Mithilesh Kumar Srivastava ek aisa chor jisne har hadde paar kar di chori ke naam par, jab jab isse giraftaar kiya jaata tha wo kuch na kuch tarkib nikaal kar jail se bhaag jaaya karta tha kai baar toh isne police ke saamne se bhi bhaga hai phir bhi police isse pakad nhi paayi aur ye apne chori ko anjaam deta raha. Mithilesh ka janam saal 1912 mein bihar ke Siwan mein hua tha . Mithilesh ghar mein sabse bada tha apne baakiyon do Bhai se aur iske pita ji ek station master the aur kahi na iska faida mithilesh bahut aache se uthha tha aur iss wajah se usse railway industry ke baare mein har kuch pata bhi tha . Yaha takki wo padhai mein bachelor of commerce ki degree ke liye padhai bhi ki thi,
yaha takki unko ek broker ne bank ki saari jaankaari de rakhi thi aur sirf yahi tak nhi thi mithilesh ki khasiyat wo nakli documents aur fake signature bhi aache se karna jaanta tha aur iska faida bhi kaafi aache tarike se uthana jaanta tha. Jab ek baar mithilesh ke padosi usko bank mein Paisa jama karne kiye bheje the toh paheli baar ussi din usne nakli signature karke paheli chori ki thi. Yaha tak ki padhai ke baad mithilesh ne khud ke kapde ka business bhi khola tha lekin uss kaam mein bhi unka mann nhi laga tha jis kaaran uska wo dukan band ho gaya tha. Kuch samay baad British ne mithilesh ka ghar bhi chinn liya tha kyuki uska ghar aise jagah par bana tha jaha British ka haq tha .
Saal 1937 mein isne paheli chori ki thi wo bhi 9 tonnes iron ki jiske wajah se isse arrest kiya gaya tha aur police waalo ka kehna tha ki wo roj prostitutes ke paas jaya karta tha waha wo dher saari saraabe pita tha aur unn sab ki paise aur jewellery lekar bhaag jaaya karta tha. Kaha jata hai mithilesh hamesha logo ko natwarlal bann kar thagta tha jiske kaaran iska naam natwarlal rakha gaya tha aur ye hamesha khud ko chipane ke liye bahut saare naamo ka istemaal kiya karta tha aur ussi wajah se ke kai saare dukaandaaro, jauhariyo, banko aur bidesiyo se lakho rupaye thug leta tha, Aur jab bhi wo logo ko thugta tha toh har baar uski nayi chaal hoti thi. Saal 1950 ke dasak mein isne rail rent aur chawal se bhare bag ke ghotaale ke naam par Punjab National Bank se 6.5 lakh rupay thug liye the, wo hamesha Aisa isliye kar paata tha kyuki wo nakli signature mein kaafi hosiyar tha. Reporters ki maane toh isne Tata, Birla aur Dhirubhai Ambani ko bhi dhoka diya tha aur unke paise le udda tha. Yaha tak ki isme Britisher ko Sansad bhavan bhi bech diya tha aur toh aur usne Taj Mahal Red fort bhi bechne ki koshish ki thi jise kharidne wala koi aur nhi sansad ke hi ek member the. Wo khud ko kamjor aur bebas dikha kar logo ko thugta tha aur unnse hamesha demand draft ke jariye paise nikalwa leta tha.
Natwarlal kathith taur par apne gaaon bangra mein Robinhood naam ke insaan jaisa tha wo apni kamai unn logo ko de deta tha jisse uski sabse jada jarurat hoti thi. Usne kai baar police waalo ko chakma diya hai yaha tak ki jab usse tihaad jail mein rakha gaya tha tab bhi wo police waalo ke naak ke nichey se bhaag nikla tha . Ek baar ki baat hai jab bangar mein ek dawat thi toh usse bhi waha bulaya gaya tha lekin jaise hi natwarlal ko pata chala ki waha police bhi aane waali hai usne dawat ke dauraan hi sabhi Garib logo ko 100-100 rupay dekar waha se bhaag nikla tha. Ek baar ki baat hai jab natwarlal police se bachne ke liye usne ye afwa faila thi ki wo maar chuka hai aur iss baat ko uske wakil bhi confirm karne aaye the lekin ye baat phir se court mein discuss ki gayi saal 2009 mein jab uske wakil ne court se kaha ki kyuki natwarlal ki ab toh maut ho chuki hai toh kyu na uske upar lagu sabhi case ko band kar diya jaaye jispar uske bhai ne bhi iss baat par haami bhari aur bola maine khud unka antim sanskaar kiya tha aur ab unke upaar se wo saare ke saare case hatne hi chahiye. Lekin kaanon ko abhi tak aisa koi bhi sabut nhi mila hai jiss se ye confirm bola ja sake ki uski maut ho chuki hai.
Ye kahani ho sakhti hai aane waali movie Dhoom 4 ki jisme ek shatir chor ke baare mein jaanenge ki usne kaise apne maut ko chakma diya tha aur aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
