Kahani ki shuruaat hoti hai saal 1653 se, hum dekhte hai ki do 11-12 saal ke ladke apni maa ke saath apne ghar ke bahar khel rahe hote hai. 11 saal ka beta apni maa ko ek locket deta hai, uski maa kehti hai ki vo ye necklace humesha apne pass sambhaal kar rakhegi. Iske baad vo ladka Ghar ke andar chala jaata hai, or jab vo 5 minutes baad dobara bahar aata hai to use koii bhi dikhayi nhi deta hai. Or jab vo apni maa ko dhoondhne lagta hai, to vo dekhta hai ki uski maa ne uske bhai ko ghar ke pass Wale talaab mein dubaake maar diya hota hai. Ye dekhkar vo ladka darr jaata hai, or vahan se bhaagne lagta hai. Lekin uski maa use pakad leti hai, or use bhi dubakar maar deti hai.
Kahani jaati hai 300 saal aage yaani ki saal 1953 mein, jahan hum ek ghar ko dekhte hai. Jahan par Anna ( Sushmita Sen ) naam ki ek lady apne do bachcho Abraham ( Vidhaan Sharma ) aur Mary ( Aura Bhatnagar ) ke saath rehti hai. Anna ke husband ki death pehle hi ho chuki hoti hai, vo akele hi apne dono bachcho ko paalti hai. Anna Social Services ke Child Safety department mein kaam karti hai. Ek din Anna ke pass ek call aati hai jisme use bataya jaata hai ki, Divya ( Swara Bhaskar ) naam ki ek lady ne apne hi do bachcho ko room mein band karke rakha hota hai. Call cut hone ke baad, Anna ek policeman ke saath Divya ke ghar jaati hai. Lekin Divya sirf Anna ko hi apne ghar mein ghusne deti hai, jab Anna ghar mein andar jaati ho to use kahi bhi Divya ke bachche dikhayi nhi dete hai. Anna ke poochne par Divya kehti hai ki uske bachche safe hai, thodi der baad Anna ko ek room dikhta hai. Jab Anna us room ko kholne kaa rahi hoti hai, tabhi Divya uske upar hamlaa kar deti hai. Isse pehle ki Divya Anna ko maarti, vo policeman aakar Anna ko bacha leta hai or Divya ko pakadkar bahar le jaata hai. Jab Anna us room ka darwaja kholti hai to vo dekhti hai ki us room mein do bachche hai or vo bohot dare huye hai. Anna un dono bachcho se bahar aane ke liye kehti hai, lekin vo bachche kehte hai darwaja band kardo varna vo humein maar degi. Anna ko kuch bhi samajh mein nhi aata hai, or vo un dono bachcho ko child care center le jaati hai.
Child care center mein Anna dekhi hai ki dono bachcho ki kalaai par jalne ke nishaan hote hai. Anna ke poochne par vo bachche batate hai ki ye us white dress wali lady ne kiya hai, jiska naam Padma hai. Anna iss baat ko seriously nhi leti hai, or apne ghar chali jaati hai. Raat ko Hum dekhte hai ki vo dono bachche neend mein chal rahe hote hai, tabhi unhe white dress wali lady dikhaayi deti jo unpar hamlaa kar deti hai. Aadhi raat ko Anna ke pass call aata hai, or use bataya jaata hai ki kisi ne un dono bachcho ko maar diya hai. Anna jaldi se apne dono bachcho ke saath crime scene par pahunchti hai, or vo apne dono bachcho ko car mein hi baithe rehne ko kehti hai. Anna ye baat jaankar kaafi shock ho jaati hai ki un dono bachcho ki maut doobne se hui hai. Tabhi vahan par Divya bhi aa jaati hai, vo apne bachcho ki maut ka poora ilzaam Anna par lagati hai. Divya Anna se kehti hai ki “agar Tum uske bachcho ko uske ghar se nhi laayi hoti to vo abhi jinda hote, shrap ko khatam hone mein sirf ek hi din bachaa tha”. Anna poochti kaisa shrap, tumhare bachcho ko kisne maara hai ? Divya jawaab deti hai “Padma”, or isi ke saath police Divya ko vaapas le jaati hai.
Idhar hum Abraham aur Mary ko dekhte hai, jo car mein baithe hote hai. Bohot der tak unki maa nhi lauti hoti hai to Mary unhe bulaane ke liye car se bahar nikalti hai. Car se thodi dur jaane par Mary ko kisike rone ki awaaj aati hai, vo us awaaj ke peeche jaati hai.
Kiske rone ki awaaj aa rahi hai Mary ko ? Kisne maara Divya ke bachcho ko ? Jaanenge iss video ke agle part mein.
( To be continued…. Part 1 )
