Saari pavitra cheejo ko poore ghar mein jagah jagah rakhne ke baad, John ( Rabindra Nath Zutsi ) Peepal ke ped ( पेड़ ) ki mitti ko pavitra karta hai. Padma ( Flora Saini ) ko bulaane se pehle John ne Anna ( Sushmita Sen ) ke dono bachcho Mary ( Aura Bhatnagar ) aur Abraham ( Vidhaan Sharma ) ko ek jagah baitha diya hota hai, or unke chaaro taraf pavitra candles jala di hoti hai taaki Padma un bachcho ko koii bhi nuksaan na pahuncha paaye. Iske baad John Padma ko awaaj deta hai, tabhi achaanak se ghar ka gate khulta hai or ek tej hawa ka jhoka ghar ke andar ghus jaata hai. Us tej hawa ke jhoke ki vajah se bachcho ke chaaro taraf rakhi saari candles bhuj jaati hai, Padma ghar ke andar aa chuki hoti hai. Or vo Mary ke upar hamlaa karne lagti hai, lekin tabhi John uske upar peepal ke ped ki pavitra mitti Padma ke upar fenkta hai jisse vo jalne lagti hai. Or Ghar ke bahar chali jaati hai, Padma jaise hi ghar se bahar jaati hai vaise hi John Peepal ke ped ki pavitra mitti se ghar ke main gate par line bana deta hai taaki Padma ghar ke andar na aa sake. Darasal, aaj se 300 saal pehle jab Padma ne apne bachcho ko jis jheel ke kinaare maara tha, to vahan par ek peepal ka ped bhi mojood tha. Vo peepal ka ped Padma ke gunaho ka iklota gavaah hota hai, isliye Padma us ped ki mitti ko cross nhi kar sakti.
John aur Anna jaldi se ghar ke saare darvaaje or khidkiya band karte hai, Mary bhi unke peeche peeche jaati hai. Lekin Abraham abhi bhi vahi par hota hai jahan par peepal ke ped ki pavitra mitti ki line hoti hai. Vo dekhta hai ki peepal ke ped ki pavitra mitti ki line ke doosri taraf uska khilona gira hua hai, or vo us khilone ko uthaane ki koshish karti hai. Khilona uthaane ki koshish mein Abraham se galti se vo line toot jaati hai, jiske baad Padma ghar mein ghus aati hai or Abraham ko pakad leti hai or use maarne ki koshish karti hai. Anna apne bete ko bachaane ki koshish karti hai, lekin Padma use bhi maarne lagti hai. Isse pehle ki Padma in dono ko maar paati vahan par John aa jaata hai or vo Padma ke upar peepal ke ped ki pavitra mitti fenk deta hai, jiske baad Padma ko vahan se jaana padta hai. Isi beech jab Anna apne haath mein dekhti hai, to uske hath mein Padma ka vahi necklace hota hai jo 300 saal pehle use uske bete ne diya tha. Ab Anna aur John bachcho ko lekar ghar ke andar aa jaate hai, lekin hum dekhte hai ki Abraham ab poori tarah se Padma ke Vash mein hota hai. Abraham baar baar Padma ke pass jaane ki koshish karta hai, isliye Anna Mary aur Abraham ko store room mein band kar deti hai. John aur Anna ghar ke darwaaje par firse mitti ki line bana dete hai.
Tabhi hum dekhte hai ki Divya ( Swara Bhaskar ) peeche ke darwaje se ghar mein ghus aati hai, or vo chupke se store room se dono bachcho ko bahar nikaal leti hai. Divya ko lagta hai ki agar vo Padma ko Anna ke bachche de degi, to badle mein Padma uske bachche use lauta degi. Darasal, Divya apne bachcho ko khone ke dukh mein mentally unstable ho chuki hoti hai. Divya un dono bachcho ko lekar ghar se bahar jaane lagti hai, tabhi vahan par John aur Anna pahuch jaate hai. John Divya se esa karne ke liye mna karta hai, lekin Divya kisi ki bhi baat nhi sunti hai. Or vo apni gun se John ko shoot kar deti hai, jisse John jakhmi ho jaata hai. Divya apni gun ki madad se Anna ko store room mein band kar deti hai. Iske baad Divya mitti se bani line ko mita deti hai, jiske baad Padma ekbaar firse ghar ke andar aa jaati hai. Mary aur Abraham bhaagte huye ek room mein chale jaate hai, tabhi unke saamne Padma aa jaati hai. Abraham ke haath mein Padma ka necklace hota hai, vo us necklace ko Padma ko dikhata hai. Jise dekhkar Padma ko apne bete ki yaad aane lagti hai, or vo Abraham ko apna beta samajhne lagti hai or use apne gale laga leti hai.
Doosri taraf, Divya ko bhi samajh mein aa jaata hai ki usse galti hui hai, or Padma kabhi bhi uske bachcho ko vaapas nhi laayegi. Isliye vo Anna ko store room se bahar nikaal deti hai. Anna jaldi se John ke pass jaati hai, John Anna ko peepal ki lakdi se bana ek pavitra cross deta hai. Anna bhaagti hui apne bachcho ke pass jaati hai or vo us cross ko Padma ki chaati mein ghused deti hai, jisse Padma jal kar bhasm ho jaati hai. Or is tarah Anna apne bachcho ko bacha leti hai or isi ke saath ye kahani yhi par end hoti hai.
