Housefull franchise me actor se jyada actresses popular hai. Iss franchise ki actresses humesha se hi darshakon ka attention apni yor haasil karti aayi hai. Chahe woh Lara Dutta ho, Lisa Haydon ho ya phir Sri Lankan actress Jacqueline Fernandez hi kyun naa ho. Har taraf sirf inhi ki hawa hoti hai. Wahi issi beech, Housefull-4 ke liye kaafi dino se ruke fans ko jab yeh pata chala, ki iss baar unki favorite actress Jacqueline film ka hissa nahi hongi, toh log kaafi niraash ho gaye. Sabhi ke man me bas yahi sawaal tha, ki jab Housefull-4 me prequel ki saari cast waapas aa rahi hai, toh phir film se Jacqueline achaanak se exit kyun hui? Maamle ko detail me jaan’ne ke liye media har kisi ke paas pahuchi, jisme pata chala ki, Jacqueline achaanak se film se exit hui iska kaaran, unke ex boyfriend Sajid Khan hai. Sajid ka kehna tha ki “woh personally aur professionally Jacqueline ke saath compatible nahi hai.” Film ke producer Sajid Nadiadwala ke saamne do options rakhe gaye the, jisme unhe ya toh Sajid Khan ko chose karna tha ya toh Jacqueline Fernandez ko. sab jaante hai ki Nadiadwala ne uss wakt kise jyada importance diya tha. Housefull-4 ko chod kar, Jacqueline pichle teeno parts ka hissa reh chuki hai. Yahi kaaran tha ki jab unhe achaanak se film se baahar ka raasta dikhaya gaya, toh media ki aakhein khabar ko jaan’ne ke liye badi ho gayi thi. Jacqueline ke career ka sabse bada break “Housefull” hi tha, jise karne ke baad Jacqueline ka naam India ke har ghar me pahuch gaya tha. Yeh wo daur tha jab Sajid khan aur Jacqueline ke dating rumors bhi spread hone lage the. Jacqueline ko film Housefull ne woh sab kuch diya, jo ki ek struggling actor ko Bollywood se milne ki umeed hoti hai. Aise me film se baahar hone pe, unke fans ka dukhi hona toh laazmi tha.
Jacqueline se jab iss baare me pucha gaya toh unhone kaha ki “Mujhe nahi pata, lekin agar aisa hai bhi, toh mujhe bas iss baat ki khushi hai ki main pichle teeno parts ka hissa thi aur yeh aacha experience tha.” Yeh sawaal Jacqueline se tab pucha gaya, jab Housefull-4 se unki exit ko lekar sirf speculations kiye jaa rahe the aur kuch bhi confirm nahi tha. Par jaisa ki sabne socha, waisa hi hua, aur Sajid ne Jacqueline ko Housefull-4 se baahar ka raasta dikha diya.
Ab hum ise jaise-ko-taisa bole ya karma bole yeh toh pata nahi, lekin Jacqueline ki film se exit ke kuch dino baad hi Sajid pe “MeToo” ka allegation laga aur unhe bhi film se baahar ka raasta dikha diya gaya. Sajid ab iss franchise se puri tarah se door hai. Well woh tabtak toh door hai , jabtak Akshay iss film ka hissa hai.
Toh kya hum ab yeh maan le ki Housefull-5 me Jacqueline ki re-entry hogi? Ji haa bilkul! Jacqueline se film ki cast ko koi dikkat nahi hai. aise me unki Housefull-5 me entry ho sakti hai. Wahi yeh bhi kaha jaa raha hai ki, iss baar Akshay ka saath dene Bobby Deol ke alawa, John Abraham bhi aane waale hai. Jab se film se John ka jooda hai, log yeh bhi speculate kar rahe hai ki shaayad Disha Patni bhi Housefull-5 ka hissa ho sakti hai aur iske kayi kaaran bhi hai.
Disha aur John ka duo, film “EK Villain Returns” ke baad se limelight me aaya. Issi ke baad se hi log iss duo ko pasand karne lag gaye aur ab fans, inn dono ko har film me saath dekhna chahte hai. Dusra kaaaran, John aur disha ki maintained physique bhi hai. Naye generation ki sabse fit actress agar koi hai toh woh Disha Patni hi hai. Wahi actor me John ki physique se sab waakif hai. Yahi kaaran hai ki iss jodi ko compatible maana jaata hai. Toh yeh toh confirm hai ki Housefull-5 me jarur hi iss jodi ki entry hone waali hai. Housefull-5 me iss baar Akshay kumar, Riteish Deshmukh, Abhishek Bachchan aur Bobby Deol saath nazar aane waale hai. Actresses ke naam abhi confirm nahi kiye gaye hai, halanki Disha ko lekar speculation lagataar jaari hai. Ab yahi Dekhna hoga ki, iss baar yeh comedy film kitno ko hasaati hai.
To yeh thi aaj ki video. agar aapko yeh khabre pasand aayi ho aur aap films se joode kayi saare interesting facts jaan’na chahte hai, toh bane rahiye humare saath issi channel pe, jiska naam hai Bollygrad studioz.
The End