Yudh mein nukasaan dono taraf se hota hai lekin jab jab war India aur Pakistan ke bich hoti hai wo ek alag level par hi chala jata hai. Saal 1965 ki ladai mein bhi kuch aisa hi hua tha phir bhi bharat ka palda bhari raha tha par pakistan ne kabhi bhi iss baat ko khul kar nhi mana tha. India se har baar ke ladai mein Pakistan ko muh ki khaani padti hai phir bhi wo apne harkato se baaj nhi aata hai. Kashmir par buri najar rakhne waale padosi ne lagatar yaha ghuspaithiyon ko bhejne ke liye ghati ko hamesha sulgaane ki koshish ki hai aur jung ke maidan mein maat mili toh Proxy war ki madad li thi lekin pakistan kitna shatir hai isko samjhne ke liye 57 saal pahele 1965 ke samay mein jana hoga. Saal 1962 ki ladai mein china se mili haar se India abhi bahar aa hi raha tha ki Pahele pradhanmantri Jawaharlal Nehru ji ki maut ho chuki thi aur Lal Bahadur Shastri ji ko desh ka naya pradhanmantri bana diya gaya tha. Pakistan ko laga ki height mein chote dikhne waale Shastri ji kamjor honge aur 3 taraf se war ke halat ko thik se nhi sambhal paayenge, toh pakistan ko laga ki Kashmir chinn ne ka iss se acha mauka nhi ho sakhta hai . Lekin usse kiya pata tha ki bhalo height kam hai lekin Shastri ji sher se kam nhi the.
Saal 1965 mein Kutch ke bade ilaake par pakistan ne apna haq jama liya tha ye soch kar ki ab wo apne plan mein aage badh rahe hai aur India ko hara denge iss baar aur ye India se ladai ke liye pakisthan ka pahela kadam tha , August aate aate pakistan ki sena ne apna operation jiska naam Gibraltar rakha tha wo unhone shuru kar diya tha jiska kaam tha LOC ko paar karke Kashmir ki muslim aabadi ko Indian government ke khilaaf bhadkana tha. Pakistan ke fauz ke head ko lag raha tha ki iss tarah se ye kashmiri muslims ko bhadka denge toh pakistan ka internationally dab-daba bann jaayega. Yaha tak ki codename bhi pakistan ne Portugal aur Spain par muslim hamle se liya tha jo Gibraltar port se shuru kiya gaya tha. Lal bahadur shastri ji ne bhi Indian sena ko khuli chutt de di thi aur 28 August ko India ne Haji peer par kabja kar liya tha, issi bich sochi samjhi sajish ke tehat pakistan ne teesra operation Grand Slam shuru kar diya tha. Pakistan ko lag raha tha ki iss tarah charo taraf se attach karne se India darr jaayega lekin unn logo ne Shastri ji ko samjhne mein bhul kar di thi. Ab dono taraf se war shuru ho chuka tha jiske kaaran halat bahut kharab ho gaye the aise mein pradhanmantri aur unke pariwar ko bhi special safety ke sath rakha gaya tha. Shastri ji ke bete Anil shastri ji ne ek interview mein bataya tha ki unhe war ke dauran unke ghar ke saamne unki safety ke liye ek bunker banaya gaya tha, uss samay safety ko dhiyan mein rakhte huye shastri ji aur unka pura pariwar rashtriya bhawan sone ke liye jaate the kyuki bhawan ki diwaare bahut jada majbutti se bani thi.
Saal 1965 , 1 September ko pakistan ki sena Akhnoor pool tak pahuchi chuki thi ab India ki baari thi ki wo aage kuch kare. Indian officers ne 6 September ko Punjab front par apna morcha khol diya aur sena Lahore ki taraf badhti chali gayi. 24 ghante mein Siyalcourt sector mein Bhartiya sena teji se aage ja rahi thi aur pakistan ki sena Khemkaran ki taraf badhi aur wahi dono ke bich ek khatarnak war hui. Bhartiya fauz ko haawi hotey dekh pakistan darr gaya aur sochne laga ki kya kiya jaaye. 4 September saal 1965 ko safety council ne act 209 ke jariye ceasefire ko invoke kiya aur dono desho ki government se joint rashtriya ki team ke sath sehyog karne ke liye kaha gaya tha jisse Ceasefire ki nigraani karne ka jimma 16 saal pahele hi saup diya gaya tha. Do din baad safety council ne act 210 ko accept kar liya aur shanti bana kar rakhne ki request ki aur apni taraf se puri koshish ki taki wo war ruk sake. Aakhir kaar 20 September ko council ne act 211 ko pass kiya jiske tehat kaha gaya ki 22 September saam 1965 ko subha 7 baje se ceasefire hoga sath hi dono desho ke sainik piche hattkar 5 August se Pahele waale haalat ya bolu mahol mein wapas chale jaayenge. Baad mein January saal 1966 mein India aur Pakistan ke neta Soviet union mein miley aur shanti ke liye settlement ki thi. Ye kahani ho sakhti hai aane waali movie Gadar 2 ki , aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
