Jiss tarah Aashiqui or Aashiqui 2 ne pardo par Dhoom machaya tha lagta hai Aashiqui 3 bhi aisi hi hogi jo ek alag hi chaap choregi kiu iss baar director ne kuch naya or kuch bada socha hai or hero ke liye makers ki Paheli pasand Kartik Aaryan hai , actress ki selection nhi hui hai abhi lekin story par kaam chalu hai.

Aashiqui 2 ne jitna sabko piyar karna shikhaya hoga sayad hi kisi or film ne shikhaya hoga kiu ki iss movie ko shooting krte waqt Aditya roy Kapoor or Shraddha Kapoor ko ek dusre se sach mein piyar ho gaya tha or kuch dino tak unn dono ne ek dusre ko date bhi kiya tha . Hum dono ke love angle ke baare mein jaane uss se pahele dono ke baare mein thoda jaan lete hai. Aditya roy Kapoor producer Siddharth Roy Kapoor ke bhai hai or Aditya ne apna debut saal 2009 mein aayi movie London dream se ki thi lekin inko pehchan Aashiqui 2 se mili jisme wo Rahul ka kirdaar nibha rahe hai. Or rahi baat Shraddha Kapoor ki toh inko ab kon nhi jaanta ye mashur actor Shakti Kapoor ki beti hai. Shraddha Kapoor ne apni debut Aashiqui film se ki . Logo ka kehna tha ki ye jitni shant thi set par sayad hi koi hoga or jitne aache se inhone Aarohi ka kirdaar nibhaya sayad hi koi or iss role ko nibha pata. Lekin kehte hai na ladakpan mein galtiyan bhi hoti hai sayad yahi ho gaya tha Aditya or Sharadha se . Shooting aachi khasi chal rahi thi ussi bich ye khabar aai ki Aditya or Sharadha ek dusre ko date kar rahe hai. Logo ne kaha sayad yahi reason hai ki movie mein unki chemistry itni strong dikhi. Shooting ke duraan director ko lead cast chuun ne mein itni dikkat aayi ki ye baat sirf wahi log jaante thy. Jis tarah Aashiqui mein makers ne new cast ko liya tha thik ussi tarah  iss baar bhi unhone new cast dhundhna shuru kar diya tha, makers ko samjh nhi aa raha tha ki wo kiya kare toh unhone ek talent hunt show bhi organise kiya tha thaki unko apni movie ke liye lead cast mil jaaye. Lekin aisa kuch bhi nhi ho paaya unhone wo talent hunt mein aisa ek bhi actor ya actress nhi mila jisme Rahul or Aarohi ki chawi dikh rahi ho toh unhone wo talent hunt show band kar diya.

Finally Aditiya or Shraddha ko final kiya gaya tha or story mein jaan daalne ki zemedari inn dono ki thi toh dono ne jam kar mehnat ki Aditya jaante thy ki unka iss movie mein ek nashe mein chur singer ka role hai toh wo sach mein waisa movie ke scene mein dikha sake isliye Aditya ne sach ki sharaab peeni shuru kar di thi wo roj set par sharaab pee kar aate thy kabhi kabhi aisa hota tha ki jada sharaab pee lene se unhe shooting rok deni padhti thi. Or kai baar toh shooting ke duraan dono ko chot bhi lagi thi lekin wo bina kisi delay ya complain ki shooting par focus karte thy

