kahani mai Shiva psychiatrist ke pass jakar pata karta hai ki Jai apni biwi ka nahi balki apna khud ka ilaaj karwa raha hai. Jail mai naye kaidi Raghu ki entry hoti hai. Raat ka andhera hai or ek parchayi Raghu par padti hai or kehti hai, “Utho, aaj tum uss ladki se apna badla loge.” Raghu uthta hai toh dekhta hai ki jail ka darwaaza khula huya hai or uske saamne koi bhi nahi hai. Uski nazar saamne rakhe Table par padti hai. Table par ek chaaku Or rassi rakhi hai. Raghu jail ke bahar aata hai or dono hi cheeze lekar bahar chala jata hai. Agle scene mai Raghu Ek ghar ke saamne pahuchta hai. Ye usi ladki Renu ka ghar hai jisne use reject kar diya tha. Raghu ghar ke andar jata hai. Renu kamre mai akele so rahi hai. Raghu uske pass jata hai or dheere se kehta hai, “Tu mujhe reject karegi? Aaj tujhe iss duniya se humesha ke liye reject kar deta hu.” Idhar Raat ke andhere mai Jai ki sachhai ka pata lagane ke liye inspector Shiva Jai ke ghar pahuchta hai. Hall mai pahuchte hi Shiva dekhta hai ki Jai ke bedroom mai taala laga hai. Shiva kehta hai, “Lagta hai dono pati patni bahar gaye hain.” Vo hall mai rakha cupboard kholta hai. Cupboard mai Ek album ke sath kai saari files rakhi hain. “Oho shadi ka album. Hmmm, khoobsurat toh hai jailer ki biwi.” Shiva ki nazar Jai ki medical files par padti hai. Jisme pichle 5 saalo ka record hai. Shiva unn files ke sabhi pages ko dhyan se dekhta hai. “Ohh, toh iss Jailer ko kaafi zyda dimagi pareshaani hai. Kahin yahi toh Khoon nahi karwa raha hai?” Tabhi main door khulne ki aawaz aati hai. Shiva sofe ke piche chip jata hai. Or Jai ghar ke andar aata hai. Shiva apne man mai sochta hai, “Are ye kya? Ye akele hi? Iski biwi kahan hai?” Jai apne bedroom ka taala kholta hai or kehta hai, “Sorry jaan, aaj aane mai late ho gaya. Vo kya hai na ek kaidi jail se bhaag gaya hai. Toh inhi sab mai late ho gaya. Tumhe bhook lagi hogi na? main khana lagata hu.” Jai kitchen mai jakar freeze mai rakha khana garam karne lagta hai. Shiva sochta hai, “Isne itni deir se apni biwi ko kamre mai band kar rakha tha? Lekin andar se koi aawaz kyu nahi aayi? Ho na ho ye Jail ek bahut bada mastermind hai.” Shiva chupke se ghar ke bahar nikal jata hai.
Agle scene mai Raghu police custody mai hai. Shiva police station pahuchta hai. Jahan Rama or Punnu pehle se hi maujood hain. Shiva ke andar aate hi Rama kehta hai, “Sir, ye hai vo khooni jisne kal raat Renu ka khoon kar diya. Or ab khud surrender karne aa gaya.” Shiva kehta hai, “Ise toh Jai wale jail mai bheja gaya tha na? Aee, bata vahan kya kya huya? Varna tujhe abhi third degree deta hu.” Raghu darte huye Shiva ko puri baat batata hai. Shiva kehta hai, “In sab khoon ke taar Jail se hi jude hain.” Raat ho jati hai. Jail mai chaaron taraf sannata chaya huya hai. Tabhi Jail ki deewar par vahi Parchayi padti hai. Vo parchayi kehti hai, “Itni deir ho gayi lekin ab tak vo Raghu kyu nahi aaya? Agar vo nahi mara toh meri asliyat sabke saamne aa jayegi.” Agle din subah Jai Shiva ke police station pahuchta hai. Shiva Jai ko dekhta hai or kehta hai, “Oh aaiye Jailer Sahab.” Jai kehta hai, “Haa actually vo mujhe Raghu ke bare mai pata karna tha. Vo jo meri Jail se bhaag gaya tha.” Shiva Jai ko dekhte huye kehta hai, “Ab vo khud bhaaga ya kisi ne use bhagaya vo toh pata nahi. Lekin ab vo iss duniya mai nahi hai. Apni Lover ko maarne ke baad uski dimagi haalat iss kadar kharab ho gayi ki usne khud ko bhi Chaaku maar liya.” Shiva jab ye sab kuch Jai ko batata hai toh ek baat notice karta hai ki Jai ke chehre par uss waqt ek alag hi khushi dikhayi deti hai. Jai vahan se bahar aata hai toh use ek baar phir Samira dikhayi deti hai.
