Pichle kaafi waqt se Prabhas apni film ‘Salaar’ ke liye charchaon mai hain. Salaar Mai Prabhas ka ek damdaar role dekhne ko milne wala hai. Sources ki maane toh ye film 70 or 80 ke dashak ki kahani batati nazar aayegi. Film mai Prabhas ke alawa Shruti Haasan, Jagapathi Babu, Prithviraj Sukumaran jaise actors shamil honge. Kahani ki shuruaat hoti hai 1970 ke shuruaat dino se. Jahan ab bhi Hindustan mai kacche maal or dusre zaruri samaano ke import or export ke liye samudra ko apna aadhaar banaya tha. Isi samudri raaste se videsh se kai saamaan Hindustan aate toh kai Hindustan ke bahar jate the. Lekin iske beech hi ek kahani bahut famous hai ki raat ke andhere ke baad agar koi jahaaz(जहाज़)samudra mai ghoomta huya mil jata tha, toh use samudri Lootere loot lete the. Uske baad na toh kabhi uss jahaaz ka pata chalta tha, Or na hi usme maujood aadmi ka. Bandargaah (बन्दरगाह) se kuch hi door ek gaon hai. Jahan ke log apne zindagi ko chalane ke liye Bandargaah par aane wale samaano ko jahaaz par chadhaate or utaarte hain. Or iss kaam mai kai chhote chhote bacche bhi shamil the. Jisme ek hai Raja. “Raja… raja..?” Raja yani Aryan Talla ki maa Kasturi yani Easwari Rao use aawaz lagati hai. Kasturi Raja ko pure gaon mai khoj leti hai lekin uska kahin bhi ata pata nahi hai. Tabhi Kasturi ko ek chhota sa baccha aata dikhayi deta hai. Kasturi uss se poochti hai, “Aee chagan, tumne kahin Raja ko dekha hai kya?” Chagan kehta hai, “Haa vo bade wale Jahaaz ke pass hai.” Kasturi Jahaaz ka naam sunte hi ghabara jati hai. Or daudte bhaagte Bandargaah pahuchti hai. Jahan Raja ek line mai laga huya hai. Bandargaah ka maalik Raja ko uski majdoori deta hai. Raja ki nazar Kasturi par padti hai. Raja uske pass aakar kehta hai, “Maa dekho, mujhe yahan se kitne saare paise mile hain.” Gussai Kasturi use ek tamacha maar deti hai or ghaseet’te huye ghar le laati hai.
Agle scene mai Ghar ke andar mitti ke tel ka diya jal raha hai. Kasturi kehti hai, “or kitni baar mana karu main tujhe uss Bandargaah par jane se? Tujhe ek baar mai toh koi baat samjh hi nahi aati hai.” Raja rote huye kehta hai, “tumne toh kaha tha ki Samudra mai bhoot rehta hai. Lekin wahan toh itne log kaam karte hain or paisa kamaate hain. Unhe toh aaj tak kuch nahi huya. Phir mujhe kaise kuch ho jayega?” Kasturi kehti hai, “Sach mai vahan ek bhoot hai jisne aaj tak naa jane kitne logo ko apna shikaar banaya hai.” Raja Kasturi ko jeb mai rakhe paise deta hai or kehta hai, “Main dekh raha tha maa, itne din tum bacha huya khana mujhe khila de rahi thi. Lekin khud kuch nahi khaya. Aaj in paison se hum bhar peit khana khayenge.” Kasturi uski baate sun kar rone lagti hai. Agle scene mai Maa or bete dono baith kar khana kha rahe hain. Raja kehta hai, “Maa, tumne kaha tha ki papa samudra ke Raja the. Toh vo abhi tak Samudra mai kya kar rahe hain?” Raja ki baat sun kar Kasturi soch mai doob jati hai. Or yahan kahani apne flashback mai jati hai. Jahan Kasturi Sehar ke sabse bade Bandargaah ke maalik Sunil Iyer yani Satyaraj ki patni hai. Kasturi Sunil se kehti hai, “Pados wali Didi bata rahi thi ki samudra mai aaj kal bahut Lootere ghoom rahe hain. jo logo ko jaan se maar dete hain.” Sunil taiyaar hote huye kehta hai, “Haa aisa ho to raha hai, lekin kya kiya ja sakta hai, import export bhi karna hai. Varna humare desh ko zarurat ka saamaan kaise milega?” Kasturi ko pareshan dekh Sunil kehta hai, “Aree, tum tension kyu leti ho? Mujhe kuch nahi hoga. Or vaise bhi humara baccha iss duniya mai aane wala hai toh tum apna dhyan rakho.” Aisa keh kar Sunil bahar chala jata hai.
Raat ke 8 baj chuke hain. Lekin Ab tak Sunil ghar nahi lauta hai. Kasturi baar baar kabhi khidki ki or ja rahi thi toh kabhi darwaaze par. Tabhi 3-4 aadmi uske ghar aate hain.