Desh ke liye balidaan dena kaisa hota hai agar ye jaan na hai toh uss se pucho jiske liye desh se badh kar kuch nhi, jaise hamare army officers hai unko toh hamare desh ki nagrik hone ka toh haq milta hai lekin kai aise Spy aise bhi hotey hai jo desh ke liye balidaan toh dete hai lekin unko kabhi kabhi desh ki bhalayi ke liye desh ki nagrikta bhi naseeb nhi hoti. Aaj ek aise Spy ke baare mein hum jaanenge jisne bado bado ke mu se khud ki tariff karwayi hai unka naam hai Rameshwar Nath Kao, inka janam 10 May 1918 mein, Varanasi mein hua tha, jo aage chal kar bharat desh ke pahele Spy Master bane. Kao ka palan poshan unke Chacha ji Shri Pandit Trilokinaath kao ne kiya tha. Jab kao ko encourage kiya gaya tab unhone apni shuruaati padhai Bombay Presidency ke Baroda sehar mein ki thi or issi school mein unhone saal 1932 mein matric ki or saal 1934 mein apni intermediate puri ki thi. Phir saal 1936 mein Kao ne Lucknow University se Bachelor of Arts ki degree li or baad mein unhone socha ki kiu na Allahabad University se master’s in English ki jaaye or unhone aisa hi kiya or saal 1940 tak unhone masters of Arts ki bhi degree le li thi.
Kao ko unke dost piyar se Ramji naam se bulaate thy, kao hamesha se akele rehne waalo mein se thy shant or khud se matlab rakhte thy or sayad yahi unke liye bahut badi mushkil thi kiu ki agar aap spy ho toh apko har chiz ki jankari honi chahiye. Padhai ke baad Kao ne kuch saal tak kashmiri panditoh duwara banai gayi ciggerate company mein kaam kiye uske baad jab wo allahabad mein law ki padhai paar kar liye thy tab unhone saal 1940 mein Indian Imperial Police mein bharti hone ke baad chor diya or unki pahele posting kanpur mein as assistant superintendent of police mein hui. Uske baad unko independence se pahele intelligence bureau ke liye chuna gaya wo bhi B.N. Mullick ke sath. Aur inka kaam tha saare VIP logo ka dhiyan rakhna jisme Prime minister Jawaharlal Nehru ji ki bhi dekh bhaal krni thi. Saal 1950 mein jab British ki Maharani bharat ke pahele daure ke liye aayi thi tab kao ko hi unke dekh bhaal ke liye rakha gaya tha. Uss duraan ek program ke waqt Maharani ke taraf ek bouquet ko pheka gaya tha jisse kao ne apni kabiliyat dikhaate huye rok liya tha, jiss se khush hokar Maharani ne uski tarif bhi ki or usse sabashi dete huye Kao ko Good Cricket bhi boli thi.
Uss waqt 50 ke dasak mein ek ghattna hui jiske kaaran Kao ko sabashi toh mili hi sath sath unki bahut tarif bhi hui, Kashmir Princess Air India ka ek Lockheed L-749A jo ki ek taramandal vimaan tha wo hawa mein hi fatt gaya or 11 April saal 1955 mein Bombay Bharat or Hongkong se jakarta, Indonesia ke ek Bandung conference mein jaane ke duraan wo Pacifi Ocean mein ja kar crashed ho gaya, usme 16 log maare gaye or sirf 3 log hi bach paaye. Jo iss chiz ka investigate kar rahe thy unhone bataya ki Kuomintangjo ka ek secret agent hai jisse chinesse nationalist party ke roop mein bhi jana jata hai uske duwara hi vimaan mein time bomb rakha gaya tha or ussi ke kaaran ye crash hua, jo Chinese ke prime minister Zhou Enla ko maarne ki koshish ki ja rahi thi. Lekin Chinese prime minister ne last waqt par conference mein jaane ki time badal di thi jiske wajah se unka accident hotey hotey reh gaya or iss chiz ki investigation mein Kao ka sabse bada hanth tha or iss chiz ko dekh kar Zhou Enla ne ek sifaarish patr bheja or uski iss bahudari waali kaam par taarif bhi ki.
