America ke 35th President John. F. Kennedy ke hatyare Lee Harvey Oswald ko Soviet se America aaye huye abhi wakt bhi nahi hua tha ki, uspe murder ka aarop bhi lag gaya. Oswald pe America ke Major General, Edwin Walker ke murder ki koshish ka aarop laga tha. Halanki yeh aarop Oswald pe Kennedy ke murder ke baad hi laga. 1963 ke April me Oswald New Orleans aa gaya, jiske ek mahine baad Oswald ki wife Marina bhi Oswald ke saath rehne New Orleans aa gayi. Oswald ne wahi ke ek coffee shop me “machinery greaser” ke taur pe kaam sambhala, jaha se use jald hi nikaal diya gaya, kyunki uska kaam satisfactory nahi tha aur woh jyadatar wakt rifle se related magazine padhta tha. Oswald iske baad Mexico chala gaya, jaha se October 2, 1963 ko lautne ke baad, Marina ki dost Ruth Paine ne Oswald ko bataya ki “Texas School Book of Depository” me job available hai. Ruth Paine ne Oswald ki madad naukri dilwane aur interview set karwane me ki. Oswald ko “Texas School Book of Depository” me 1.25 dollar per hour ki salary pe rakha gaya. Oswald ke supervisor kehte hai ki, “Oswald kaafi accha kaam kar raha tha..woh average employee se upar tha.” Oswald Dallas me ek room me rehta tha. lekin weekends pe woh spna wakt, Irving(इरविंग) me Marina ke saath, Ruth Paine ke ghar pe spend karta tha. Asal me Marina tab apni dost Ruth Paine ke saath hi reh rahi thi. Kennedy ke assassination se thik 1 mahine pehle October 20 1963 ko Oswald ki dusri beti “Audrey” ka janam hua. Issi bich FBI ki Dallas branch, Oswald me interest lene lagi, jab unhe CIA(Crime Investigation agency) ki taraf se yeh suchna mili, ki shayad Oswald Mexico based Soviet Embassy ke contact me hai. Iss silsile me FBI, November ke shuruati mahine me do baar Oswald ke absence me, Ruth Paine ke ghar pahuchi. Kennedy ke assassination se pehle Oswald 2 se 3 hafte tak Dallas stith FBI ka rukh karta tha. Ek baar Oswald ko agent James. P. Hosts se milne ko kaha gaya, halanki woh tab office me maujood nahi the, jiske baad Oswald ek note chod kar FBI ke office se chala gaya. Note me likha tha ki, “ise ek warning hi maan lo… lekin agar tum log meri wife ko pareshaan karna band nhi karte, toh mai FBI aur Dallas Police Department ko udaa dunga”. Baad me jab ispe research kiya gaya tab pata chala ki Oswald ne kabhi bhi FBI ko udaane ki baat nahi kahi thi. woh bus higher authorities se complain karne waala tha, kyunki FBI ki wjah se Oswald ki wife Marina ko pareshaani ho rahi thi. Agent James ne bataya ki asal me note me likha tha ki, “Agar aapko mere baare me kuch bhi jaan’na hai toh seedhe mere paas aayiye. Agar aap iss maamle ko lekar meri wife ko pareshaan karna nahi band karte toh mai iske against action lunga aur iss baare me legal authorities ko complain karunga.” Agent James ne bataya ki unhone Oswald ke note ko destroy kar diya tha. Asal me jab Kennedy ke murder case me Oswald phansa, ussi lagbhag FBI agent James ko, unke senior ne note ko destroy karne ka order diya. November 21, 1963 ko Oswald ne Kennedy pe shoot kar diya. Halanki isme bhi thoda bahut conspiracy hai. Kaha jaata hai ki, “Texas School Book of Depository” jaha pe Oswald kaam kar raha tha, waha ke 6th floor se usne apne hi rifle se 4 goliya chalayi. Kuch logon ne daawa kiya ki woh hatya ke 10 min pehle hi Oswald se baat kar rahe the. Police dwara pakde jaane pe Oswald ne kaha ki Police ne use issiliye arrest kiya hai kyunki woh Soviet Union me rehta tha. Oswald lagataar khud ko bekasoor bata raha tha. Lekin uske bag se mili rifle aur logon dwara kisi ko 6th floor se shoot karte huye dekhna, yeh sab Oswald ke khilaaf saboot bana rahi thi. Kaha jaata hai ki ek Russian spy bilkul Oswald ki hi tarah dikhta tha, lekin uski maut kab hui iss baat se log ab bhi anjaan hai. Oswald ko 24 November ki subah, jab central jail le jaaya jaa raha tha, tab Jack Ruby naam ka aadmi Oswald ke bahut kareeb aa gaya aur apne gun ko uski pet se laga kar fire kar diya, jis kaaran Oswald ki kuch hi ghanton me maut go gayi.
Video recordings me daawa kiya gaya hai ki, jab President Kennedy ko goli lagi toh limousine driver William Greer, gaadi ko tezi se bhaagaane ke badle slow kar diya tha. Agar Kennedy jald hospital pahuchte toh unke bachne ke jyada chances hote, toh phir kyun unhi ke driver ne gaadi ko slow kar diya? Willam Greer ko secret service ka ek agent bhi maana jaata hai. Kuch logon ke mutabik driver ka haath hatya me shaamil hai, jo Jackie ke isshare pe chal raha tha. Asal me log maante hai ki Jackie Kennedy, yaani ki JFK ki wife iss maamle me acchi tarah se shaamil thi aur iske peeche bhi kayi kaaran hai. Kennedy aur Jackie me lagtaar dooriyan badh rahi thi. Logon ka kehna ki jab 1952 me Kennedy Jackie se mile toh Jackie, Kennedy ke looks, wealth aur wit ki yor attract hui. Halanki J.F.K ko playboy kaha jaata tha. Woh logon ke beech jitne popular the apni personality ki wajah se, wahi andar unke kayi dark secrets bhi the. Kennedy ka kaafi logon se affair tha, jis baat ko Jackie acche se jaanti thi. Jackie Kennedy J.F.K ko chodna bhi pasand nahi karti, kyunki First lady ke taur pe Jackie kaafi jyada popular thi. Iss kaaran apne status ko maintain karne ke liye unhe baahar se sab normal dikhana padta tha. Bhale hi J.F.K Jackie ko pasand karte ho lekin woh kahi se bhi loyal nahi the. Jackie sab se jyada Iconic American actress Marilyn Monroe se pareshaan thi. Marilyn aur Kennedy ki khabar humesha hi news articles me aati rehti thi. Jackie Kennedy se pehle se hi pareshaan thi, par jab saamne se kisi ne Kennedy ko maarne ka offer diya toh woh peeche bhi nahi hati. Conspiracy bahut hai. Kuch ke nazar me Jackie nirdosh hai, par bahuton ke nazar me woh bhi hatya me utni hi shaamil hai, jitne ki baaki sab. Ajeeb baat yeh hai ki Marilyn Monroe ka murder 4th August 1962 ko hua tha aur issi ke 16 mahine ke andar J.F.K ka bhi assassination ho gaya. Itna hi nahi Kennedy se bas 5 saal baad unke bhai ka bhi kisi ne murder karwa diya tha.
Toh darshakon aage hum jaanenge ki aakhir kaise Kennedy, Robert aur Marilyn ke taar ek dusre se joode huye hai aur aakhir Jackie ne kiske kehne pe J.F.K ko marwaane ka faisla kiya? Yeh saari baatein aapko aage pata chalegi, tab tak ke liye padhte rahiye humari yeh blog, jiska naam hai Bollygrad studioz
To be continued… part-4
