Natasha Demkina ka naam jitna simple hai utni hi complicated hai uski zindagi. Russia ke Saransk naam ki jagah paida hui yeh mamuli ladki scientists aur researchers ka dimaag kharab kardegi aisa kisi ne socha hi nahi tha. Yeh choti si neeli aankon wali bachi ne ek din apni ma ko kuch aisa bataya tha, jisse normal insaan samjh nahi sakta. Kareeban 10 saal ki umar mein Natasha ko ajeeb se “vision” aane lage. Natasha ne apni maa ko bataya ki woh ek din yunhi ghar par baithi thi, aur achanak se woh apni maa ki body ke andar ki activities jaise khoon ragon mein beh raha hai, kaise pet mein khana digest ho raha hai aur aisi hi baaki cheezein dekh paa rahi thi. Yeh bahut strange tha kyon ki aise toh koi bhi kisi ki body ke andar nahi dekh pata, aur science mein iske liye alag alag aavishkaar bhi kiye gaye hain. X-Ray machines yahi kaam karti hain jinmein logon ke andar ke organs ki jaanch ke liye unhein tests karane padhte hain. Toh phir aisa kaise ho sakta tha ki yeh ladhki uski maa ke body organs ko apni aankhon se hi dekh parahi thi?
Uske baad Natasha ko nazdiki Hospital mein diagnosis ke liye lejana padha. Wahan Natasha ko kayin bachon se milwaya gaya. Uske baad Natasha ne bahut si reports bina test ke hi bilkul sahi de di. Pehle toh Natasha ne ek bache ke pett ke ulcer ki khabar doctors ko di. Natasha yeh sab ek picture banakar karti thi. Baad mein jab doctors ne scientific tarike se jaanch ki, toh yeh ulcer sach mein bache ke pett mein the. Uske baad ek major case mein bhi Natasha ne help ki Jahan usne doctors ke galat diagnosis ka pata lagaya tha. Doctors ne ek lady ko cancer ki patient bataya tha, aur baad mein Natasha ne usse sahi karte hue kaha ki woh bus ek choti cyst hai. Doctors ne jab dobara tissue sample liye, tab Natasha ki baat sahi nikli. Sab dang reh gaye the ki naa sirf Natasha sahi diagnosis kar parahi thi balki sahi pata bhi laga parahi thi ki body ke andar ki cheezein hain kya.
Abb Russia ki khabar UK ke newspaper “The Sun” mein bhi chap gayi thi aur 2004 mein usse UK lejaya gaya. Wahan bhi uss par experiments kiye gaye. Usne ek insaan ke accident ke baare mein sahi diagnosis kar kar sabhi ko chauka diya. Natasha ki kahani sabhi ko interesting lagi aur Discovery Channel se lekar Tokyo Denky University tak sabhi ne usse test kiya.
Natasha “X-Ray Vision Girl” ke naam se jaani jaati hai, jiski guthi abhi tak bhi koi suljha nahi paya hai.
Toh kya pata Krrish 4 mein issi subject par kaam kiya jaaye!
Tab tak bane rahiye Bollygrad Studioz ke saath. Like aur share karna na bhulein inn sabhi bloga ko.

-By Pratima Ratwani.