Saal 1960 ke akhiri waqt mein jab east pakistan mein problems badh rahi thi tab Indira Gandhi ke sath unhone jitna ho sake utna unse baat krne ki koshish ki. Ussi waqt Kao ke ek dost Victor Longer ne bola lo Intelligence hi ek maatr business hai jisme sirf bolne par hi sab depend krta hai agar kisi agent ne galat khabar di toh result bhi galat roop mein hi dikhta hai or kabhi kabhi wo apko isharo mein hi saare baatein bol jaate thy toh thik aisa hi rishta Kao ka Indira Gandhi ke sath tha. Ab ek Kao ke sath kai saare aise kao jud gaye thy jo uss intelligence bureau ke sath mein thy . Jab Raw Bangladesh ki bann ne mein madad kar raha tha tab, Pakistan ne ek operation chalu kiya searchlight. Inhone war ke time mein Bangladesh ko war ke liye training bhi di or sath mein hathiyar bhi di Mukti Bahini ko, Kao samjh gaye thy ki ab east pakistan mein ghusna hi padega or waha ki aabaadi ko hi hathiyar bana na hoga or unhe sabak bhi shikhana hoga. Kao ka khufiya network kitna jabarjast tha ki unko yaha bhi pata chal jata tha ki pakistan kis din hamla karega. Uss waqt khabar code mein mila karti thi or uss din Kao ko ye khabar mili ki pakistan Bharat par hawai hamla karne waala hai or hamla sone se do din pahele ye baat batayi gayi thi. Kao ki baat maan kar Air force ne high alert laga diya tha or jab Air force ne dekha ki aisa kuch nhi hua hai abhi tak toh unhone Kao se baat ki , ki itne din tak hum aise hi alert nhi reh sakhte hai jispar Kao ne unhe ek din or bas rukne ko bola aur 3 december ko pakistan ke taraf se pahela hamla hua lekin Indian Air force toh pahele se hi taiyaar thi isliye unhone pakistan ko aache se maja chakha diya or Pakistan aakhir kaar do tukdo mein bat kar ek pakistan hi reh gaya.
Jab ye sab baat Kao ne Prime minister Indira Gandhi ko batai toh unhone RAW ko hari jhandi dikha di or unhe iss case ko solve krne ki bhi manjuri mil gayi.
Saal 1962 ke Sino – Indian war or 1965 ke Operation Gibraltar ki bhawishya waani karne mein asafal hone ke baad bharat ke government ne khud ki ek intelligence agency banane ki sochi jisme wo war hone waali har secret baaton ko rakh sake or jaisa uss waqt Kao naam mashur tha or kai saalo tak kao ne Prime minister Jawaharlal Nehru ki khub sewa ki thi isliye unhone khud kao ka naam isme diya. Ghana se wapas aane ke baad Kao ko Odisha ke Charbatia ke research centre ka first director banaya gaya tha jo sirf or sirf TECHINT ke liye bani thi. Sino-Indian war or saal 1965 ke Indo- Pakistani war se desh ke intelligence bureau ko wo kuch nhi mil paaya jiski wo talash kar raha tha. Uss waqt log na jaane kiu India ke Intelligence bureau ko ek raakchas ke roop mein dekhte thy or wo bureau thik se ban hi nhi paya internal operation or politicians ke kaaran.
Gunaratna ke anusar Bangladesh mein wo operation do tarike se hua tha ek toh secretly unhe barbaad karna or dusra ghus kar maarna. Gunaratna ne kaha tha ki jo pahela charan tha wo kao ne dekha or dusra charan Manekshaw ne or aisa krte hi dono ne ye baat sabse pahele khud Indira Gandhi ko batayi thi. Saal 1971 ke uddh ke waqt ki jaankari itni aachi thi ki agar Indian Air force chahti toh wo Pakistan ke cabinet office par bomb gira sakhti thi. Kao ne unn se unki connection aachi rakhi or May 1975 mein bina daare Prime minister Indira Gandhi ko dhaka bhej diya taaki wo waha jar kar Sheikh Mujibur Rahman ko samjha sake ki jo waha ki sena kar rahi hai wo thik nhi hai or usse fauran rok diya jaaye.
Kao ne 1989 tak retirement leli or apna pura waqt wo Kashmiri panditoh ke bich dene lage. Unhone Kashmir mein ho rahi saari problems ko government ke sath share ki or usse solve krne ki bhi koshish ki. Saal 2002 mein kao ji ka dehant ho gaya or wo apne pichey apni ek paichan chor gaye “Kaoboys”. Kao bahut hi Shashi or nedar raw agent thy jo apne desh ke liye kuch bhi kar sakhte thy.
Kaisi lagi aapko ye ek spy ki kahani jo apne desh ko safe rakhne ke liye kuch bhi kar sakhta tha, comments karke jarur bataiyega or tab tak ke liye meri or bhi aisi post ki hui story ko padhte rahiye or hamesha muskurate rahiye……
Chandan Pandit
