Jab aap celebrity ho toh aapko tarah-tarah ke rumors ke liye humesha taiyaar rehna chahiye. Kayi baar toh aise baaton ke bhi rumor fail jaate hai, jiske baare me khud celebrity ko hi nahi pata hota. Aisa hi kuch inn dino Salman Khan aur Pooja Hegde ke saath ho raha hai. Asal me yeh dono celebrity ek saath “Kisi ka bhai kisi ki jaan” me nazar aane waale hai, jis kaaran aksar hi dono ko media, saath me dekh leti hai aur phir rumors hawa de deti hai. Toh chaliye sabse pehle hum baat karte hai ki exactly rumor hai kis baare me.
Toh Kuch dino se Bollywood ki galliyon me kayi tarah ki rumors spread ho rahi hai, inme se ek Salman khan aur Pooja Hegde ko lekar bhi hai. Kisi report ne dawa kiya hai ki Salman aur Pooja Bollywood ke naye couple ho sakte hai, kyunki Salman Pooja ke saath inn dino kaafi wakt bita rahe hai. Aur maana yeh bhi jaa raha hai ki dono ek dusre ko kaafi pasand bhi karte hai. Yahi kaaran hai ki Salman ne Pooja ko apni upcoming do filmo me sign kiya hai. Iss rumor ko sunte hi Salman ke fans hairaan reh gaye. Kisi ko bhi iss baat pe bharosa nahi ho raha tha, lekin kyunki Salman ki yor se iss baare me koi tippani saamne nahi aayi hai, issi kaaran koi ise fake bhi nahi keh paa raha hai. Issi beech Salman ke ek dost unke messiah ban kar media ke saamne kud pade hai. Salman ke dost ne media ki iss rumor ko phatkaar lagayi hai. Unhone kaha “Woh log jo aisi wahiyaat khabar failaate hai kuch toh sharam karo. Woh ladki(pooja Hegde) Salman ki beti ki age ki hai. Kyunki dono saath film(KBKJ) kar rahe hai, issiliye kuch idiots ko lag raha hai ki yeh film ke liye publicity gain karne ka accha mauka hai. Par yeh sharmnaak(embarrassing) hai.” Salman ke dost se jab pucha gaya ki “Salman khud iss baare me kyun nahi kuch kehte hai?” Toh ispe unke dost ne jawaab diya ki “Salman inn jaise rumors pe ab dhyaan nahi dete, halanki yeh khabar sirf unke baare me nahi hai, issiliye unhe ispe react karna chahiye, kyunki aisi khabarein actress ki reputation ko kharaab karti hai.” Waise toh Salman ke iss dost ke baare me jyada kuch toh saamne nahi aaya hai, bas unke dwara di gayi tippani har jagah circulate ho rahi hai. Jis source ne Pooja aur Salman ki dating rumor spread ki thi, uske mutabik Salman aur Pooja “Kisi ka bhai kisi ki jaan” ki shooting ke dauraan ek dusre ke kareeb aaye the, lekin jab se Salman ke dost ne iss rumor pe apni tippani di hai, tab se iss baare me ab koi baat nahi kar raha. Maana gaya ki December ke shuruat me “Umair Sandhu” naam ke ek self-claimed film critic ne apne Twitter account pe iss baare me sabse pehle baat ki, jiske baad se yeh tweet itni viral hui ki Salman ke fans do group me divide ho gaye. Ek jo iss rumor ko sach maan rahe the, wahi dusra group ise fake keh raha tha. Umair Sandhu ne likha “BREAKING NEWS!! Salman khan aur Pooja Hegde Bollywood ke naye couple hai!! Salman khan Pooja ko kaafi pasand karne lage hai aur unhone apni production house ki agli do filmon me Pooja ko sign bhi kiya hai. Salman inn dino Pooja ke saath wakt bita rahe hai!! Iss baat ka khud Salman ke close source ne dawa kiya hai.”
Iss khabar ke baad se bhale hi desh bhar me iss baare me khub charcha hui, lekin Pooja aur Salman me se kisi ne bhi, iss baare me apni yor se koi reaction nahi diya hai. Salman ke khaas dost jinhone iss rumor pe taala lagaya, woh pehle iss kahbar ko sunkar kaafi hanse the aur phir apni tippani di thi.
Saal 2022 ki shuruat me Pooja Hegde se jab media ne Salman ko lekar sawaal kiya toh unhone kaha ki “Salman kaafi sweet aur real hai. Issi kaaran aise insaan se baat karna kaafi asaan hota hai. Mai humesha se kehti aayi hu, ki ek baat mujhe unki kaafi pasand hai ki ‘agar woh aapse pyaar karte hai, toh woh sach me karte hai. Aap asaani se yeh baat bata sakte hai. Wahi agar woh aapse nafrat karte hai, toh woh bhi aap badi asaani se bata sakte hai. Mujhe aisa lagta hai ki aisi duniya me jaha kabhi-kabhi cheezen fake lagne lagti hai, aise me Salman jaise real insaan ka hona sach me acchi baat hai.” Pooja ka iss baat se matlab tha ki Salman “easy to understand” hai. Yaani ki agar woh aapse pyaar kare ya phir nafrat kare, toh aap iss baat ko bina kisi complication ke asaani se samjh sakte hai. Pooja ke liye “Kisi ka bhai kisi ki jaan” bada break hai. Unhe iss film me Bollywood Superstar ke saath screen share karne ko mil raha hai, jis baat ko lekar Pooja khud Salman ki bahut abhaari hai.
Aage hum jaanenge ki Pooja ke liye yeh film kya maayene rakhti hai aur woh iss film ko lekar kitni excited hai. Issiliye bane rahiye humare saath iss blog pe jiska naam hai Bollygrad studioz.
To be continued… part-1