Technology kitni advance hui hai iss baat ka andaza hum apni lifestyle ko dekh kar araam se laga sakte hai. Wahi badhti technology ke saath hi hume har din nayi innovation ki khabarein milti rehti hai aur kuch aisa hi ab hume oodne waali gaadi dene waali hai. Ji haa! Humne oodne waali gaadi ko toh sirf filmon me ya animated shows me hi dekha hai, lekin ab yeh jald hi reality banne jaa rahi hai. Dutch company PAL-V dwara nirmit iss gaadi ka naam “Liberty” hai. Iss gaadi ko lekar Netherlands based company ne apna pehla showroom America me khol bhi diya hai, jaha se “flying car” ki bikri aur uska pradarshan kiya jaayega aur bahut jald yeh gaadi logon ke beech hogi. Iss gaadi ko chalane ke liye driving license aur Autogyro Pilot license, dono ki jarurat hogi. “Flying car” ne authorized license ke saath hi Europe ke kayi deshon me maanyata prapt kar li hai aur ab bahut jald hi iss gaadi ki pehli udaan, London se Paris ke beech dekhi jaa sakti hai. Jaahir si baat hai iss gaadi ko dekhne ke baad har koi hi hairaan hone waala hai. “Liberty” ki hawa me 180km/per h ki speed hogi jo ki kaafi jyada hai. Apni speed ki wajah se yeh gaadi kaafi jyada shaandaar hogi. “Liberty” hawa aur sadak, dono jagah aaram se safar kar sakti hai. Iss gaadi ko ek mode se dusre mode me jaane ke liye maximum 10 min ka samay lagega. “Liberty” ki waise toh exact price nahi reveal ki gayi hai, lekin kaha jaa raha hai ki iss gaadi ki market value 4.64 cr ke aas-paas hogi. Iss gaadi pe pichle 10 saalon se kaam kiya jaa raha hai. Liberty ki pehli udaan saal 2012 ke March me hui thi. Company tab se iss gaadi me jaruri badlaav laa rahi hai, taaki yeh hawa me udne ke liye stylish aur safe dono ban sake. Company iss gaadi ke liye gyroplane design pe बस(settle)gayi hai. Gyroplane design naa sirf hume ek safe aur asaani se operate hone waali car deta hai, balki yeh manufacturer ko compact, aur maujooda rules ke andar gaadi ka nirmaan karne me bhi unhe saksham banata hai, jo ki ek “flying car” banane ke liye jaruri factor hoti hai. Yeh sab kehna hai Mike Stekelenburg (माइक स्टेकलेनबर्ग) ka, jo PAL-V ke mukhya engineer hai. Unhone kaha ki “liberty” ko oodaane ke liye Gyroplane rating ke saath, pilots ko ek private pilot license ki jarurat hogi. Jab Liberty zameen pe hoti hai uss dauran iske propeller aur rotator ko rok diya jaata hai aur power ko phir wheels pe divert kar diya jaata hai. Iss tarah se “liberty” three wheeled car ki tarah road pe chalne lagti hai. Yeh feature gaadi ko hawa se safely zameen pe land karne aur zameen se smoothly take-off karne me madad karegi. Car me hi gravity का उच्च केंद्र hai, jo ki car ke propeller ko, gravity ke vertical center ke through kaam karne ko kehti hai, jisse “liberty” hawa me bhi stable rehti hai. 2017 me PAL-V ne apni gaadi ki marketing campaign ki shuruat ki, jisme PAL-V ne iss baat ka announcement kiya ki usne apni pehli oodne waali gaadi ko bechne ki shuruat kar di hai. Sadak pe iss gaadi ki maximum speed 99 miles, yaani ki kareeb 160km per hour ki speed hai. Wahi Hawa me yeh gaadi 112 miles ki ho jaati hai. Pal-V ki Liberty series ki pehli gaadi “Pioneer”(पाइयहनीर) ke naam se bechi jaayegi. Yeh gaadi 2 seater hogi. Iss gaadi pe 264 kg tak ka weight load kiya jaa sakta hai. PAL-V Bharat me bhi release hogi. company ne Gujrat sarkaar ke saath bhi MOU sign kar li hai. Aise me kaha jaa raha hai, ki aane waale dino me iss car ka production Bharat me bhi ho sakta hai. Kayi report ke mutabik, Gujrat me jo gaadiyan banengi woh yaha se European deshon me bhi niryaat hogi.
Mr. India 2 me iss tarah ki gaadi ko dekhna darshakon ke liye रोमांच ki baat hogi. Mr. India 2 ke prequel me humne ek घड़ी dekhi thi jo insaan ko gyaab kar deti hai. par kya aapne kabhi yeh socha hai ki tab kya hoga, jab gaayab hone waali ghadi pehan kar Mr. India hawa me oodne waali gaadi ko chalayega? Sabhi ko toh yahi lagega ki yeh gaadi apne aap ood rahi hai, jo apne aap me hi alag mahaul create kar degi. Isse darshakon ko kuch naya experience karne ka bhi mauka milega.
Toh kya aap aisi gaadi Mr. India 2 me dekhna chahte hai? Agar haa? toh hume comment karke jarur bataye. Blog ko aakhir tak dekhne ke liye dhanyawaad.