Maine aapko hamesha dikhaya ya bataya hai ki inasan ab kis ki baatein karte hai, aur kiske banane ki baatein karte hai. Humne Shopia ke baare mein bahut suun liya hai aur ab baaki hai India ki hindi bolne waali Rashmi robot ke famous hone ki baare mein jaan ne ki . Rashmi ek bhartiya humanoid robot hai jisse Bihar ke rehne waale Ranjit Srivastava ne banaya hai. Iss robot ko 2 saal pahele, 1 August saal 2018 mein launch kiya gaya tha. Ranjit ko robot banane ka khiyal ek movie se aaya tha aur unhone uss khiyal ko as challenge le liya aur akele bina kisi ke madad ke uss Robot ko taiyaar kar diya. Abhi filhaal Ranjit Srivastava iss samay IT company chala rahe hai wo 15 saal se software development ka kaam kar rahe hai. Ranjit Bachpan se hi robot banane ke liye prerit the aur aakhir kaar wo din aaya saal 2012 jisme unhone Robot ko bina kisi se madad liye saal 2014 tak unhone paper mein aur Dimaag mein robot ka design utaar liya tha uske baad saal 2016 mein se robot banana shuru kar diya tha aur saal 2017 mein ek aisa robot banaya jiska Naam Rashmi Rakha gaya tha. Ranjit ki maane toh unhone saal 2018 mein Rashmi 2.2 ka updated version thi jisme wo hindi aur bhojpuri bolne waali yeh duniya ki sabse paheli robot bani .
Rashmi ko banane mein Ranjit Srivastava ne kai takniko ka test kiya tha tab jakar Sophia robot ka bhartiya sanskaran taiyar hua hai ya kahu toh Sophia ki competitor. Ranchi ke 38 saal ke Ranjit Srivastava ne isko banane mein Linguistic interpretation, artificial intelligence, visual data ke alawa facial recognition system ka upyog kiya gaya hai. Rashmi ko especially iss prakar se design kiya gaya hai ki uske software mein har badlaao Ranjit khud karte hain. Ranjit ne bataya hai ki Rashmi linguistic intelligence ke jariye baat chit ki bhavnao ko samjhati hai aur wahi artificial intelligence ka analysis karte huye wo puche gaye har sawal ka jawab deti hai. Ranjit Srivastava ne bataya tha ki unko Rashmi ko banane mein do saal ka waqt laga aur karib 50 hazaar rupay ka kharch ho chuka hai, lekin usse aache se taiyaar hone mein aur bhi waqt laga tha kyuki abhi wo apni aankhe, hoto aur palko ko hila leti hai aur apne gardan ko ghumakar ishaare bhi kar sakhti hai. Unhone bataya ki Rashmi ek do mulaakat ke baad kisi ko bhi wo aasaani se pehchan leti hai, kyuki iski aankhon mein laga camera logo ki chavi ko kaid kar leta hai aur Artificial intelligence program uss admi ki paihchan karne mein madad karta hai.
Jab Rashmi ko banaya gaya tha toh log Shopia ko Rashmi se compare karne lage aur uss se Rashmi ko sabne best keh kar pukaarte the kyuki jo khubiya Sophia ke paas hai uss se kaafi aachi khubiya Rashmi ke paas hai. Sophia ko banane waale David Hanson ne bataya tha ki Sophia Humanoid robotics hardware, Artificial intelligence software, artificial skin material aur awaaz paihchanne waale software ka combination hai. Sophia chehre ki 48 muscles ko movie kar sakhti hai, wo na sirf chehre par aane waale expression aache se paihchan Sakhti hai balki yeh kisi ke bhi sath baat chit kar sakhti hai. Yaha tak ki kuch din pahele hi Sophia India aa chuki hai aur Artificial intelligence ko badhawa dete hui Saudi Arabia ke government ne Sophia ko waha ki citizenship bhi de di hai. Jaha Rashmi 2 saal mein bankar taiyar thi wahi Sophia ko banane mein 10 saal lag gaye the. Sophia ko banane mein crores mein rupaye kharch huye the toh wahi Rashmi kuch hazaar mein hi ban kar ready thi. Yaha tak ki IT ke students jis taknik se Rashmi ko banaya gaya hai wo dekh kar wo saare ke saare confused hai.
Abhi kuch saal pahale hi Rashmi ko kai saare TV shows par bhi laya gaya tha yaha tak ki wo FM radio station par bhi ja kar interview de chuki hai lekin Rashmi ko aachi khaasi paichan TV show India Got Talent mein Mila tha jab usse purey Bharat ke saamne perform karne aur apne khasiyat ke baare mein batane ka mauka tha. Rashmi ko India Got Talent se wo fame mili jiske wajah se usse desh bhar mein jaanne lage aur uske baad usne kai saari interviews bhi di .Toh ye ek Kahaani ho sakhti hai aane waali movie Robot 3.0 ki jisme makers India ke khubiyon ko aur aache tarike se duniya tak pahuncha Sakhte hai. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
