Time Travel sahi hai ya ek rumour, yeh kehna kaafi mushkil hai. Halanki ek app pe, kuch logon ne apni zindagi ki ajeebo gareeb kahani ya experiences saajha kiye hai, jo ki multi universe ka proof deti hai. Ek anonymous user ke mutabik usne apni zindagi me time travel ko witness kiya hai. Toh chaliye jaante hai iss shakhs ki kahani.
Ek User kehta hai ki “Yeh tab ki baat hai jab mai sirf 16 saal ka tha. mai ek aam ladke ki tarah hi tha, jo computer pe apna jyada samay bitata tha. Halanki mere bahut saare dost bhi the. chahe woh popular ho ya phir padhaaku. Wahi Yeh sab tab shuru hua jab mai apne padhaaku dost se mila. Mai usse Gavin (गाविन) bula raha hu. Gavin aur mai acche dost banne lage the, kyunki hum dono ka interest same tha. Gavin jaha socially thoda awkward tha, wahi woh online baat karne me kaafi cool tha. Gavin genius ladka tha jiska IQ jaha tak mujhe yaad hai, 180 ke aas paas tha. Maine bhi wahi IQ test diya tha, jo Gavin ne diya tha. lekin mera IQ sirf 103 tha, jo Gavin ke genius mind ko prove karta hai. Acche dost banne ke baad Gavin aur mai humesha ek dusre ke ghar aate jaate rehte the. Hum ek saath videos dekhte the, games khelte the aur kaafi maze karte the. Gavin kaafi mezedaar ladka tha, jiske saath rehne me kaafi maza aata tha aur issi wajah se woh jald hi mera best friend ban gaya. Ek din maine uske ghar bina bataye jaane ka socha. mujhe pata hai yeh manners ke khilaaf hai, par mai uss wakt ek teenager hi tha aur mujhe laga ki ab hum kyunki acche dost ban gaye hai, toh bina bataye jane me kisi ko koi dikkat nahi hogi. Maine uske gate pe knock kiya aur ek middle age ke aadmi ne darwaza khola. Uske sir pe kuch safed baal the aur beard bhi thi. Mujhe laga woh aadmi Gavin ke pita hai kyunki dono ki shakal kaafi mil rahi thi. Par phir mujhe yaad aaya ki Gavin ke toh pita hai hi nahi. Tab mujhe laga ki shayad woh Gavin ke relative hai. Maine unse pucha ki “kya Gavin ghar pe hai?” iss sawaal pe woh aadmi hasne laga aur kaha, ki “mai hi Gavin hu”. mujhe yeh sab bahut ajeeb laga. Maine socha shaayad yeh ek coincidence hai. yaa phir Gavin ka naam uske uncle pe rakha gaya hai. Maine uss aadmi ko samjhaane ki koshish ki mai, Gavin naam ke ek 16 saal ke ladke ko doondh raha hu. Maine Gavin ko uss aadmi ke saamne describe bhi kiya, jise sunne ke baad woh aadmi thoda hesitate karne laga aur usne kaha ki “Gavin abhi ghar pe nahi hai.” Maine unse bina koi personal sawaal kiye bus yeh pucha ki “aakhir Gavin ghar kab waapas aayega?” Jispe uss aadmi ne mujhe ek time diya. Mai jab uss time pe Gavin ke ghar gaya, toh 16 saal ke Gavin ne darwaza khola. Maine Gavin ko bataya ki mai uske ghar thodi der pehle aaya tha jab uske relative the . Gavin ne mujhe batya ki uska koi aisa relative nahi hai jiska naam bhi “Gavin” hai. Yaha tak ki usne yeh bhi kaha ki jis wakt pe mai 40 saal ke Gavin se mila, uss wakt pe woh yaani ki 16 saal ka Gavin ghar pe hi tha. Hum dono ko ab yeh baat bahut ajeeb lagne lagi. Humare paas koi jawaab nahi tha siwaaye “Time travel” ke.
Mai abhi bhi Gavin ke contact me hu jo philhaal Quantum Mechanics ki padhai kar raha hai. Humne abhi tak yeh kahani humare aas-paas ke logon ko nahi batayi hai”.
To apka kya kehna hai iss ajeeb kahani ko lekar? Aap ne experience kiya hai kuch eisa? Bataye apni apni raay!
Cast:-
Gavin:- Namit Shah
Narrator:- Siddharth Thakkar
