Smuggler ki duniya ka ek or sitaara Rick Ross, Ross ka janam saal 1960 mein 24 January ko U.S. ke Texas mein hua tha. Inke father ka naam Sonny ross mother ka jaam Annie Mae ross tha. Ross ne bachpan mein hi smuggling ki duniya mein ghus chuka tha or aisa karne ka kaaran uski garibi thi. Ross los Angeles ka bahut hi mashur or naami smuggler tha jisne smuggling ki duniya bahut hi choti umar se dekhi ho. Ross ko sirf apni padhai puri karni thi isliye Ross ne yeh rasta ko chuna. Jab Ross Susan Miller Dorsey High School jo Los Angeles mein hai uske taraf se tennis khelta tha lekin uneducated hone ke kaaran usse scholarship nhi paayi thi. Jo usse padhane ke liye bahut jaruri thi lekin usse wo scholarship nhi paayi thi. Wo bahut hi pareshaan tha or usse kuch samjh bhi nhi aa raha tha ki wo aisa kiya kare jiss se wo padh likh sake. Ross ne bataya tha ki saal 1979 mein ussne paheli baar cocaine ko dekha tha or wo uss waqt bahut hi kam umar ke tha. Jab usne cocaine dekhi toh usse pahele biswas nhi hua or usne bola ki usne aaj tak jitne bhi drugs dekhe hai wo iss se kaafi alag hai.
Aakhir Ross ne smuggling ka kaam shuru hi kar hi diya or iske liye usne aapne school ki teacher se madat li jo los Angeles mein upholstery ke teacher thy, Ross ab apna jada se jada time issi teacher ke sath bitata tha. Sath rehte rehte Ross ko pata chala ki wo teacher drugs ki choti moti Smuggling karta hai or usne Ross ko bhi bola tha ki agar wo iss kaam mein uski madat karega toh wo Ross ko bhi kuch paise dega. Ross bhi dheere dheere kaam ko aache se sikhne laga or mauka milne par usne paisa badhane ke liye uss teacher ko bola lekin teacher ne usse mana kar diya or uske Ross dusre dealer ko dhundne laga jaha usse jada paisa mil sakee. Aakhir kaar usse ek supplier mila jiska naam Ivan Arguellas tha, usne Ross ko wo kimat di smuggling krne ki jo teacher usse nhi de pa raha tha or ab Ross smuggling mein itna aage badh gaya tha ki ab wo deal grams mein nhi ounces mein karta tha. Iske lag bhag 8 mahine baad ek smuggling ke dauran Arguellas ko spine mein goli lag gayi jiske kaaran usse hospitalized hona pada or smuggling ka duniya chorna pada. Usne ye kaam apne brother in law Henry Corrales ko saup diya lekin usse iss kaam mein interest nhi aa raha tha or na hi wo suppliers ke sath connect ho pa raha tha. Lekin ussi bich Nicaraguan exile or cocaine ka dealer Danilo blandon jo Arguellas or Corrales ka pehchan ka tha toh usse Ross ki kaam aachi lagi thi. Blandon ne cocaine Ross ko bechne ke liye Corrales ko boli or usme aane waale profits ka 50-50 baatne ko kaha toh Corrales ne isme koi interest nhi dikhayi. Jis se hua ye ki Ross ab blandon ka direct customer bann gaya or Ross, blandon se hi cocaine khridta or smuggling krta tha. Ab Ross puri tarah se smuggler ban chuka tha or ab wo blandon se cocaine kharid ta or waha ke local daam se bhi kam kaam mein bechta taki jitna ho sake wo bikey or usse profit ho, yaha tak ki wo waha chote mote gang ko bhi cocaine bechta tha , usne ye dawa bhi kiya tha ki wo 454 kg cocaine kharid ta or bech bhi deta tha. Issi bich kaam krte krte uska nickname pada Freeway Rick Ross or aisa isliye kiu ki ab wo amir toh ho hi gaya tha or uske paas abhi Los Angeles mein khud ki sampati bhi thi . Ek magazine ke mutabik saal 1982 se 1987 ke bich ross ne metric tones of cocaine smuggle kar chuka tha.
Usne ye sara kaam khud akele nhi kiya tha usne 1000 se bhi jada employees ke sath apni empire khadi ki or aapne kaam ko anjaam deta gaya, usne sirf los Angeles ke log shaamil nhi thy usne smuggling ke liye or bhi kai logo ko dusre jagah se bula rakha tha jaise ki Texas, Kansas City, Baltimore, St. Louis or bhi saare jagah se. Ross ne apne interview mein ek baar kaha tha ki uski sab se aachi kamai Ohio seher mein hui thi. Saal 1989 november mein smuggling karte waqt Ross, los Angeles ke police ke hantho pakda gaya or usse 10 saal ki saja hui lekin jab Ross ke case ki sunwai hui toh toh usse 4 saal ki saja suun nai gayi. Jail se bahar aate hi Ross ne decide kiya ki ab wo theaters karega or author banega, usne ek outreach kharidi or apni life as a philanthropist start ki. Wo abhi life thik tarike se ji hi raha tha ki phir se Ross ki case ko khola gaya or iss baar gawah tha blandon jo uss waqt Ross ke baare mein sab kuch jaanta tha jisne court mein judge ke saamne sab keh diya or usse phir dusri baar jurm sabit hua or usse 2 March, saal 1995 mein usko umar kaid ki saja di gayi thi, lekin usne uss saja ke dauraan apni padhai puri ki or yahi sab dekhte huye ki usne apna jail ka time aise kata hai toh usse 29 september saal 2009 mein usse chor diya gaya.
Saal 2015 mein Ross ko phir jail bheja gaya kiu ki uske paas abhi bhi smuggling kiya hua ka paisa tha or wo jab traffic police wale ne uski talashi Li thi toh uss ke paas se police ko $100,000 ki rakam mili thi. Lekin ye saari baaton ko Ross ne jhutla diya tha or kaha ki ye saari wo kitaab ke paise hai jo unhone beche hai or unhe bolne ke liye jo paisa milta tha wo hai, itna suun ne ke baad officer ne usse chor diya.
Baat saal 2018 ki hai jab Ross ne rapper Rick Ross jinka real naam William Leonard Roberts II par case kiya tha unka naam chori krne ke liye, Ross ne ye case Los Angeles County Superior Court mein kiya tha. Ross ne iss case ke liye rapper Rick se $10 million compensation maangi thi, lekin court ne iss case ko band kar diya ye bolte huye ki ye California mein start Hui thi toh iski judgement wahi honi chahiye. Case ki sunwai kai baar hui lekin aakhir kaar saal 2013 mein rapper Rick Ross wo case Jeet gaye or court ne unhe wo naam continue rakhne ke liya bola. Abhi abhi ye khabar bhi chapi hai ki saal 2022 mein Rick Ross ne ek boxing company established ki hai wo bhi 4 professional boxers ke under or isme Ross ki bhumika sabse alag hai. Aisi ho sakhti hai Pushpa 2 ki Kahani jisme garibi ke kaaran smuggling kiya or phir jail ke waqt ka time apne aap ko sudhaarne mein laga diya. Aapko ye story kaisi lagi comments karke jarur bataiyega or tab tak ke liye meri or bhi stories padhiye or hamesha muskurate rahiye……..
Chandan Pandit
