Ria yaani pooja hegde apni friend maya yaani Palak Tiwari ki shaadi mein aa rahi hoti hai. Ria ek aisi ladki hoti hai, jo zindagi ko khul ke jine mein Vishwas rakhti hai. Uske liye uski aur logo ki khushiya jaruri hoti hoti hai, ab chahe uske liye use jhoot bolna pade yaa phir sach, use us chij se koi farak nhi padta.
Ria ka bachpan se hi ek sapna hai ki, use jis ladke se pyaar ho, wo koi siddha sadha insaan na ho balki ek rowdy kisam ka insaan ho, jo ladai aur maar pit se kabhi na darre aur Ria apni zindagi mein ek aise hi insaan ka intezaar kar rahi hoti hai.
Bus ab Maya ke ghar ke pass aa chuki thi. Jahan bus stop pe Maya Ria ka wait kar rahi hoti hai. Dono hi Saheliya ek dusre ko dekh ke bahut khush ho jaati hai. Maya Ria ko apne ghar le jaati hai, Maya sab ke saath Ria ko introduce karati hai, jinmein se ek insaan hota hai bunty yaani Varun sharma.
Bunty jese hi Ria ko dekhta hai use aisa lagta hai ki, Ria hi sahi Jeevan saathi ban sakti hai, wo bhi bhaijaan ki. Ab bunty ka iss tarah se sochne ka bhi ek karan hota hai, kyuki jahan tak bhaijaan yaani salman khan ke nature ka sawaal tha, to wo khud ko bahut reserve rakhte the aur logo se kam hi baat karte the aur bhaijaan ka swabhav ekdam shant tha. Wahi dusri taraf Ria jahan bhi jaati, logo ke bich jaake ghulmil jaati aur apne aas pass ke sabhi logo ko khush rakhti hai.
Bunty ka ye sochna kuch hadd tak galat nhi tha kyuki wo apne bhai ko khush dekhna chahata tha. lekin bunty is khabar se anjaan tha, ki Ria ke sapne kuch aur hi the. Jahan bunty ab bhaijaan aur Ria dono ko ek dusre ke samne laane ke liye ek romantic tarike se planning karta hai.
Bunty ka ye plan successful ho jata hai, Jiski wajah se Ria aur Bhaijaan dono hi ek dusre ko dekh ke ek dusre ko pasand karte hai. lekin Ria ab test lena chahti hai ki, kya Bhaijaan sach mein wahi hai jiska intezaar wo ab tak kar rahi hai.
Ria ek aisi situation banati hai, jismein gunde use chede aur agar us waqt Bhaijaan use bachata hai aur gunndo se uske liye ladai karta hai toh wo rowdy waale test mein
pass ho jayega. Wahin in sabhi baato se anjaan Bhaijaan apne kaam ke liye ghar se nikalta hai.
Jahan dusri taraf bunty bhaijaan ke saath jaane wala hota hai, lekin bunty time se nhi aata toh bhaijaan use chod ke akele chala jata hai aur bunty bhagte bhagte bhaijaan ke piche jaata hai. Wahi bunty ki nazar jaati hai Ria pe aur wo dekhta hai ki, Ria ko gunde pareshan kar rahe hai. jiske baad wo un gundo ki pitai karta hai aur ye dekh ke Ria ko Bunty pe gussa aata hai aur wo bunty se keheti hai, “Mein chahti thi ki mujhe Bhaijaan bachaye, ye uske liye ek test tha ki wo mere sapno ka raja sach mein hai yaa nhi? Par teri wajah se mein ye baat nhi jaan payi, YOU IDIOT”.
Ye sunte hi bunty keheta hai, “kya aap bhai ko pasand karti ho?” aur Ria haa mein jawab deti hai, fir keheti hai, “lekin ab mujhe doubt hai ki wo mera prince charming hai bhi ya nhi”. itna keh ke Ria waha se chali jaati hai aur bunty tension mein aa jata hai ki ab wo kya kare ki Bhaijaan aur Ria dono kareeb aaye.
To Kya Ria ko pata chalega ek gehra raaz? Kya Bunty ka sapna rahega adhoora? Aage ki kahani janne ke liye apko thoda wait karna hoga.
To be continued in part 2
Description
Kisi ka Bhai Kisi ki Jaan is upcoming film of Salman khan in which we will see Pooja hegde, palak Tiwari, Siddharth nigam, Raghav juyal and south fame Venkatesh. Salman khans this film will be soon released for the actor has grown long hair.
Kiran Yadav