Ussi bich Aditya or Sharadha ko ek dusre ko lekar feelings thi dono ne ek dusre ko date karna bhi shuru kar diya tha or baad mein ye baat unn dono ke ghar waalo tak pahuch gayi lekin iske bich aa gayi tui sharadha ki maa. Shraddha Kapoor ki maa ka kehna tha ki agar relationship, piyar ya dates ke chakkar mein shraddha rahi toh kahi na kahi wo uske career ke liye problem creates kar sakhti hai isliye unke parents ne dono ko samjhaya or abhi filhaal wo dono ek aache dost hai. Uske baad dono ne milkar movie ki promotion ki yaha tak ki movie chal jaaye uske liye unhone ek concert bhi rakha taki movie ka naam or release date logo ke dimaag mein chap jaaye Aashiqui 2 jab release hui tab director or producers dono ko darr tha ki movie chale gi ya pitt jaayegi kiu ki movie mein do naye chehre thy or kahani bhi pahele waale Aashiqui se bilkul alag thi. Lekin jis taraf Aashiqui ka bhoot logo par sawaar hua thik waise hi Aashiqui 2 ne bhi apna jadu dikha diya or iss movie ne sirf or sirf Aditya roy Kapoor ya Shraddha Kapoor ko nhi piyar karna shikhaya wo har naujawan ko iska matlab shikhaya jo uss waqt piyar ke sahi maaine nhi jaante thy . Yeh movie sirf Mohit Suri jo ki  iske director hai  ya cast Aditya roy Kapoor ya Shraddha Kapoor ke liye hi wardaan sabit nhi hua iss se faida ek ubharte singer Arijit Singh ko bhi hua . Aaj Arijit Singh ko kon nhi jaanta hai unhone bhi iss movie ke songs ko hit karane ke liye apni jee Jaan laga di thi jitna ye movie hit hua uss se kai jada iska music or Arijit Singh. Log toh yaha tak kehne lage thy ki jo takat ya kahu jo jadu Arijit Singh ke awaaz mein hai wo sayad hi kisi or mein ho ,uss song ka craze abhi bhi waise hi barkaraar hai. Uss movie mein aisa koi bhi song nhi tha jisse piyar na mila ho saare ke saare songs blockbuster rahe or kaafi pasand bhi kiye gaye thy

Uss waqt sabke muu par ek hi baatein thi or wo thi ki maano iss movie ne Aashiqui ki yaadein sakbo dila di sabse jada toh wo barish waala scene jisme Rahul or Aarohi khud ko ek jacket ke andar chipa rahe thy, wo uss waqt kuch jada hi trend kar raha tha log usse apne partner ke sath try bhi kar rahe thy. Iske director Mohit Suri ne ye movie 15 crore ki budget mein banayi thi lekin unko ye dar tha ki sayad yeh movie nhi chal paayegi lekin iss movie ne 125 crore se bhi jada ka business kiya uss time par yeh movie blockbuster sabit hui. Ab director or producers Aashiqui 3 ke liye plan kar rahe hai unhone ek najar mein hi Kartik Aaryan ko final kar liya hai . Kartik Aaryan sab ki paheli pasand bante ja rahe hai kiu ki unhone pichle bitey filmo mein aisa kaam kiya hai ki wo sabki Paheli pasand ban chuke hai. Kartik Aaryan ne apni film ki shuruaat  Piyar ka Panchnama jo ki ek comdey movie hai uss se ki uske baad unhone apne kai aisi filmo mein kaam kiya jisme unhone akele hi uss film ko hit karwa diya. Haal hi mein aai Bhool Bhulaya movie jisme ek darr tha ki Akshay Kumar ko replace krne ke wajah se yeh movie kahi flop na ho jaaye lekin Kartik Aaryan ne iss film ko successful karne ka bhaar khud par liya or sach mein iss film ko hit karwa diya sayad yahi sab unki talent ke wajah se wo makers ki paheli pasand ban chuke hai Aashiqui 3 ke liye. Iss baar Aashiqui 3 ko direct Anurag Basu karenge unka kehna hai ki jis tarah Aashiqui or Aashiqui 2 ne apni pehchan banayi hai thik waise hi Aashiqui 3 ke liye bhi wo waisa hi kuch karenge. Iss par Kartik Aaryan ne bhi tweet karke bataya hai ki ye dono movies dekh kar hi wo bade huye hai or ab wo iss movie ka part hai toh jahir si baat hai ki unko ye movie krne mai maja bhi aayega or bahut kuch sikhne ke liye bhi milega

Toh ye thi kahani Aashiqui 2 ke parde ke pichey ki jo sayad hi parde ke iss paar aati or ab toh intezaar hai Aashiqui 3 ke aane ki, aapko ye story kaisi lagi comments karke jarur bataiyega or tab tak ke liye apna dhiyan rakhiye or hamesha muskurate rahiye……

Chandan Pandit

….