew member ya passanger ki, ye awaaj hoti hai Moosa ( Emraan Hashmi ) ki, jo ki ek terrorist hota hai. Moosa ATC se kehta hai ki usne Flight IC-814 ko hijack kar liya hai aur agar kisi bhi fighter plane ne uska peecha karne ki koshish ki to vo iss plane ko C4 explosives se uda dega. ATC Flight IC-814 ke hijack hone ki khabar government ko deti hai or saath mein Moosa ki plane ko blast karne ki dhamki ke baare mein bhi batati hai, jiske baad IAF bheje gaye apne 4 Tejas fighter jets ko vaapas bula leti hai. Jab Flight IC-814 ke hijack hone ki khabar Prime minister ( Rajit Kapur) ko pta chalti hai to vo Defence minister, Defence secretary or other senior officials ke saath ek emergency meeting karte hai. Meeting mein RAW ke Director Shenoy ( Girish Karnad ) bhi mojood hote hai. vo batate hai ki RAW ki intelligence ke mutaabik Moosa ke alava plane mein 3 hijackers aur hai. Shenoy aage batate hai ki ye 4 hijackers Pakistani terrorists group Lashkar-e-Taiyaba ke members hai or ye log nakli passports ki madad se Flight IC-814 mein chade the. Meeting ke dauraan hi khabar aati hai ki Flight IC-814 ne Afghanistan mein land kar liya hai aur Afghanistan ke Prime minister or Taliban leader Muhammad Hassan ( Pradhuman Singh ) hijackers ko apna khas mehmaan bhi declare kar chuka hai. Meeting mein mojood sabhi logon ko samajh mein aa jaata hai ki hijackers ka plane ko Afghanistan mein land karvaana koi coincidence nhi hai, balki hijackers aur Taliban ki mili juli saajish hai. Afghanistan ki government Taliban ne eisa isliye Kiya hota hai, kyunki India ne 2021 mein Taliban ko Afghanistan ki government maanne se mna kara tha. Isi baat ka badla lene ke liye Taliban ne hijackers or hijacked plane ko apne yahan panah di hoti hai. RAW ki intelligence se ye bhi pta chalta hai ki Flight IC-814 ke Afghanistan mein land hone se pehle hi vahan par or terrorists ikaththa ho gaye the.
Jab Prime minister meeting mein mojood logon se iss hostage rescue ke liye ideas maangte hai, to koi unhe surgical strike ka idea deta hai to koi unhe air strike ka. Lekin sabse majedaar idea dete hai Indian Army ke Chief. vo kehte hai ki,” kyun na hum apne special forces ko bhejkar Mohmmad Hassan ko kidnap kar liya jaaye or uske badle apne hostages ko chudva liya jaaye?”. Lekin Prime minister in sabhi ideas ke liye mna kar dete hai. Prime minister iss hostage rescue ko RAW ke hawaale karte hai or Shenoy ko us plane mein mojood sabhi 370 logon ko sahi salaamat India vaapas laane ki jimmedari dete hai.
To kya Shenoy iss jimmedari ko poora kar paayenge ? Kaun dega iss rescue mission ko anjaam ? Jaanenge iss blog ke agle part mein.
