1941 me janm liye Kashmir Singh ek bhartiya jasoos the, jinhone saal 1962 se 1966 tak apni servicing Indian Army me di. Uske baad unhone apna rukh Indian Intelligence Agency ki taraf kiya. Kashmir Singh ko 400 repayo ki salary par as a spy recruit kiya gaya. Kashmir Singh ne khud ko Ibrahim me badal kar padosi mulk Pakistan me enter kiya.
Kashmir Singh Bharat ke Hoshyiyarpur gaaon ke rehne waale the, Jinhone 1971 me desh ke liye apna rukh Pakistan ki oor kiya tha.
Pakistan me apni taraf se puri koshish karne ke bawajood Ibrahim a.k.a Kashmir Singh ko Pakistani Army dwara giraftaar kar liya gaya. Kashmir Singh ke pariwaar me unki wife Paramjeet Kaur ke alawa unke 3 bacche the, jo 10 saal ki umar se bhi kam the. Kashmir Singh ko jab Pakistani Intelligence agency ne pakda toh unhe court dwara faansi ki saza di gayi. Halanki baad me Kashmir Singh ki saza umarkaid me badal di gayi. Unhone apni puri zindagi toh nahi par, 35 saal Pakistan ki jail me jarur guzaare jaha unke saath bahut bura bartaav kiya gaya. Kashmir Singh ko jail me 3rd degree dekar torture kiya jaata tha, jisme kaidi ko alag alag tarah ki equipment se tang kiya jaata tha taaki woh apne gunaah kabool karle.
Jail me Kashmir Singh ki haalat kaafi khraab hoti jaa rahi thi. Aisa lag raha tha jaise woh Pakistan me har din marr rahe the, lekin tab bhi unki madad ke liye kisi ne bhi aage aane ka nahi socha. Unhe kayi dino tak naa hi khaana diya jaata tha aur naa hi medical treatment. Inn sab ko Kashmir Singh ne sirf desh ke khaatir akele jhela. 17 saalon tak unke 7 jail badle gaye. Kashmir Singh ki wife ke anusaar unhone Kashmir Singh ki waapasi ki saari umeedein hi chod di thi.
Dusri taraf, apni waapasi ke baad diye ek interview me Kashmir Singh ne khulasa kiya tha, ki “Pakistan kuch bhi sunne ko taiyaar nahi tha. Woh mere dono haatho aur pairon ko baand, mujhe 2 ghanto tak peet’te(पीटते) the. Bharatiya kaidiyon ki haalat waha pe kaafi khraab thi. Kuch logon ko toh andhere cell me rakha jaata tha jaha pe sirf 2×2 meter ki light jaa paati thi. iske alawa unki cell puri tarah se soundless thi. Kitno ko toh electric shock tak diya jaata tha. Yeh issiliye hota tha kyunki Pakistaniyon ke paas Bharatiya kaidiyon ko torture karne ka pura adhikaar tha.”
Kashmir Singh ki yeh kahani unki Pakistan ki jail me beeti,l narak(hell) se bhari zindagi ko acche se बयां karti hai.
Halanki poore 35 saal jail me bitaane ke baad Kashmir Singh ko 2008 me Pakistan dwara riha kar diya gaya. Kaha jaata hai ki, “Human Rights Minister Ansar Burney, Jab Lahore ki jail ke daure pe the, toh unki nazar Kashmir Singh pe padi jinki kharaab haalat ko dekh Ansar Burney hairaan reh gaye the. Burney ke anusaar Kashmir Singh jail me dard jhelne ki wajah se dimaagi taur se disabled ho gaye the. Burney ne Kashmir Singh ki condition ko tab ke Pakistani President rahe Parvez Musharaff ke saamne rakha, jiske baad Pakistan ne Kashmir Singh ko riha karne ka faisla kiya. Unki रिहाई ke baad Wagha border pe maujood logon ke beech sab se aage unki wife Paramjeet Kaur aur unke teen bacche khade the. Kashmir Singh ke do bete aur ek beti hai. Apne desh waapasi ke baad Kashmir Singh ne sab ke saamne kabool kiya ki woh Bhartiya jasoos the. Wahi unhone yeh bhi kaboola ki unki jail hone ke baad, Sarkaar ne unke pariwaar pe ek rupaya kharch karne ka bhi nahi socha, jiske liye woh dukhi the. Toh yeh thi Kashmir Singh ki kahani jo philhaal 81 saal ke hai. Wahi inki kahani aaj bhi logon ko inspire karti hai.
Blog pasand aaye toh like karna naa bhule
dhanyawaad.
Cast:-
Kashmir Singh:- Amir Khan
Paramjeet Kaur:- Neeru Bajwa
Ansar Burney:- Neil Nitin Mukesh
