Bharat mai drugs se jude dhandhon ne toh kaafi baad mai peir failana shuru kiya tha. Lekin Videshi drugs dealers mai ek naam aisa bhi shamil tha jisne drugs ko laane or le jane ke liye American soldiers ko apna nishana banaya. Uska naam tha Frank Lucas. Frank Lucas ka janam saal 1930 mai huya tha. Ye vahi saal tha jab bharat mai aazaadi ke liye logo ne British sarkaar ke naak mai dam karna shuru kar diya tha. Frank bachapan se hi ek aam ladka raha. Uska ghar ek aisi jagah basa huya tha, jahan sabhi gunde badmash rahte the. Parivaar ki haalat ko dekhte huye Frank ne unki madad karne ki sochi Or raasta apnaya chhote mote aparaadhon ko. Vo kabhi khana chura kar lata toh kabhi sharaabiyon ko jeb se paise chuka kar. Or Bade hone par dukaan par naukari karne laga. Lekin tab tak Frank ko chhori ki buri aadat lag chuki thi or usne iss kaam ko jaari rakha. Ek din Frank apni dukaan mai kaam kar raha tha. Uss waqt dukaan ka maalik vahan maujood nahi tha. Isi baat ka fayda uthate huye Frank ne dukaan se 400 dollar ki chhori ki. Jab maalik wapas lauta toh use paise gayab mile. Or pura shaq gaya Frank par. Gussaye Frank ne ek pipe uthayi or apne maalik ke sar par de maari. Or vahan se bhaag nikalna. Niklte niklte Frank ne uss dukaan mai aag laga di. Frank jab apne ghar pahucha toh apne bete ki aisi haalat dekh kar uski maa ne usase sawal poochne shuru kar diye. Or Frank ne sab kuch apni maa ko bata diya. Police Frank ko pakad na le, iss darr ne uski maa ne use New York bhej diya.
New York pahuch kar Frank ko rahne or khane pine mai kaafi dikkat aane lagi. Apna guzara karne ke liye usne chhori mai mile paison se driving sikhi or ek gangster ki car chalane laga. Iss gangster ka naam tha Johnson. Jo uss waqt ka sabse bada Gangster tha. Isi ke sath sath Johnson drug dealing ka kaam bhi karta tha. Kaam karte karte Johnson Frank ko bahut pasand karne laga. Or yahi ek wajah thi ki usne Frank ko drugs ki duniya se jude saare दावपेच और पैंतरे sikhana shuru kar diya. Ek din 2 guton(गुटों) ki ladai huyi. Or ladai itni zyda badh gayi ki Johnson ne uss ladai mai apni jaan gawa di. Ab Frank ke pass acha mauka tha ki vo Johnson ki jagah le le. Or usne aisa hi kiya. Frank drug dealing ki duniya ka baadshah banna chahta tha. Dheere dheere Frank ne drugs ko New York ki galiyon mai bechna shuru kar diya. Or apne raaste mai aane wale mediators ka khoon karta gaya. America mai ab Drugs or Gangster ki laashein dikhna aam baat ho gayi thi. Kuch waqt ke baad hi Frank ne drugs ki duniya par kabza kar liya.
Baat un dino ki hai jab America or Vietnam ke beech ladai chal rahi thi or drugs supply puri tarah band ho chuki thi. Frank Thailand gaya or usne vahan se sabse mashhoor ‘Blue Magic’ drugs ka sauda kiya. Lekin sabse badi dikkat ye thi vo use America kaise layega. Ye drugs market mai aasani se bik jati thi. Isliye Frank ise chhodne ko taiyaar nahi tha. Ladai ka fayda uthaye huye Frank ne corrupt officers ko apne jaal mai fasa liya or sainikon ki dead bodies ke sath drugs ko New York pahuchaane laga. Police ko iss par shaq bhi nahi huya kyunki Un taabuton(ताबूतों) ki checking nahi hoti thi. Ab America mai iss drugs ka shikaar bacche bhi hone lage the. Or ye police ke liye sabse bada sardard ban gaya. Police ne Drugs dealers ko pakadna shuru kiya or dheere dheere Frank ka naam saamne aata gaya. Police ne Frank ke ghar chapa mara jahan se unhe karodon rupaye or drugs mile. Saal 1975 mai Frank par bacchon ke murder cases ke charge lage. Or use 70 saal ki saza mili. Lekin Frank ne yahan bhi apna dimag lagaya or sabhi drugs Mafiayon ki information dene ke badle apne rihaai ki shart rakhi. Police ne shart maani or Frank ki information sahi nikali. Ab America mai Drugs ka business chaupat ho chuka tha. Or 7 Saal ki saza ke baad Police ne shart ke mutabik Frank ko riha kar diya.
